.
လားရှိုး၊ ဖေဖော်ဝါရီ ၂၅
.
ရှမ်းပြည်နယ်မြောက်ပိုင်း၊ လားရှိုးမြို့တွင် ယမန်နေ့ ဖေဖော်ဝါရီလ ၂၄ ရက်၊ ညနေပိုင်းက အမျိုးသမီးတစ်ဦး ကို အမည်မသိ အမျိုးသား ၃ ဦးက သေနတ်ပြ ခြိမ်းခြောက်ကာ ပြန်ပေးဆွဲမှု ဖြစ်ပွားခဲ့ကြောင်း သိရသည်။
.
.
လားရှိုးမြို့၊ ရပ်ကွက် (၅) ရှိ ကုန်စုံဆိုင်
တစ်ခုအတွင်းသို့ ယမန်နေ့ ညနေ ၄ နာရီခွဲခန့်က အမျိုးသား ၃ ဦး ရောက်ရှိလာပြီး
ဆိုင်အတွင်းရှိသူများကို သေနတ်ပြ ခြိမ်းခြောက်ကာ ကောင်တာတွင် ထိုင်နေသည့် အသက် ၂၃
နှစ် အရွယ် အမျိုးသမီးတစ်ဦးကို ပြန်ပေးဆွဲခေါ်ဆောင်သွားကာ ဆိုင်ကောင်တာအတွင်းရှိ
ရောင်းရငွေ အချို့ကိုလည်း ယူဆောင်သွားခဲ့ကြောင်း သိရသည်။
.
လားရှိုးမြို့ ပြန်လည်ထူထောင်ရေးကာလအတွင်း
လုံခြုံရေးအားနည်းနေချိန်တွင် လုယက်မှု၊ လူသတ်မှု၊ ပြန်ပေးဆွဲမှု၊
အနုကြမ်းစီးမှုများ မကြာခဏဖြစ်ပွားနေသည့်အတွက် ဂရုပြုရန် လိုကြောင်း မြို့ခံများက
ပြောဆိုကြသည်။
.
လားရှိုးမြို့တွင် ယမန်နေ့ ဖေဖော်ဝါရီလ ၂၄ ရက် တစ်ရက်အတွင်း
အခြား လုယက်မှုများလည်း ဖြစ်ပွားခဲ့ သေးပြီး ကျူးလွန်သူတစ်ဦးကို ဖမ်းဆီးရမိထားကြောင်း
သိရသည်။
.
#ShanGazette #Lashio
.
No comments:
Post a Comment