🌸 ရှမ်းပြည်နယ်လွှတ်တော် ဥပဒေပြုရေးရာကော်မတီ အပါအဝင် ကော်မတီ ၄ ခုကို အတည်ပြုဖွဲ့စည်း

.

တောင်ကြီး၊ မတ် ၃၀

.

တတိယအကြိမ် ရှမ်းပြည်နယ်လွှတ်တော် ပထမပုံမှန်အစည်းအဝေး တတိယနေ့ကို ယနေ့ မတ်လ ၃၀ ရက်၊ နံနက်ပိုင်းက ရှမ်းပြည်နယ်လွှတ်တော် အစည်းအ‌ဝေးခန်းမတွင် ကျင်းပရာ အစည်းအဝေးတွင် ဥပဒေ ပြုရေးရာကော်မတီ အပါအဝင် ကော်မတီ ၄ ခုကို အတည်ပြု ဖွဲ့စည်းခဲ့သည်ဟု သိရသည်။

.

.

အဆိုပါကော်မတီများမှာ ဥပဒေပြုရေးဆိုင်ရာကော်မတီ၊ တိုင်းရင်းသားလူမျိုးများ အရေးဆိုင်ရာကော်မတီ၊ ပြည်နယ်လွှတ်တော် ကိုယ်စားလှယ်များ စိစစ်ရေးကော်မတီနှင့် ဒေသန္တရစီမံကိန်းနှင့် ဘဏ္ဍာငွေ အရအသုံး ဆိုင်ရာစိစစ်ရေး ကော်မတီတို့ဖြစ်ပြီး ကော်မတီများနှင့် စပ်လျဉ်း၍ ရှမ်းပြည်နယ်လွှတ်တော်ဥက္ကဋ္ဌက လွှတ်တော်၏ အတည်ပြုချက်ရယူခြင်းနှင့် ဖွဲ့စည်းကြောင်း ကြေညာခြင်းတို့ကို ဆောင်ရွက်ခဲ့သည်။

.

တတိယအကြိမ် ရှမ်းပြည်နယ်လွှတ်တော်သို့ တက်ရောက်ခွင့် ရှိသော ရှမ်းပြည်နယ်လွှတ်တော် ကိုယ်စားလှယ် ၁၃၂ ဦး ရှိသည့်အနက် ယနေ့ ကျင်းပသော အစည်းအဝေး တတိယနေ့ အစည်းအဝေးသို့ လွှတ်တော်ကိုယ်စားလှယ် အားလုံး တက်ရောက်ကြောင်း သိရသည်။

.

#ShanGazette #Taunggyi #Hluttaw

.