🌸 တောင်ကြီးမြို့နယ်တွင် ပန်းမုံလာစိမ်း ဈေးကောင်းသော်လည်း တောင်သူများ တွက်ချေမကိုက်

.

တောင်ကြီး၊ ဖေဖော်ဝါရီ ၄

.

ရှမ်းပြည်နယ်တောင်ပိုင်း၊ တောင်ကြီးမြို့နယ်အတွင်း ပန်းမုံလာစိမ်း ဈေးကောင်းရသော်လည်း ပန်းမုံလာစိုက် တောင်သူများအနေဖြင့် ခြံဖြတ်၀ယ်ယူသူများက တစ်ပွင့်လျှင် ၂၀၀ ကျပ်ခန့် သာ ဈေးဖြတ်၀ယ်ယူမှု ရှိနေသည့်အတွက် တွက်ချေမကိုက် ဖြစ်နေကြောင်း သိရသည်။

.

.

ပန်းမုံလာအစိမ်းသည် အပွင့်အနေအထားပေါ် မူတည်၍ ဈေးကွက်အတွင်း ၁၅၀၀ ကျပ်မှ ၂၀၀၀ ကျပ် အထိရောင်းချနေသော်လည်း အမှန်တကယ် စိုက်ပျိုးသည့်တောင်သူများမှာ ဈေးကောင်းမရဘဲ ဖြစ်နေ ကြောင်းသိရသည်။

.

“ဈေးထဲမှာက အပွင့်လှရင်လှသလို ၂၀၀၀ လောက် အထိရောင်းလို့ရပါတယ်။ ခြံထဲအထိ လာကောက် ပေးတယ်ဆိုပေမဲ့ အရမ်းကြီးဈေးနှိမ်တာမျိုးတော့ မလုပ်သင့်ဘူးပေါ့။ စိုက်တဲ့တောင်သူတွေက ဈေးကွက် ထဲမှာလက်လီသွားမရောင်းနိုင်တော့ တစ်ဆင့်ခံတွေက ခေါင်းပုံဖြတ်သလိုဖြစ်နေတာပေါ့” ဟု ပန်းမုံလာ (ပန်းဂေါ်ဖိစိမ်း) စိုက်တောင်သူတစ်ဦးက ရှမ်းဂေဇက်မီဒီယာသို့ ပြောသည်။

.

လက်ကား၀ယ်ယူသည့် တစ်ဆင့်ခံဈေးသည်များသည် သီးနှံစိုက်ပျိုးသည့်ခြံများတွင် အနိမ့်ဆုံးဈေး ဖြင့် ဝယ်ယူတတ်ကြပြီး ပြန်လည်ရောင်းချသည့်အချိန်တွင် သင့်တင့်မျှတသည့် ဈေးမဟုတ်ဘဲ အဆမတန်တင်၍ ရောင်းချမှုများရှိနေကြောင်းလည်း သိရသည်။

.

ရှမ်းပြည်နယ်တောင်ပိုင်း၊ တောင်ကြီးမြို့နယ် ၊ ကလောမြို့နယ် ဟဲဟိုးဒေသနှင့် အခြားဒေသများတွင် ပန်းမုံလာနှင့် ပန်းစိမ်းတို့ကို အများဆုံးစိုက်ပျိုးနေကြောင်း သိရသည်။

.

#ShanGazette #Taunggyi

.