🌸 ရှမ်းပြည်နယ်အတွင်းရှိ ရပ်ကွက်နှင့် ကျေးရွာအုပ်စု ၂၁၂ ခုတွင် ရွေးကောက်ပွဲ ပြုလုပ်နိုင်မည် မဟုတ်ကြောင်း UEC ကြေညာ

.

တောင်ကြီး၊ ဒီဇင်ဘာ ၆

.

ရွေးကောက်ပွဲ အပိုင်း (၁) နှင့် အပိုင်း (၂) ကျင်းပမည့် ရှမ်းပြည်နယ်အတွင်းရှိ မြို့နယ် ၁၁ ခုမှ ရပ်ကွက်နှင့် ကျေးရွာအုပ်စု စုစုပေါင်း ၂၁၂ ခုတို့တွင် ရွေးကောက်ပွဲ ကျင်းပနိုင်မည်မဟုတ်ကြောင်း ပြည်ထောင်စု ရွေးကောက်ပွဲကော်မရှင်က ယမန်နေ့ ဒီဇင်ဘာလ ၅ ရက်က ကြေညာခဲ့သည်ဟု သိရသည်။

.

.                  

ရွေးကောက်ပွဲ အပိုင်း (၁) ကျင်းပရန်ရှိနေသည့် နောင်ချိုမို့နယ်မှ ကျေးရွာအုပ်စု ၄ စု၊ မူဆယ်မြိုနယ် မုံးကိုးမြို့မှ ရပ်ကွက် ၇ ခု၊ မန်ဟီးရိုးမြို့ရှိ ရပ်ကွက် ၃ ခု၊ ပန်ဆိုင်း (ကြူကုတ်)မှ ရပ်ကွက် ၅ ခုနှင့် ကျေးရွာ အုပ်စု ၆၃ စု၊ လားရှိုးမြို့နယ်ရှိ ကျေးရွာအုပ်စု ၆၄ စုတို့၌ ရွေးကောက်ပွဲ ကျင်းပနိုင်မည် မဟုတ်ကြောင်း UEC ၏ ထုတ်ပြန်ချက်တွင် ဖော်ပြထားသည်။

🌸 အောင်ပန်းတွင် ခရီးသည်တင်ယာဉ်နှင့် Nissan Atlas ယာဉ် တိုက်မှုဖြစ်ပွား

.

အောင်ပန်း၊ ဒီဇင်ဘာ ၆

.

ရှမ်းပြည်နယ်တောင်ပိုင်း၊ ကလောမြို့နယ်၊ အောင်ပန်းမြို့တွင် ယနေ့ ဒီဇင်ဘာလ ၆ ရက်၊ နံနက်ပိုင်းက ခရီးသည်တင် Express ယာဉ်နှင့် Nissan Atlas အမျိုးအစား မော်တော်ယာဉ်တို့ တိုက်မိမှု ဖြစ်ပွားခဲ့ကြောင်း သိရသည်။

.

.

အောင်ပန်းမြို့၊ ပြည်ထောင်စုလမ်းမကြီး၊ မိုင်တိုင်အမှတ် (၇၈/၅) နှင့် (၇၈/၆) အကြားတွင် ယနေ့ ဒီဇင်ဘာ လ ၆ ရက်၊ နံနက် ၈ နာရီခွဲခန့်က ယာဉ်တိုက်မှု ဖြစ်ပွားခဲ့ခြင်းဖြစ်ပြီး ယာဉ်တိုက်မှုကြောင့် Nissan Attlas ယာဉ်ပေါ်မှ အမျိုးသမီး ၂ ဦး ညှပ်နေသဖြင့် အောင်ပန်းမီးသတ်တပ်ဖွဲ့စခန်းမှ ရှာဖွေကယ်ဆယ်ရေး လုပ်ငန်း များ သွားရောက်ကူညီဆောင်ရွက်ပေးခဲ့ကြောင်း သိရသည်။