🌸 တောင်ကြီးတွင် အိမ်ခန်းနှင့် ဆိုင်ခန်းငှားရမ်းခများ အဆမတန်မြင့်တက်နေ ဟုဆို

.

တောင်ကြီး၊ အောက်တိုဘာ ၂၁

.

ရှမ်းပြည်နယ်မြို့တော် တောင်ကြီးမြို့တွင် လူနေအိမ်ခန်းနှင့် ဆိုင်ခန်းငှားရမ်းခများ အဆမတန် မြင့်တက် နေပြီး ပုံမှန်ဝင်ငွေရှိ အခြေခံလူတန်းစားများအတွက်ပင် ငှားရမ်းနေထိုင်ရန် ခက်ခဲနေကြောင်း သိရသည်။

.

.

“အိမ်ခန်းငှားခတွေက ရန်ကုန်၊ မန္တလေးလို မြို့ကြီးတွေထက်တောင် ပိုများနေတယ်။ တောင်ကြီးမှာ လမ်းမတန်းလို နေရာမျိုး၊ လမ်းဆုံကြတဲ့နေရာတွေမှာ အခန်းငှားပြီး ဆိုင်ဖွင့်ဖို့က မလွယ်ဘူးဗျ။ အခန်း ငှားခဈေးတွေက မြင့်လွန်းတယ်။ တော်ရုံတန်ရုံ အစားအသောက်လေး ရောင်းမယ်ဆိုရုံကတော့ ဆိုင်ခန်းခ ပြန်ရဖို့တောင် မလွယ်ဘူး။ အလုပ်အကိုင်ရှားပါးတော့ တချို့တွေလည်း ဖြစ်မလားဆိုပြီး လုပ်ကြည့်ကြ တာပေါ့။ စာချုပ်တစ်ဖြတ်လောက်ကုန်တာနဲ့ နားကုန်ကြရော။ ဆိုင်ခန်းခအပြင် အခန်းပြင်ဆင်စရိတ်တွေပါ ရှုံးတာပေါ့” ဟု တောင်ကြီးဒေသခံတစ်ဦးက ပြောသည်။

🌸 ကျိုင်းတုံတွင် လူငယ်များ အုပ်စုဖွဲ့ ဓါးခုတ်မှုဖြစ်ပွား

.

ကျိုင်းတုံ၊ အောက်တိုဘာ ၂၀

.

ရှမ်းပြည်နယ်အရှေ့ပိုင်း၊ ကျိုင်းတုံမြို့တွင် ယမန်နေ့ အောက်တိုဘာလ ၁၉ ရက်၊ ညပိုင်းက လူငယ်များ အုပ်စုဖွဲ့ ဓါးခုတ်မှု ဖြစ်ပွားခဲ့ကြောင်း သိရသည်။

.

.

ကျိုင်းတုံမြို့၊ အမှတ် (၄) ရပ်ကွက်၊ ငုဝါလမ်းရှိ စားသောက်ဆိုင်တစ်ခုတွင် အောက်တိုဘာလ ၁၉ ရက်၊ ညပိုင်းက စားသောက်နေသူ လူငယ် ၃ ဦးကို ယခင်က ရန်ဖြစ်ခဲ့ဖူးသည့် လူငယ် ၅ ဦးမှ ဓါးဖြင့်ဝင်ရောက် ခုတ်ခဲ့ခြင်းဖြစ်ကြောင်း သိရသည်။