🌸 တန့်ယန်းတွင် “ဝ”တပ်ဖွဲ့ အယောင်ဆောင်ပြီး ရွှေဆိုင်လုယက်မှုဖြစ်ပွား

.

တောင်ကြီး၊ ဖေဖော်ဝါရီ ၂၆

.

ရှမ်းပြည်နယ်မြောက်ပိုင်း၊ တန့်ယန်းမြို့တွင် ဖေဖော်ဝါရီလ ၂၁ ရက်က “ဝ”တပ်ဖွဲ့အယောင်ဆောင်ပြီး ရွှေဆောင်လုယက်မှုတစ်ခု ဖြစ်ပွားခဲ့ကြောင်း သိရသည်။

.

.

တန့်ယန်းမြို့ရှိ ရွှေဆိုင်တစ်ခုတွင် ဖေဖော်ဝါရီလ ၂၁ ရက်က UWSA “ဝ” တပ်ဖွဲ့ ယူနီဖောင်း ဝတ်စုံ ဝတ်ဆင်ထားသူတစ်ဦးကမျက်နှာဖုံးစွပ်ကာ ဓါးပြဝင်တိုက်ပြီး ရွှေလက်စွပ် ၃ ကွင်း လုယူထွက်ပြေး သွားခဲ့ခြင်းဖြစ်ကြောင်း သိရသည်။

.

အဆိုပါ လုယက်သူ အမျိုးသားကို ဖေဖော်ဝါရီလ ၂၃ ရက်၊ ညနေပိုင်းတွင် “ဝ” တောင်ပိုင်း စစ်ဒေသ ၁၇၁ တပ်ဖွဲ့က ဖမ်းဆီးရမိခဲ့ပြီး ခိုးယူသွားသည့် လက်စွပ် ၃ ကွင်းကို ပိုင်ရှင်ထံ ပြန်လည်ပေးအပ်ခဲ့ကြောင်း UWSA သတင်းများတွင် ဖော်ပြထားသည်။

.

ကျူးလွန်သူသည် တန့်ယန်းမြို့နယ်၊ ဘာဖန်ကျေးရွာတွင် နေထိုင်သူတစ်ဦးဖြစ်ပြီး ဆွံ့အ နားမကြားသူ ဖြစ်ကြောင်း သိရသည်။

.

ပြီးခဲ့သည့် ၂၀၂၅ ခုနှစ်၊ ဩဂုတ်လအတွင်းကလည်း တန့်ယန်းမြို့တွင် UWSA “ဝ” တပ်ဖွဲ့ အယောင်ဆောင် ကာ ဓါးပြမှုနှင့် လူကုန်ကူးမှု ကျူးလွန်သူ ၁၇ ဦးကို ဖမ်းဆီးရမိမှုတစ်ခု ဖြစ်ပွားခဲ့သေးသည်။

.

#ShanGazette #TangYan #UWSA

.