.
တောင်ကြီး၊
ဧပြီ ၆
.
တောင်ကြီးမြို့၊
အဝေရာမီးပုံးပျံကွင်းအနီးတွင် ယနေ့ ဧပြီလ ၆ ရက်၊ နံနက် ၉ နာရီခွဲခန့်က အမျိုးသား အလောင်း
တစ်လောင်း တွေ့ရှိခဲ့ကြောင်း သိရသည်။
.
တောင်ကြီးမြို့၊
ကျောင်းကြီးစုရပ်ကွက်၊ တောင်ကြီး - ကျောက်တစ်လုံးလမ်းနှင့် အဝေရာ မီးပုံးပျံကွင်း ကြားရှိ
ရေဆိုးမြောင်း ဘေးတွင် အမျိုးသားတစ်ဦးအား ပြင်ပဒဏ်ရာ မရှိဘဲ ပက်လက် အနေအထားဖြင့် သေဆုံးနေသည်ကို
တွေ့ရှိခဲ့ရခြင်းဖြစ်ကြောင်း သိရသည်။
.
သေဆုံးသူမှာ
တောင်ကြီးမြို့၊ ကျောင်းကြီးစုရပ်ကွက်၊ ရွှေမောင်းတောင်လမ်းနေ လေလွင့် တောင်းရမ်း စားသောက်သူ
အသက် ၄၂ နှစ်အရွယ် ကိုသန်းထိုက် ဆိုသူဖြစ်ပြီး ၎င်းသည် အရက်အလွန်အကျွံ သောက်သုံးတတ်သူဖြစ်ကြောင်း
သိရသည်။
.
သေဆုံးသူ၏
ရုပ်အလောင်းအား မှုခင်းဆေးစာဖြင့် တောင်ကြီးမြို့၊ စဝ်စံထွန်းဆေးရုံသို့ ပို့ဆောင်ပြီး
ဓမ္မတာအတိုင်း သေဆုံးခြင်းဟုတ်/မဟုတ် သိရှိနိုင်ရန် သေမှုသေခင်း ဖွင့်လှစ်စစ်ဆေး ဆောင်ရွက်လျက်
ရှိကြောင်း သိရသည်။
.
#ShanGazette #Taunggyi #Crime
.
No comments:
Post a Comment