🌸 တာချီလိတ်တွင် လူရည်ချွန်မောင်မယ်များအား ကြိုဆိုဂုဏ်ပြု

.

တာချီလိတ်၊ မေ ၁၅

.

တာချီလိတ်မြို့သို့ ပြန်လည်ရောက်ရှိလာသည့် ခရိုင် လူရည်ချွန်မောင်မယ်များအား ယနေ့ မေလ ၁၅ ရက်၊ နံနက်ပိုင်းက ဌာနဆိုင်ရာများ၊ ပညာရေးဝန်ထမ်းများ၊ ကျောင်းသား/သူများနှင့် မိဘများ၊ ဒေသခံပြည်သူ များက သောင်းသောင်းဖျဖျ ကြိုဆိုခဲ့ကြကြောင်း သိရသည်။

.

.

အဆိုပါ လူရည်ချွန် ကျောင်းသား/သူများသည် နေပြည်တော်နှင့် ချောင်းသာ၊ ငွေဆောင်ကမ်းခြေများသို့ လေလာရေးခရီး သွားရောက်ပြီး ယနေ့တွင် တာချီလိတ်မြို့သို့ ပြန်လည်ရောက်ရှိလာခြင်းဖြစ်ကြေင်း သိရသည်။

.

ပြန်လည်ရောက်ရှိလာသည့် လူရည်ချွန်မောင်မယ်များအား တာချီလိတ်ခရိုင် အထွေထွေအုပ်ချုပ်ရေး ဦးစီးဌာန ဒုတိယခရိုင်အုပ်ချုပ်ရေးမှူး ဦးသက်ဦးဆွေ နှင့် ဌာနဆိုင်ရာများ၊ ခရိုင်ပညာရေးမှူး ဒေါ်ခင်ဝင်းကြည်နှင့် ပညာရေးဝန်ထမ်းများ၊ ကျောင်းအကျိုးတော်ဆောင်အဖွဲ့များ၊ မိဘ ပြည်သူများက နွေးထွေးစွာကြိုဆိုနှုတ်ဆက်ကာ ဂုဏ်ပြုလက်ဆောင်များပေးအပ်ပြီး ကျောင်းသားကျောင်းသူများက ပန်းကုံး၊ ပန်းစည်းနှင့် ပန်းများပေးအပ်၍ ဘင်ခရာအဖွဲ့ဖြင့် မကာဟိုခမ်းရပ်ကွက်ရှိ အခြေခံပညာ အထက်တန်းကျောင်း၊ တာချီလိတ် တွင် ကြိုဆိုခဲ့ကြကြောင်း သိရသည်။

.

အလားတူ အခြေခံပညာအထက်တန်းကျောင်း၊ ဟောင်လိတ်တွင် ကျောင်းအုပ်ဆရာမကြီး ဒေါ်ကြူကြူခိုင် နှင့် ဆရာ ဆရာမများက လူရည်ချွန်မောင်မယ်များအား နွေးထွေးစွာကြိုဆိုနှုတ်ဆက်ကြပြီး ကျောင်းသား ကျောင်းသူများက ဂုဏ်ပြုပန်းကုံး များ၊ ပန်းစည်းများနှင့် ပန်းများပေးအပ်ကာ ဘင်ခရာအဖွဲ့ဖြင့် ဂုဏ်ပြု ကြိုဆိုခဲ့ကြကြောင်း သိရသည်။

.

#ShanGazette #Tachileik

.