🌸 တာချီလိတ်တွင် လွှတ်တော်ကိုယ်စားလှယ်များ ပြည်သူလူထုနှင့် တွေ့ဆုံ

.

တာချီလိတ်၊ မေ ၂

.

ရှမ်းပြည်နယ်အရှေ့ပိုင်း၊ တာချီလိတ်မြို့၊ မကာအိုခမ်းရပ်ကွက်ရှိ အောင်မြတ်ခန်းမတွင် ယနေ့ မေလ ၂ ရက်၊ နံနက်ပိုင်းက လွှတ်တော်ကိုယ်စားလှယ်များနှင့် ဒေသခံပြည်သူလုထုတွေ့ဆုံပွဲ ပြုလုပ်ခဲ့ကြောင်း သိရသည်။

.

.

တွေ့ဆုံပွဲတွင် ပြည်သူ့လွှတ်တော်ကိုယ်စားလှယ် ဦးကျော်ငြိမ်းအောင်က ပြည်သူ့လွှတ်တော်ဆိုင်ရာ အတွေ့အကြုံများ၊ တာဝန်၊ လုပ်ပိုင်ခွင့်၊ လုပ်ထုံးလုပ်နည်းများအား ရှင်းလင်းပြောကြားပြီး ပြည်နယ် လွှတ်တော်ကိုယ်စားလှယ် ဦးစိုင်းအွန်ခမ်းက ရှမ်းပြည်နယ်လွှတ်တော်ဆိုင်ရာ အတွေ့အကြုံများ၊ တာဝန်လုပ်ပိုင်ခွင့်၊ လုပ်ထုံးလုပ်နည်းများကို ရှင်းလင်းပြောကြားခဲ့ကြောင်း သိရသည်။

.          

ထို့နောက် တက်ရောက်လာကြသည့် ဒေသခံပြည်သူများက ကျန်းမာရေး၊ စီးပွားရေး၊ ပညာရေး၊ စိုက်ပျိုးရေး နှင့်  လမ်းပန်းဆက်သွယ်ရေးစသည့် ဒေသလိုအပ်ချက်များကို မေးမြန်းကြရာ မေးမြန်းဆွေးနွေးချက်များ အပေါ်  ပြည်သူ့လွှတ်တော် ကိုယ်စားလှယ် ဦးကျော်ငြိမ်းအောင်နှင့် မြို့နယ်စီမံခန့်ခွဲရေးနှင့်အုပ်ချုပ်ရေး ကော်မတီ ဥက္ကဌ ဦးကျော်စွာမျိုးတို့က ပြန်လည် ရှင်းလင်းဖြေကြားခဲ့ကြောင်း သိရသည်။

.

အဆိုပါဆွေးနွေးပွဲသို့ လွှတ်တော်ကိုယ်စားလှယ်များ၊ ခရိုင်၊ မြို့နယ်အဆင့်ဌာနဆိုင်ရာ တာဝန်ရှိသူများ၊ ရပ်/ကျေး အုပ်ချုပ်ရေးမှူးများ၊ လူမှုရေးအသင်းအဖွဲ့များနှင့် ဒေသခံပြည်သူ ၃၀၀ ဦးခန့် တက်ရောက်ခဲ့ ကြောင်း သိရသည်။

.

#ShanGazette #Tachileik #Parliament

.