🌸 မူဆယ် ၁၀၅ မိုင်တွင် ကျောက်တင်ကားတစ်စီး ဘရိတ်ပေါက်ဝင်တိုက်ရာမှ ၂ ဦး သေဆုံးပြီး ၈ ဦး ဒဏ်ရာရ

.

မူဆယ်၊ ဒီဇင်ဘာ ၁၅

.

ရှမ်းပြည်နယ်မြောက်ပိုင်း၊ မူဆယ်မြို့နယ်၊ မူဆယ်-၁၀၅ မိုင်ကြား ပြည်ထောင်စုလမ်းမပေါ်တွင် ယမန်နေ့ ဒီဇင်ဘာလ ၁၄ ရက်၊ နေ့လယ်ပိုင်းက ဗြုန်းကျောက်တင်ကားတစ်စီး ဘရိတ်ပေါက်ပြီး ဝင်ရောက်တိုက်မိရာမှ အမျိုးသမီး ၂ ဦးသေဆုံးကာ ၈ ဦး ဒဏ်ရာရရှိခဲ့ကြောင်း သိရသည်။

.

.

မူဆယ်မြို့နယ်၊ ၁၀၅ မိုင်အဝင်ရှိ စစ်ဆေးရေးဂိတ်တွင် ယမန်နေ့ နေ့လယ် ၂ နာရီခွဲအချိန်ခန့်က ဗြုန်းကျောက်တင် ၆ ဘီးယာဉ်မှ ဘရိတ်ပေါက်ကာ စစ်ဆေးရေးဂိတ်တွင် လမ်းလျှောက်နေသည့် ခရီးသွားများကို ဝင်ရောက်တိုက်မိပြီး တိမ်းမှောက်ခဲ့ခြင်းဖြစ်ကြောင်း သိရသည်။

🌸 နိုင်ငံ့ဝန်ထမ်းဟောင်းများ (မြို့ပြ) အသင်း၊ တောင်ကြီးက အလှူရှင်များအား ဂုဏ်ပြုမှတ်တမ်းလွှာများ ပေးအပ်

.

တောင်ကြီး၊ ဒီဇင်ဘာ ၁၄

.

နိုင်ငံဝန်ထမ်းဟောင်းများ (မြို့ပြ) အသင်း၊ တောင်ကြီးက အလှူရှင်များအား ဂုဏ်ပြုမှတ်တမ်းလွှာ ပေးအပ်ပွဲနှင့် အသင်းသားတွေ့ဆုံအစည်းအဝေးကို ယနေ့ ဒီဇင်ဘာလ ၁၄ ရက်၊ နေ့လယ်ပိုင်းက တောင်ကြီးမြို့၊ လူထုအခြေပြု ဗဟိုဌာန၊ အစည်းအဝေးခန်းမတွင် ပြုလုပ်ခဲ့သည်ဟု သိရသည်။

.

.

အစည်းအဝေးတွင် နိုင်ငံ့ဝန်ထမ်းဟောင်းများ (မြို့ပြ) အသင်း တောင်ကြီး ဥက္ကဋ္ဌ၊ ရှမ်းပြည်နယ်ဥပဒေချုပ်၊ ဦးစိုင်းကျော်ဇံ က အဖွင့်အမှာစကား ပြောကြားခဲ့ပြီး အသင်းအတွင်းရေးမှူး ဒေါ်ရွှေရွှေမြင့်က ယခင်အစည်းအ‌ဝေး ဆုံးဖြတ်ချက်များအပေါ် ဆောင်ရွက်ပြီးစီးမှုအခြေအနေနှင့် ဆက်လက်ဆောင်ရွက်မည့် အစီအစဉ်များ၊ အသင်း၏ ဘဏ္ဍာရေးဆိုင်ရာများကို ဖတ်ကြားရှင်းလင်းခဲ့သည်။