ရှမ်းပြည်နယ်သတင်းများ
.
ဘန်ကောက်၊ ဇန်နဝါရီ ၂၉
.
တော်ဝင်ထိုင်းလေတပ် (RTAF) မှ Beechcraft AT-6TH တိုက်လေယာဉ်တစ်စီးသည် ယနေ့ ဇန်နဝါရီလ
၂၉ ရက်၊ နံနက်ပိုင်းက ထိုင်းနိုင်ငံတောင်ပိုင်း၊ ချင်းမိုင်ခရိုင်တွင် ပျက်ကျခဲ့ပြီး
လောယာဉ်ပေါ်ပါ လေယာဉ်မှူး နှစ်ဦး သေဆုံးခဲ့ကြောင်း သိရသည်။
.
တိုက်လေယာဉ်ငယ်သည် ချွမ်သောင်ခရိုင်၊
ဟွေးမြောင်ဖန်ဆိုင်းရွာရှိ တောအုပ်တစ်ခုတွင် လေ့ကျင့်ပျံသန်းနေစဉ် ပျက်ကျခဲ့ခြင်းဖြစ်ကြောင်း
Bangkok Post သတင်းတွင် ဖော်ပြထားသည်။
.
လားရှိုး၊ ဇန်နဝါရီ ၂၈
.
ရှမ်းပြည်နယ်မြောက်ပိုင်း၊ လားရှိုးမြို့၊ ဗောဓာရုံဘုန်းတော်ကြီးကျောင်းတွင်
ယနေ့ ဇန်နဝါရီလ ၂၈ ရက်၊ နံနက်ပိုင်းက သက်တော် ၅၆ နှစ် အရွယ် ဘုန်းတော်ကြီးတစ်ပါး ဓါးခုတ်ခံရပြီး
ပျံလွန်တော်မူခဲ့ကြောင်း သိရသည်။
.
လားရှိုးမြို့၊ ရပ်ကွက် (၄)ရှိ ဗောဓာရုံဘုန်းတော်ကြီးကျောင်းတွင်
သီတင်းသုံးနေသော ဆရာတော် ဦးကုသလ ကို ယနေ့ ဇန်နဝါရီလ ၂၈ ရက်၊ နံနက် ၆ နာရီခွဲခန့်က ၎င်းနေထိုင်သီတင်းသုံးသည့်
အဆောင်လှေကားရင်း တွင် သွေးအိုင်အတွင်း လဲကျနေသည်ကို တွေ့ရှိခဲ့ရခြင်းဖြစ်ကြောင်း သိရသည်။
