🌸 ကိုးကန့်တပ် MNDAA က ဖမ်းဆီးထားသည့် စစ်သုံ့ပန်း ၂၀၀ ကျော် ပြန်လွှတ်ပေး

.

လားရှိုး၊ နိုဝင်ဘာ ၁၅

.

ရှမ်းပြည်နယ်မြောက်ပိုင်း၊ လားရှိုးမြို့တွင် ကိုးကန့်တပ် MNDAA က ဖမ်းဆီးထားသည့် စစ်သုံ့ပန်း ၂၀၀ ကျော်ကို ယနေ့ နိုဝင်ဘာလ ၁၅ ရက်၊ နံနက်ပိုင်းက ပြန်လွှတ်ပေးခဲ့သည်ဟု သိရသည်။

.

.

ယခင် တိုက်ပွဲများအတွင်း ဖမ်းဆီးထားသည့် စစ်သုံ့ပန်း ၂၀၂ ဦးကို MNDAA က ယနေ့ နံနက်ပိုင်းတွင် လားရှိုးမြို့နယ်၊ ဟိုပိတ်ရွာဘက်မှ ပြန်လွှတ်ပေးခဲ့ခြင်းဖြစ်ကြောင်း သိရသည်။

.

ယခင်ကလည်း ကိုးကန့်တပ်က စစ်သုံ့ပန်းအချို့ကို ပြန်လွှတ်ပေးခြင်းများ ရှိခဲ့ပြီး ယခုတစ်ကြိမ် လွှတ်ပေး သည့်အရေအတွက်မှာ များပြားကြောင်း ဒေသခံများက ပြောဆိုကြသည်။

.

လားရှိုးမြို့နယ်အတွင်း အစိုးရတပ်နှင့် MNDAA တို့အကြား စစ်ရေးတင်းမာမှုများ ဖြစ်ပေါ်နေကြောင်း သတင်းများ ထွက်ပေါ်နေချိန်တွင် ယခုကဲ့သို့ စစ်သုံ့ပန်းများ ပြန်လွှတ်ပေးလိုက်ခြင်းဖြစ်သည်။

.

ပြီးခဲ့သည့်ရက်အတွင်းက ကိုးကန့်တပ် MNDAA နှင့် အစိုးရတပ်တို့ လားရှိုးမြို့တွင် တွေ့ဆုံခဲ့ပြီး လားရှိုး မြို့ပြင်ရှိ MNDAA တပ်စခန်းများကို ဆုတ်ခွာပေးရန် အစိုးရတပ်၏ တောင်းဆိုမှုကို MNDAA က လက်မခံသည့်အတွက် နှစ်ဘက် တင်းမာမှုများ ဖြစ်ပေါ်ကာ လားရှိုး-သီပေါလမ်းရှိ သီပေါတံတားကို နှစ်ဘက် အပြန်အလှန် ပိတ်ထားခြင်းဖြစ်ကြောင်း သိရသည်။

.

#ShanGazette #Lashio #MNDAA

.