🌸 တောင်ကြီးမြို့ ပြည်နယ်ဘောလုံးကွင်းပတ်လည်ရှိ ဆိုင်ခန်းများအား ဖယ်ရှားခိုင်းထား

.

တောင်ကြီး၊ ဒီဇင်ဘာ ၅

.

တောင်ကြီးမြို့၊ ရှမ်းပြည်နယ်အားကစားကွင်း ပတ်လည်တွင် တည်ဆောက်ထားသော ဆိုင်ခန်း/တိုက်ခန်း များအား ဖယ်ရှားရှင်းလင်းသွားရန် ပြည်နယ်အားကစားနှင့် ကာယပညာဦးစီးဌာနက ဒီဇင်ဘာလ ၃ ရက်တွင် အကြောင်းကြားထားသည်ဟု သိရသည်။

.

.

ပြည်နယ်ဘောလုံးကွင်း ပတ်လည်ရှိ အား/ကာဌာနပိုင် မြေပေါ်တွင် ငှားရ၎်းထားသော ဆိုင်ခန်း/တိုက်ခန်း များအား ဆက်လက်ငှားရ၎်းခြင်း မပြုတော့ကြောင်းနှင့် ဒီဇင်ဘာလ ၁ ရက်မှ စတင်၍ ဆိုင်ခန်း/တိုက်ခန်း လစာများ ကောက်ခံခြင်း မပြုတော့ကြောင်း ဆိုင်ခန်းရှင်များသို့ အကြောင်းကြားသည့် စာတွင် ဖော်ပြ ထားသည်။

🌸 ကက္ကူလမ်းခွဲတွင် ဆိုင်ကယ်နှင့် ၆ ဘီးယဉ် တိုက်မိပြီး ဆိုင်ကယ်မောင်းနှင်သူ သေဆုံး

.

တောင်ကြီး၊ ဒီဇင်ဘာ ၄

.

တောင်ကြီးမြို့နယ်၊ ကက္ကူကျေးရွာအုပ်စု၊ ကက္ကူလမ်းခွဲ လမ်းပိုင်းတွင် ယနေ့ ဒီဇင်ဘာလ ၄ ရက်၊ ညနေ ၃ နာရီခန့်က မော်တော်ဆိုင်ကယ်နှင့် ၆ ဘီးယာဉ် တိုက်မိမှုတစ်ခု ဖြစ်ပွားခဲ့ကြောင်း သိရသည်။

.

.

အဆိုပါ ယာဉ်တိုက်မှုကြောင့် ဆိုင်ကယ်မောင်းနှင်သူ အမျိုးသားမှာ သေဆုံးခဲ့ပြီး ဆိုင်ကယ်နောက်တွင် လိုက်ပါလာသူ အမျိုးသမီးတစ်ဦး ထိခိုက်ဒဏ်ရာရရှိခဲ့ကြောင်း သိရသည်။