🌸 တာချီလိတ်တွင် Football For School Program အရပြုလုပ်သည့် အားကစားသင်တန်း ဖွင့်လှစ်

.

တာချီလိတ်၊ မေ ၅

.

ရှမ်းပြည်နယ်အရှေ့ပိုင်း၊ တာချီလိတ်မြို့တွင် ယမန်နေ့မေလ ၄ ရက်၊ ညနေပိုင်းက Football For School Program အရပြုလုပ်သည့်အားကစားသင်တန်းဖွင့်ပွဲကို ပြုလုပ်ခဲ့ကြောင်း သိရသည်။

.

.

ကျောင်းသားလူငယ်များ ကိုယ်လက်လှုပ်ရှားမှုရှိပြီး ကျန်းမာရေးအတွက် အထောက်အကူဖြစ်စေရန် ရည်ရွယ်၍ ၂၀၂၆ ခုနှစ်၊ ရှမ်းပြည်နယ်အစိုးရအဖွဲ့၏ ကြီးကြပ်လမ်းညွှန်မှုဖြင့် မြိုနယ်အားကစားနှင့် ကာယပညာဦးစီးဌာနက ကြီးမှူး၍ Football For School Program အရပြုလုပ်သည့် ဘောလုံး၊ လက်ဝှေ့၊ ကရာတေး၊ တိုက်ကွမ်ဒို၊ ပြေးစုန်ပစ် အားကစားသင်တန်းများကို ဖွင့်လှစ်ခြင်းဖြစ်ကြောင်း သိရသည်။

.

သင်တန်းဖွင့်ပွဲတွင် ပြည့်သူ့လွှတ်တော်ကိုယ်စားလှယ် ဦးကျော်ငြိမ်းအောင်က အဖွင့်အမှာစကားပြောကြားပြီး သင်တန်းသားများမှ အားကစားသစ္စာအဓိဌာန် ရွတ်ဆိုခဲ့ကြကြောင်း သိရသည်။

.

အဆိုပါသင်တန်း ဖွင့်ပွဲသို့ လွှတ်တော်ကိုယ်စားလှယ်များ၊ တာချီလိတ်မြိုနယ်အုပ်ချုပ်ရေးမှူး ဦးကျော်စွာမျိုး၊ ဒုတိယမြိုနယ်ပညာရေးမှူး ဦးမြင့်ဝန်းလှနှင့် မြိုနယ်အားကစားနှင့်ကာယပညာဦးစီးဌာနမှ တာဝန်ရှိသူများ၊ သင်တန်းသား/သင်တန်းသူများ စုစုပေါင်း ၁၈၅ ဦး တက်ရောက် ပြီး သင်တန်းဆရာ ၉ ဦးက ဘောလုံး၊ လက်ဝှေ့၊ ကရာတေး၊ တိုက်ကွမ်ဒို၊ ပြေးခုန်ပစ် အားကစားများကို မေ ၄ ရက်နေ့မှ ၂၂ ရက် နေ့ထိ ၁၈ ရက်ကြာ သင်တန်းပို့ချသွားမည်ဖြစ်ကြောင်း သိရသည်။

.

#ShanGazette #Tachileik

.