🌸 မြန်မာ-တရုတ်နယ်စပ် ဝမ်တိမ်တံတားတွင် မြန်မာဘက်မှ ပြည်သူများသာ ဝင်ထွက်

.

မူဆယ်၊ အောက်တိုဘာ ၆

.

မေသူ

.

မြန်မာ-တရုတ် နှစ်နိုင်ငံဆက်သွယ်ထားသည့် သမိုင်းဝင်ကမ္ဘာကျော် ဝမ်တိမ်တံတားရှိရာ ဝင်ထွက်ပေါက် တွင် မြန်မာဘက်က ဒေသခံများသာ ဝင်ထွက်သွားလာနေပြီး တရုတ်ဘက်မှ ဝင်ထွက်မှု မရှိကြောင်း  ဒေသခံများထံက သိရသည်။

.

.

မြန်မာနိုင်ငံ ကြူကုတ် (ပန်ဆိုင်း) မြို့နှင့် တရုတ်နိုင်ငံဘက်ခြမ်း၊ ဝမ်တိမ်မြို့တို့မှာ ရွှေလီမြစ် တစ်ဘက်စီမှာ ရှိသည့် မြို့များဖြစ်ပြီး တံတားတစ်ခုသာခြားကာ ဒေသခံအများစုမှာလည်း ဆွေမျိုးသားချင်းများ ဖြစ်ကြ သည်ဟု သိရပါသည်။

.

ထိုတံတားကိုဖြတ်သန်းကာ နှစ်နိုင်ငံ ကုန်စည်ကူးသန်းတင်ပို့ကြသည် သိရသည်။ မြန်မာနိုင်ငံဘက်အခြမ်းက ဖရဲသီးအပါအဝင် ရေထွက်ကုန် ဂဏန်း၊ ပုဇွန်၊ ငါးရှဉ့်၊ သစ်သီးမျိုးစုံနှင့် ကျွဲ၊ နွား၊ ဆိတ်များ တင်ပို့ကုန်သွယ်ကြခြင်း ဖြစ်ကြောင်း သိရသည်။

.

အဆိုပါ နှစ်နိုင်ငံကူးသန်းကုန်သွယ်သွားလာခဲ့ကြသည့် တံတားမှာ ဒုတိယကမ္ဘာစစ်အတွင်းက စစ်ရေးတွင် အသုံးချခဲ့ပြီး ယခင်က အရှည်ပေ ၃၀ ခန့်ရှိသစ်သားတံတားလေးဖြစ်သည်။ သစ်သားတံတားဟောင်း​၏ အလယ်တွင် သတိပေးတားမြစ်ထားသည့် စာတန်းပါ ပိုစတာထောင်ထားပြီး ဖြတ်သန်းသုံးစွဲခွင့်မပြုကြောင်း ရေးသားထားသည်။

.

လက်ရှိဖြတ်သန်းနေကြသည့် တံတားမှာ ကွန်ကရစ်တံတားဖြစ်ပြီး မြန်မာဘက်အခြမ်းတွင် ညီနောင် မဟာမိတ်တပ်များက တပ်စွဲထားပြီး မြန်မာဘက်အခြမ်းသို့ ဝင်ထွက်သွားလာမှု ပိုတင်းကြပ်စွာ စစ်ဆေးနေသည်ဟု ဒေသခံတို့ကဆိုသည်။

.

#ShanGazette #Muse

.