🌸 တောင်ကြီးမြို့။ ဂနိုင်ရေကန်တွင် ဆောင်းခိုငှက်များ ဝင်ရောက်လာ

.

တောင်ကြီး၊ ဒီဇင်ဘာ ၁၇

.

တောင်ကြီးမြို့၊ ကျောင်းကြီးစုရပ်ကွက်အတွင်းရှိ ဂနိုင်ရေကန်များအတွင်းသို့ ဆောင်းခိုငှက်များ စတင် ဝင်ရောက်နားခိုလာနေကြောင်း သိရသည်။

.

.

အဆိုပါ ဆောင်းခိုငှက်များ ဂနိုင်ကန်အတွင်းသို့ ရောက်ရှိသည်မှာ ၃ ရက်ခန့်ရှိနေပြီဖြစ်ပြီး ငှက်အကောင်ရေ ရာနှင့်ချီ ရှိကြောင်းသိရသည်။

.

“သတိထားမိတာတော့ သုံးရက်လောက်ရှိနေပြီ။ အရင်နှစ်တွေတုန်းကလည်း ဆောင်းတွင်းဆိုရင် ရောက်လာတတ်တယ်။ ဒီနှစ်က အကောင်ရေပိုများတယ်” ဟု တောင်ကြီးမြို့၊ ဝါးပြားလမ်းဆုံအနီးနေထိုင်သူ တစ်ဦးက ရှမ်းဂေဇက်သို့ ပြောသည်။

.

အဆိုပါဆောင်းခိုငှက်များသည် နှစ်စဉ်ဒီဇင်ဘာလလယ်ခန့်တွင် ဂနိုင်ရန်ကန်များအတွင်းသို့ ရောက်ရှိလာ တတ်ပြီး တစ်လကျော်ခန့် ဆောင်းခိုနေထိုင်လေ့ရှိကြောင်း သိရသည်။

.

“အဓိက ကတော့ ငှက်တွေကို ဖမ်းဆီးတာမျိုးတွေ မလုပ်ဖို့ လိုအပ်တာပေါ့။ သူ့သဘာဝအရ ရေကန်ထဲမှာ ကျက်စားပြီး အချိန်တန်ရင် သူတို့နေရာကိုပြန်ကြမှာပဲ။ ထိန်းသိမ်းစောင့်ရှောက်ပေးဖို့တော့ လိုအပ်ပါတယ်” ဟု အခြား ဒေသခံတစ်ဦးကလည်း ပြောဆိုခဲ့သည်။

.

ကျောင်းကြီးစုရပ်ကွက်ရှိ ဂနိုင်ရေကန်များအတွင်းသို့ ဆောင်းခိုငှက်များ နှစ်စဉ်ဝင်ရောက်နားခိုသည်မှာ ၅ နှစ်ခန့် ရှိပြီဖြစ်ကြောင်းသိရသည်။

.

#ShanGazette #Taunggyi

.