🌸 မိုင်းဖုန်းဆရာတော် သာသနာပြုခရီးစဉ် ကြွချီမည်

.

တောင်ကြီး၊ ဇန်နဝါရီ ၂၉

.

မိုင်းဖုန်းဆရာ‌တော်ကြီးသည် ပြည်တွင်းသာသနာပြုခရီးစဉ်အဖြစ် ရှမ်းပြည်နယ်နှင့် ရန်ကုန်၊ နေပြည်တော်၊ မန္တလေးသို့ ကြွရောက်သွားမည်ဖြစ်ကြောင်း သိရသည်။

.

.

ဖေဖော်ဝါရီလ ၂ ရက်တွင် စတင်မည့် မိုင်းဖုန်းဆရာတော်ကြီး၏ ခရီးစဉ်အစတွင် မိုင်းဖုန်းမှစတင်ထွက်ခွာပြီး မိုင်းပန်မြို့၌ တစ်ညအနားယူကျိန်းစက်အနားယူကာ ဖေဖော်ဝါရီ ၃ ရက်တွင် ကွန်ဟိန်းမြို့သို့ ဆက်လက် ကြွရောက်ပြီး နှစ်ညအနားယူကျိန်းစက်မည်ဖြစ်ကြောင်း သိရသည်။

.

ထို့နောက် ဖေဖော်ဝါရီ ၅ ရက်တွင် ဝမ်ကျင်း မိုင်းနောင်၊ ဖေဖော်ဝါရီ ၆ ရက်တွင် မိုင်းရှူးမြို့၊ ဖေဖော်ဝါရီ ၇ ရက်တွင် တန့်ယန်းမြို့၊ ဖေဖော်ဝါရီ ၉ ရက်တွင် ကျေးသီးမြို့၊ ဖေဖော်ဝါရီ ၁၀ ရက်တွင် မိုင်းကိုင်မြို့၊ ဖေဖော်ဝါရီ ၁၁ ရက်တွင် ပင်လုံမြို့၊ ဖေဖော်ဝါရီ ၁၂ ရက်တွင် တောင်ကြီးမြို့သို့ကြွရောက်မည်ဖြစ်ပြီး သုံးညအနားယူကျိန်းစက်၍ ဖေဖော်ဝါရီ ၁၅ ရက်တွင် မန္တလေးမြို့သို့ကြွရောက်မည်ဖြစ်ကြောင်း သိရသည်။

.

ထို့နောက် ဆရာတော်သည် ဖေဖော်ဝါရီလ ၁၆ ရက်တွင် ပုဂံ၊ ဖေဖော်ဝါရီ ၁၇ ရက်တွင် နေပြည်တော်နှင့် ဖေဖော်ဝါရီလ ၁၉ ရက်တွင် ရန်ကုန်မြို့သို့ကြွရောက်ကာ သုံးညအနားယူကျိန်းစက်မည်ဖြစ်ကြောင်း သိရသည်။

.

ဆရာတော်ကြီး၏ သာသနာပြုခရီးစဥ်အတွင်း အလှူဒါနပြုလုပ်ခြင်းများ၊ နိဗ္ဗာန်ရောက်ကြောင်း တရားတော်များ ဟောကြားတော်မူခြင်းများကို ပြုလုပ်သွားမည်ဖြစ်ကြောင်း သိရသည်။

.

မိုင်းဖုန်းဆရာတော်ကြီးသည် ပြီးခဲ့သည့် ၂၀၂၅ ခုနှစ်၊ ဧပြီလအတွင်းကလည်း ငလျင်ဒဏ်ခံစားခဲ့ရသည့် မန္တလေး၊ စစ်ကိုင်း၊ နေပြည်တော်မြို့များသို့ သွားရောက်ကူညီထောက်ပံ့ လှူဒါန်းခြင်းများ ပြုလုပ်ခဲ့သည်။

.

#ShanGazette #Taunggyi

.