🌸 “ဝ”ဒေသ၊ မိုင်းပေါက်မြို့တွင် လူသတ်ပြီး အသားကိုမီးကင်စား ဟူသောသတင်းမှာ မဟုတ်မှန် ဟုဆို

.

တောင်ကြီး၊ ဇန်နဝါရီ ၂၆

.

UWSA ထိန်းချုပ်ထားသည့် “ဝ” ဒေသ၊ မိုင်းပေါက်မြို့တွင် လူသတ်ပြီး အသားကို မီးကင်စားခဲ့သူအား ဖမ်းဆီးရမိခဲ့သည် ဟူသော သတင်းမှာ မဟုတ်မှန်ဘဲ လူသတ်ပြီး မီးရှို့ခဲ့ခြင်းသာ ဖြစ်သည်ဟု UWSA ပြင်ပဆက်သွယ်ရေးတာဝန်ခံ ဦးညီရမ်းက ၎င်း၏ လူမှုကွန်ရက်တွင် ပြန်လည်ရှင်းလင်းထားသည်။

.

.

“ဝ”ဒေသ၊ မိုင်းပေါက်မြို့တွင် ဖခင်ကို သတ်ဖြတ်ကာ မီးကင်စားခဲ့သူကို ဇန်နဝါရီလ ၂၃ ရက်၊ နံနက်ပိုင်းတွင် “ဝ” ရဲတပ်ဖွဲ့က ဖမ်းဆီးရမိခဲ့ကြောင်း ယမန်နေ့ ဇန်နဝါရီလ ၂၅ ရက်က သတင်းများ ပြန့်နှံ့ခဲ့ခြင်းဖြစ်သည်။

.

အဆိုပါဖြစ်စဉ်မှာ မှန်ကန်မှု မရှိဘဲ စိတ်ဝေဒနာရှင်တစ်ဦးက ၎င်း၏ မွေးစားဖခင်ကို သတ်ဖြတ်ကာ မီးရှို့ခဲ့ခြင်းသာဖြစ်ပြီး လူသားစားည့် ဖြစ်စဉ်မျိုး လုံးဝ မရှိခဲ့ကြောင်းနှင့် ကျူးလွန်သူကို “ဝ” ပြည်ဥပဒေဖြင့် ထိရောက်သည့် အရေးယူမှုများ ပြုလုပ်သွားမည်ဖြစ်ကြောင်း ဦးညီရမ်းက ပြန်လည်ရှင်းလင်း ထားသည်။

.

ထို့အပြင် “ဝ” ဒေသတွင် ရှေးယခင်က ဒေသအချို့၌ ယစ်ပူဇော်ရန် ခေါင်းဖြတ်သည့်ဓလေ့ ရှိခဲ့ဖူးသော်လည်း လူသားစားသည့် ဖြစ်စဉ်မျိုး လုံးဝမရှိခဲ့ဖူးကြောင်း ဦးညီရမ်းက ဆက်လက် ရေးသားထားသည်။

.

ပြီးခဲ့သည့် ဇန်နဝါရီလ ၂၄ ရက်နေ့ကလည်း ရန်ကုန်တိုင်းဒေသကြီး၊ မှော်ဘီမြို့နယ်တွင် လင်မယားချင်း ရန်ဖြစ်ရာမှ ခင်ပွန်းက ဇနီးအား ခေါင်းဖြတ်သတ်ဖြတ်မှု ဖြစ်ပွားခဲ့သေးသည်။

.

#ShanGazette #Wa

.