.
တောင်ကြီး၊ အောက်တိုဘာ ၂၁
.
ရှမ်းပြည်နယ်တောင်ပိုင်း၊ တောင်ကြီးမြို့နယ်၊ တောင်ကြီး-ဟိုပုံးသွားလမ်း၊
(၈) မိုင်အနီးတွင် ယနေ့ အောက်တိုဘာလ ၂၁ ရက်၊ နေ့လယ်ပိုင်းက လမ်းဘေး၌ရပ်ထားသော ကုန်တင်ယာဉ်ကို
ဆီဘောက်ဆာ ယာဉ်မှ ဝင်ရောက်တိုက်မိပြီး တစ်ဦး သေဆုံးမှု ဖြစ်ပွားခဲ့ကြောင်း သိရသည်။
.
“၈ မိုင် တိုးလ်ဂိတ်မရောက်ခင် နောင်လံဘုန်းကြီးကျောင်းနားမှာ
ဖြစ်တာပါ။ ရှေ့ကရပ်ထားတဲ့ ကုန်ကားကို ဆီဘောက်ဆာက နောက်ကနေ ဝင်တိုက်တာပါ။ တစ်ယောက်သေတယ်လို့
ကြားပါတယ်။ ကားသမား ကတော့ ထွက်ပြေးသွားတယ်” ဟု ဒေသခံတစ်ဦးက ရှမ်းဂေဇက်သို့ ပြောသည်။
.
အဆိုပါ ယာဉ်တိုက်မှုကြောင့် နောက်မှ ဝင်တိုက်သည့်
ဆီဘောက်ဆာယာဉ် တိမ်းမှောက်ခဲ့ပြီး မီးလောင်မှု မဖြစ်စေရေးအတွက် မီးသတ်တပ်ဖွဲ့မှ ရှင်းလင်းဆောင်ရွက်လျက်ရှိကြောင်း
သိရသည်။
.
ပြီးခဲ့သည့် မေလ ၂၄ ရက်ကလည်း အဆိုပါ တောင်ကြီး-ဟိုပုံးပြည်ထောင်စုလမ်းမကြီး
၈ မိုင် အနီးတွင်ပင် ဆီဘောက်ဆာယာဉ် တိမ်းမှောက်ပြီး မီးလောင်မှုဖြစ်ပွားကာ လူသေဆုံးမှု
ရှိခဲ့ဖူးသည်။
.
Photo – Credit
.
#ShanGazette #Taunggyi
.
No comments:
Post a Comment