🌸 အောင်ပန်းမြို့၊ သစ္စာမဂ္ဂင်ရွှေစေတီနှင့် မဟာရွှေဘုရင်ဘုရားကြီး ဗုဒ္ဓပူဇနိယပွဲတော် ကျင်းပမည်

.

အောင်ပန်း၊ ဇန်နဝါရီ ၂၆

.

ရှမ်းပြည်နယ်တောင်ပိုင်း၊ ကလောခရိုင်၊ ကလောမြို့နယ်၊ အောင်ပန်းမြို့ရှိ သစ္စာမဂ္ဂင်စေတီတော်နှင့် မဟာ ရွှေဘုရင်ဘုရားကြီး၏ ဆဋ္ဌမအကြိမ်မြောက် ဗုဒ္ဓပူဇနိယပူဇော်ပွဲကို အဆိုပါ စေတီတော်ဝင်းအတွင်း ကျင်းပ ပြုလုပ်သွားမည်ဖြစ်ကြောင်း သိရသည်။

.

.

ဗုဒ္ဓပူဇနိယပူဇော်ပွဲ အထိမ်းအမှတ်အဖြစ် အမျိုးသား/အမျိုးသမီး ဝိုင်းခြင်းအလှခတ်ပွဲနှင့် နိဗ္ဗာန်ဈေးပွဲတော် ကို ၁၃၈၇ ခုနှစ်၊ တပို့တွဲလပြည့်အဖိတ်နေ့၊ ၂၀၂၆ ခုနှစ်၊ ဇန်နဝါရီလ ၃၁ ရက်၊ စနေနေ့တွင် ပြုလုပ်သွားမည် ဖြစ်ပြီး နိဗ္ဗာန်ဈေးကို နေ့လယ် ၁ နာရီမှ ညနေ ၅ နာရီအထိ ပြုလုပ်သွားမည်ဖြစ်ကာ နိဗ္ဗာန်ဈေး ပြုလုပ် လိုသူများအနေဖြင့် မိမိအစီအစဉ်ဖြင့် ကျွေးမွေးဧည့်ခံနိုင်ကြောင်း သိရသည်။

.

ထို့အပြင် တပို့တွဲလပြည့်နေ ဖြစ်သော ဖေဖော်ဝါရီလ ၁ ရက်နေ့တွင် ရှားမီးပူဇော်ခြင်း၊ မီးကြာဇံ လှည့်လည် ပူဇော်ခြင်း၊ မီးပုံးပျံလွှတ်တင်ခြင်း၊ ထမနဲ၊ ယာဂု ဇာဂ ကျွေးမွေးခြင်းများကို ပြုလုပ်သွားမည်ဖြစ်ကာ ထမနဲ/ ယာဂုအတွက် ကောက်ညှင်းဆန် တစ်ပြည်လျှင် ၃၀၀၀ ကျပ်နှုန်းဖြင့် ပါဝင်လှူဒါန်းနိုင်ကြောင်း သိရသည်။

.

အောင်ပန်းမြို့၊ သစ္စာမဂ္ဂင်‌ရွှေစေတီနှင့် မဟာရွှေဘုရင်ဘုရားကြီး၏ ဗုဒ္ဓပူဇနိယပွဲတော်ကို မိုးကုတ်ရိပ်သာ အကျိုးတော်ဆောင်အဖွဲ့၏ ဦးစီးဦးဆောင်မှုဖြင့် နှစ်စဉ် ကျင်းပပြုလုပ်ခဲ့သည်မှာ ယခုနှစ်တွင် ၆ နှစ် ရှိပြီဖြစ်ကာ ဗုဒ္ဓပူဇနိယပွဲတော်တွင် အောင်ပန်းနယ်တစ်ဝိုက်ရှိ ဒေသခံ တိုင်းရင်းသားများက မဟာရွှေဘုရင် ဘုရားကြီးကို ဆီမီးပူဇော်မှုများ ပြုလုပ်ကြကြောင်း သိရသည်။

.

#ShanGazette #AungBan

.