.
ကျိုင်းတုံ၊ အောက်တိုဘာ ၂၀
.
ရှမ်းပြည်နယ်အရှေ့ပိုင်း၊ ကျိုင်းတုံမြို့တွင် ယမန်နေ့
အောက်တိုဘာလ ၁၉ ရက်၊ ညပိုင်းက လူငယ်များ အုပ်စုဖွဲ့ ဓါးခုတ်မှု ဖြစ်ပွားခဲ့ကြောင်း
သိရသည်။
.
ကျိုင်းတုံမြို့၊ အမှတ် (၄) ရပ်ကွက်၊ ငုဝါလမ်းရှိ
စားသောက်ဆိုင်တစ်ခုတွင် အောက်တိုဘာလ ၁၉ ရက်၊ ညပိုင်းက စားသောက်နေသူ လူငယ် ၃ ဦးကို ယခင်က
ရန်ဖြစ်ခဲ့ဖူးသည့် လူငယ် ၅ ဦးမှ ဓါးဖြင့်ဝင်ရောက် ခုတ်ခဲ့ခြင်းဖြစ်ကြောင်း သိရသည်။
.
အဆိုပါ ဓါးခုတ်မှုကြောင့် ဆိုင်အတွင်း စားသောက်နေသူ
စိုင်းခမ်းတစ်၊ စိုင်းဝပ် (ခ) စိုင်းဆွတ်သန်းနှင့် ဇေယျာမင်းခန့်တို့တွင် ဓါးဒဏ်ရာအသီးသီးရရှိခဲ့ပြီး
ကျိုင်းတုံပြည်သူ့ဆေးရုံတွင် ဆေးကုသမှု ခံယူလျက် ရှိကြောင်း သိရသည်။
.
ဓါးခုတ်မှုမှ ကျူးလွန်သူ လူငယ်များဖြစ်သော ပြည့်ဖြိုးအောင်၊
စိုင်းဝန်းလျန်း၊ ရန်နိုင်၊ လွှမ်းထက်အောင်နှင့် စိုင်းအောင်ဝင်း တို့ ၅ ဦးအား ကျိုင်းတုံမြို့မရဲစခန်းတွင်
ရာဇသတ်ကြီးပုဒ်မ ၃၂၆/၁၁၄ ဖြင့် အမှုဖွင့်၍ အသက် ၁၈ နှစ်ပြည့်ပြီးသည့် လွှမ်းထက်အောင်ကို
အချုပ်ဖြင့် ထိန်းသိမ်းကာ အသက်မပြည့် သေးသည့် ကျန် ၄ ဦးကို ကျိုင်းတုံမြို့မ ရဲစခန်းမှူး၏
ကြီးကြပ်ထိန်းသိမ်းမှုအောက်၌ စောင့်ကြပ်ထိန်းသိမ်းထားကြောင်း သိရသည်။
.
ဓါတ်ပုံ - မမစ (ကျိုင်းတုံ)
.
#ShanGazette #KyineTong
.
No comments:
Post a Comment