🌸 တောင်ကြီးမြို့တော် မဟာသင်္ကြန်ပွဲတော်ကို စည်ကားသိုက်မြိုက်စွာ ကျင်းပသွားမည်

.

တောင်ကြီး၊ မတ် ၁၆

.

ရှမ်းပြည်နယ်မြို့တော် တောင်ကြီးမြို့တွင် မြန်မာ့ရိုးရာ မဟာသင်္ကြန်ပွဲတော်ကို စည်ကားသိုက်မြိုက်စွာ ကျင်းပ ပြုလုပ်သွားမည်ဖြစ်ကြောင်း သိရသည်။

.

.

“ယိမ်းပြိုင်ပွဲတွေလုပ်မယ်။ လမ်းလျှောက်သင်္ကြန်လုပ်မယ်။ အင်းလေးရေပေါ်သင်္ကြန်လုပ်မယ်။ စတုဒိသာ ကျွေးတာတွေ လုပ်မယ်။ ရှမ်းပြည်နယ်ဝန်ကြီးဌာန မဏ္ဍပ်တွေ မိန်းလမ်းပေါ်မှာလုပ်မယ်။ အဓိက ကတော့ ရိုးရာယဉ်ကျေးမှု မပျောက်ပျက်အောင် စည်ကားသိုက်မြိူက်စွာ ကျင်းပပြုလုပ်သွားမှာပါ” ဟု တာဝန်ရှိသူ တစ်ဦးက ပြောသည်။

.

တောင်ကြီးမြို့တော် မြန်မာ့ရိုးရာယဉ်ကျေးမှု မဟာသင်္ကြန်ပွဲတော်ကျင်းပနိုင်ရေး ညှိနှိုင်းအစည်းဝေးကို ပြီးခဲ့သည့် မတ်လ ၁၀ ရက်က ရှမ်းပြည်နယ်အစိုးရအဖွဲ့ရုံးတွင် ပြုလုပ်ခဲ့ကြောင်း သိရသည်။

.

အစည်းအဝေးတွင် တောင်ကြီးမြို့ မြန်မာ့ရိုးရာယဉ်ကျေးမှု မဟာသင်္ကြန်ပွဲတော်ကျင်းပရေး ဦးစီးကော်မတီ ဥက္ကဋ္ဌ ပြည်နယ်ဝန်ကြီးချုပ် ဦးအောင်အောင်က မဏ္ဍပ်နေရာများကို ကွင်းဆင်းကြည့်ရှု၍ လျာထားချက်များ တင်ပြရန်၊ သင်္ကြန်ယိမ်းအကပြိုင်ပွဲ၊ ဖျော်ဖြေရေး အစီအစဉ်များနှင့် အင်းလေးရေပေါ်သင်္ကြန် ကျင်းပမည် ဖြစ်၍ မူဝါဒနှင့်အညီ စနစ်တကျ ဆောင်ရွက်သွားရန်၊ ဗဟိုမဏ္ဍပ်နေရာများ ရွေးချယ်အဆိုပြုရန်နှင့် စတုဒိသာ ကျွေးမွေးရန် စသည်တို့ကို ဆွေးနွေးမှာကြားခဲ့ကြောင်း သိရပါသည်။

.

တောင်ကြီးမြို့တော် မြန်မာ့ရိုးရာမဟာသင်္ကြန်ပွဲတော် ဗဟိုမဏ္ဍပ်ကို ယခင်က ‌တောင်ကြီးမြို့၊ ဗိုလ်ချုပ် အောင်ဆန်းလမ်းမပေါ်ရှိ မြို့မဈေးအနီးတွင် ပြုလုပ်ခဲ့ခြင်းဖြစ်ပြီး COVID-19 ကပ်ရောဂါ ကူးစက်ပြန့်ပွားချိန် ကစတင်၍ မဏ္ဍပ်ဆောက်လုပ်နိုင်ခဲ့ခြင်းမရှိဘဲ ၂၀၂၃ ခုနှစ်၊ မဏ္ဍပ်ပြန်လည်ပြုလုပ်ချိန်တွင် ရှမ်းပြည်နယ် အစိုးရရုံး အနီး၌ ပြုလုပ်ခဲ့ခြင်းဖြစ်ကြောင်း သိရသည်။

.

#ShanGazette #Taunggyi #Thingyan

.