.
တောင်ကြီး၊ မေ ၆
.
ရှမ်းပြည်နယ်တောင်ပိုင်း၊ တောင်ကြီးမြို့နယ်၊ အေးသာယာမြို့၊
အမှတ် (၁၀) ရပ်ကွက်တွင် ယနေ့ မေလ ၆ ရက်၊ နံနက်ပိုင်းက အမည်မသိ အမျိုးသားတစ်ဦး ရိုက်နှက်ခံရပြီး
သေဆုံးမှု ဖြစ်ပွားခဲ့ကြောင်း သိရသည်။
.
အေးသာယာမြို့၊ အမှတ် (၁၀) ရပ်ကွက်ရှိ အုတ်တိုင်းကာရံထားသည့်
၆ ကွက်တွဲ ခြံဝင်းတွင် ယနေ့ မေလ ၆ ရက်၊ နံနက် ၉ နာရီခန့်က အမည်မသိ၊ အသက် ၄၀ အရွယ်ခန့်ရှိ
အမျိုးသားတစ်ဦးအား နောက်စေ့ပေါက်ပြဲ သွေးထွက်ဒဏ်ရာ၊ မျက်နှာပြင် ဖူးရောင်ဒဏ်ရာ၊ နှုတ်ခမ်းကွဲအက်ဒဏ်ရာ၊
လည်ပင်းပြတ်ရှဒဏ်ရာ စိုးရိမ်ရ တို့ဖြင့် သတိလစ် မေ့မျောနေသည်ကို တွေ့ရှိခဲ့ပြီးနောက်
တောင်ကြီးမြို့၊ စဝ်စံထွန်းဆေးရုံသို့ ပို့ဆောင်ပြီး ဆေးကုသမှု ခံယူနေစဉ် သေဆုံးသွားခဲ့ခြင်းဖြစ်ကြောင်း
သိရသည်။
.
သေဆုံးသူ အမျိုးသား၏ အမည်၊ နေရပ်ကို စုံစမ်းနေဆဲဖြစ်ပြီး
ကျူးလွန်သူကိုလည်း ဖမ်းမမိသေးကြောင်း ရဲတပ်ဖွဲ့ တာဝန်ရှိသူက ပြောဆိုထားသည်။
.
အဆိုပါ အမျိုးသား သေဆုံးမှုနှင့် ပတ်သက်၍ အေးသာယာနယ်မြေရဲစခန်းတွင်
လူသတ်မှု ပုဒ်မ ၃၀၂ ဖြင့် အမှုဖွင့်ထားပြီး ကျူးလွန်သူအား ဖမ်းဆီးရမိရေးအတွက် ဆောင်ရွက်လျက်ရှိကြောင်း
သိရသည်။
.
#ShanGazette #AyeTharYar #Crime
.
No comments:
Post a Comment