.
တောင်ကြီး၊ ဒီဇင်ဘာ ၅
.
တောင်ကြီးမြို့၊ ရှမ်းပြည်နယ်အားကစားကွင်း ပတ်လည်တွင်
တည်ဆောက်ထားသော ဆိုင်ခန်း/တိုက်ခန်း များအား ဖယ်ရှားရှင်းလင်းသွားရန် ပြည်နယ်အားကစားနှင့်
ကာယပညာဦးစီးဌာနက ဒီဇင်ဘာလ ၃ ရက်တွင် အကြောင်းကြားထားသည်ဟု သိရသည်။
.
ပြည်နယ်ဘောလုံးကွင်း ပတ်လည်ရှိ အား/ကာဌာနပိုင် မြေပေါ်တွင်
ငှားရ၎်းထားသော ဆိုင်ခန်း/တိုက်ခန်း များအား ဆက်လက်ငှားရ၎်းခြင်း မပြုတော့ကြောင်းနှင့်
ဒီဇင်ဘာလ ၁ ရက်မှ စတင်၍ ဆိုင်ခန်း/တိုက်ခန်း လစာများ ကောက်ခံခြင်း မပြုတော့ကြောင်း
ဆိုင်ခန်းရှင်များသို့ အကြောင်းကြားသည့် စာတွင် ဖော်ပြ ထားသည်။
.
“ကျွန်တော်တို့က ဒီနေရာမှာ လုပ်ကိုင်စားသောက် နေထိုင်လာတာ
နှစ်ပေါင်း ၃၀ မကတော့ပါဘူး။ အခုလို ရုတ်တရက်ကြီး ပြောင်းရမယ်ဆိုတော့ အခက်အခဲဖြစ်ရတာပေါ့”
ဟု ဘောလုံးကွင်းတိုက်တန်းအတွင်း စားသောက်ဆိုင် ဖွင့်လှစ်ရောင်းချနေသူတစ်ဦးက ရှမ်းဂေဇက်သို့
ပြောသည်။
.
အဆိုပါ ဆိုင်ခန်း/တိုက်ခန်းများ နေရာတွင် နိုင်ငံတကာအဆင့်မီ
အားကစားကွင်း/အားကစားရုံနှင့် ရေကူးကန်၊ လူငယ်ရေးရာစင်တာများ တည်ဆောက်သွားမည်ဖြစ်ကြောင်း
သိရသည်။
.
#ShanGazette #Taunggyi
.
No comments:
Post a Comment