🌸 တောင်ကြီးမြို့၊ အနောက်မြို့ပတ်လမ်းတွင် သစ်ပင်လဲကျမှု ဖြစ်ပွား

.

တောင်ကြီး၊ မေ ၁၂

.

ရှမ်းပြည်နယ်မြို့တော်၊ တောင်ကြီးမြို့၊ ကျောင်းကြီးစုရပ်ကွက်၊ အနောက်မြို့ပတ်လမ်း၊ ကြက်ခြေနီရုံး အနီးတွင် ယနေ့ မေလ ၁၂ ရက်၊ နံနက် ၁၀ နာရီခန့်က သစ်ပင်လဲကျမှုတစ်ခု ဖြစ်ပွားခဲ့ကြောင်း သိရသည်။

.

.

အဆိုပါ သစ်ပင် လဲကျမှုကြောင့် ယာဉ်သွားလာမှု မပိတ်ဆို့စေရေးအတွက် တောင်ကြီးမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များ၊ အရန်မီးသတ် တပ်ဖွဲ့ဝင်များဖြင့် ရှင်းလင်းရေးလုပ်ငန်းများ ဆောင်ရွက်ခဲ့ ကြောင်း သိရသည်။

.

ယနေ့ မေလ ၁၂ ရက်၊ နံနက်ပိုင်းကလည်း ရှမ်းပြည်နယ်တောင်ပိုင်း၊ ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့တွင် မိုးရွာသွန်းမှုကြောင့် မြေသားပျော့ကျ၍ အုတ်တံတိုင်းပြိုကျမှု ဖြစ်ပွားခဲ့ပြီး အမျိုးသမီး တစ်ဦး သေဆုံးကာ တစ်ဦးဒဏ်ရာရရှိခဲ့သေးသည်။

.

တောင်ကြီးမြို့ အပါအဝင် ရှမ်းပြည်နယ်တောင်ပိုင်းဒေသတွင် ယခုရက်ပိုင်းအတွင်း မိုးအဆက်မပြတ် ရွာသွန်းနေပြီး မိုးရွာသွန်းမှုကြောင့် မြေပြိုခြင်း၊ အုတ်တံတိုင်းနှင့် သစ်ပင် လဲကျခြင်း၊ ရေကြီးရေလျှံခြင်းများ ဖြစ်ပေါ် နိုင်ကြောင်း သတိပေး ပြောဆိုမှုများ ရှိနေသည်။

.

#ShanGazette #Taunggyi #Diseaster

.