🌸 တောင်ကြီးတွင် ကားတစ်စီး အရှိန်လွန်ပြီး နေအိမ်ဝင်းတံခါးအား ဝင်တိုက်

.

တောင်ကြီး၊ ဖေဖော်ဝါရီ ၂၆

.

တောင်ကြီးမြို့၊ ချမ်းသာရပ်ကွက်၊ ရှုခင်းသာလမ်းတွင် ယနေ့ ဖေဖော်ဝါရီလ ၂၆ ရက်၊ ညပိုင်းက ကားတစ်စီး အရှိန်လွန်ပြီး နေအိမ်ဝင်းတံခါးအား ဝင်ရောက်တိုက်မိမှု ဖြစ်ပွားခဲ့ကြောင်း သိရသည်။

.

.

“အသံကြားလို့ ထွက်‌ကြည့်တော့ ကားက အိမ်တံခါးကို ဝင်တိုက်မိနေတာ။ အဆင်းကြီးပြီး အရှိန်များတယ် ထင်ပါတယ်။ အဲဒီကားက ဒီနေ့ နေ့လယ်ကမှ ဘရိတ်ပြင်ထားတာလို့တော့ ပြောတယ်” ဟု တောင်ကြီးမြို့၊ ချမ်းသာရပ်ကွက်နေ ဒေသခံတစ်ဦးက ပြောသည်။

.

အဆိုပါ ယာဉ်မတော်တဆမှုကြောင့် လူ ထိခိုက်ဒဏ်ရာရမှု မရှိခဲ့ဘဲ နေအိမ်သံပန်းဝင်းတံခါးနှင့် အိမ်ဝင်း အတွင်း ရပ်ထားသည့် ကားတစ်စီး အပြင် အရှိန်လွန်ဝင်တိုက်ခဲ့သည့် SURF အမျိုးအစား ကားတစ်စီး ထိခိုက် ပျက်စီးမှု ဖြစ်ပေါ်ခဲ့ကြောင်း သိရသည်။

.

SURF ယာဉ် မောင်းနှင်သူများမှာ တောင်ကြီးမြို့၊ ရပ်တော်မူကျောင်းမှ သံဃာများဖြစ်သည်ဟု သိရပြီး ကားမှာ ကျောင်းကားမဟုတ်ဘဲ ဒကာတစ်ဦး၏ ကားဖြစ်ကြောင်း သိရသည်။

.

#ShanGazette #Taunggyi

.