🌸 တောင်ကြီးမြို့မဈေးရှေ့ရှိ LED TV ဘုတ်အသစ် ပြောင်းလဲတပ်ဆင်

.

တောင်ကြီး၊ ဖေဖော်ဝါရီ ၂

.

ရှမ်းပြည်နယ်မြို့တော်၊ တောင်ကြီးမြို့၊ မြို့မဈေး အရှေ့ဘက်မျက်နှာစာတွင် အများပြည်သူကို အသိပေး ဖျော်ရေးအဖြစ် အသုံးပြုနေသည့် LED ဘုတ်ကို အသစ်ပြောင်းလဲတပ်ဆင်ထားကြောင်း သိရသည်။

.

.

အဆိုပါနေရာတွင် ယခင်ကအသုံးပြုနေသည့် LED ဘုတ်မှာ သက်တမ်းကြာမြင့်နေပြီဖြစ်သည့် အတွက် ယခုကဲ့သို့ အစားထိုးလဲလှယ်ခြင်းဖြစ်နိုင်ကြောင်း တောင်ကြီးမြိုပေါ်နေ ပြည်သူတစ်ဦးက ရှမ်းဂေဇက် မီဒီယာသို ပြောသည်။

.

“အရင်တပ်ထားတဲ့ဟာက ငယ်တယ်ဗျ။ အခုအသစ်တပ်လိုက်တဲ့ TV က တော်တော်ကြီးတယ်။ အရင်တုန်း ကတော့ ဘောလုံးပွဲတွေကို ဒီ TV ကနေ ပြပေးတော့ မြို့ထဲကလူတွေ ဝိုင်းအားပေးကြ တာပေါ့။ အခုက အသစ်တပ်ထားတုန်းဆိုတော့ ဘာတွေပြမလဲတော့ မပြောတတ်သေးဘူး” ဟု ဒေသခံတစ်ဦးက ပြောသည်။

.

လက်ရှိတွင် တောင်ကြီးမြို့မဈေးကြီးမရှေ့ဘက် မျက်နှာစာတွင် အသစ်တပ်ဆင်ထားသည့် LED ဘုတ်၌ တောင်ကြီးမြို့နှင့် ဆက်စပ်ပတ်သက်သည့် အကြောင်းအရာများနှင့် အခြား မြန်မာနိုင်ငံအတွင်းရှိ ထင်ရှားသည့် နေရာများအပြင် အသိပညာပေးမှတ်တမ်းများကို ထုတ်လွှင့်ပြသပေးနေကြောင်း သိရသည်။

.

#ShanGazette #Taunggyi

.