.
တောင်ကြီး၊ နိုဝင်ဘာ ၃၀
.
တောင်ကြီးတန်ဆောင်တိုင်ပွဲတော် ဖွင့်ပွဲနေ့ဖြစ်သော
ယမန်နေ့ နိုဝင်ဘာလ ၂၉ ရက်တွင် ယာဉ်ရပ်နားခ ၅ သောင်းကျပ်အထိ ကောက်ခံခဲ့သည်ဟု သိရသည်။
.
“ဧည့်သည်များတာကို အခွင့်ကောင်းယူပြီး ကောက်ချင်သလိုကောက်ကြတာနေမှာပေါ့။
ကြပ်မတ်မယ့်သူ မရှိတာလည်း ဖြစ်မယ်ထင်တယ်။ ပေါင်းလုပ် ပေါင်းစားမျိုးဆိုရင်တော့
ဒီကိစ္စကမဖြစ်သင့်ဘူးထင်ပါတယ်” ဟု တောင်ကြီးမြို့ခံတစ်ဦးက ပြောသည်။
.
တန်ဆောင်တိုင်ပွဲတော် ကာလအတွင်း ဆိုင်ကယ်ရပ်နားခ
၂၀၀၀ ကျပ်နှင့် ကားငယ် ရပ်နားခ ၅၀၀၀ ကျပ် သာ လေလံရရှိသူများမှ ကောက်ခံရမည်ဖြစ်သော်လည်း
၁၀ ဆ ၅၀၀၀၀ ကျပ်အထိ ကောက်ခံခဲ့ခြင်း ဖြစ်ကြောင်း သိရသည်။
.
ထို့အတူ အခြား မြို့ခံတစ်ဦးကလည်း “၅ ထောင်ကို ၅ သောင်း
ကောက်တယ် ဆိုတော့ လွန်လွန်းပါတယ်။ မသိတဲ့သူတွေ နယ်ဝေးကလူတွေ ခံရမှာပေါ့” ဟု ရှမ်းဂေဇက်သို့
ပြောသည်။
.
၂၀၂၅ ခုနှစ် တောင်ကြီးမြို့တော်
တန်ဆောင်တိုင်ပွဲတော် မီးပုံးပျံပြိုင်ပွဲကို တောင်ကြီးမြို့၊ အဝေရာ
မီးပုံးပျံကွင်းတွင် အောက်တိုဘာလ ၂၉ ရက်မှ နိုဝင်ဘာလ ၄ ရက်အထိ
ကျင်းပပြုလုပ်သွားမည်ဖြစ်ပြီး ပြိုင်ပွဲတွင် ညမီးကြီးနှင့် စိန်နားပန်မီးပုံးပျံ
စုစုပေါင်း အလုံး ၈၀ ကျော် ပါဝင်ယှဉ်ပြိုင်လွှတ်တင်သွားမည် ဖြစ်ကြောင်း သိရသည်။
,
#ShanGazette #Taunggyi #TazaungDai
.
No comments:
Post a Comment