🌸 တောင်ကြီးမြို့၊ သစ်တောရပ်ကွက်တွင် ဆိုင်ကယ်တစ်စီး ခိုးယူခံရ

.

တောင်ကြီး၊ မတ် ၂၁

.

တောင်ကြီးမြို့၊ သစ်တောရပ်ကွက်ရှိ ဆိုင်တစ်ဆိုင်ရှေ့တွင် ခေတ္တရပ်နားထားသည့် ဆိုင်ကယ်တစ်စီး ယမန်နေ့ မတ်လ ၂၀ ရက်၊ ညပိုင်းက ခိုးယူခံခဲ့ရကြောင်း သိရသည်။

.

.

သစ်တောရပ်ကွက်၊ အထက (၁) ကျောင်းအနီးရှိ Mini sushi ဆိုင်ရှေ့တွင် ရပ်ထားသည့် HONDA အဖြူရောင် မော်တော်ဆိုင်ကယ်တစ်စီး ခိုးယူခံခဲ့ရခြင်း ဖြစ်ကြောင်း သိရသည်။

.

“ဆိုင်သိမ်းနေတုန်း ရပ်ထားတာကို အခိုးခံရတာ။ ဘေးအိမ်က CCTV မှာ အသက် ၄၀ လောက် လူ တစ်ဦး သော့လိုမျိုးနဲ့ ခိုးသွားတာ တွေ့ရတယ်။ ရဲကို တိုင်ဖို့ စီစဥ်နေပါတယ်” ဟု ပိုင်ရှင် ဖြစ်သူက ပြောသည်။

.

ယင်း ခိုးယူခံရသည့် ‌မော်တော်ဆိုင်ကယ်မှာ မကြာသေးမီကပင် ငွေကျပ် ၅၈ သိန်းဖြင့် ဝယ်ယူထားခဲ့ခြင်း ဖြစ်ပြီး အဆိုပါဆိုင်အနီးရှိ နေအိမ်တွင်လည်း မကြာသေးမီက ဆိုင်ကယ် ၂ စီး ခိုးယူခံခဲ့ရဖူးကြောင်း သိရသည်။

.

#ShanGazette #Taunggyi

.