ရှမ်းပြည်နယ်သတင်းများ
.
တောင်ကြီး၊ မတ် ၂၆
.
ရှမ်းပြည်နယ် လွှတ်တော် ဥက္ကဋ္ဌ
ဦးစိုင်းလုံကျော် က လွှတ်တော်ရေးရာကော်မတီ ၄ ခု၏ အမည်စာရင်းကို ရှမ်းပြည်နယ်လွှတ်တော်သို့
တင်သွင်းခဲ့သည်ဟု သိရသည်။
.
တတိယအကြိမ် ရှမ်းပြည်နယ်လွှတ်တော် ပထမပုံမှန် အစည်းအဝေး၊
ဒုတိယနေ့ကို ယနေ့ မတ်လ ၂၆ ရက်၊ နံနက်ပိုင်းက ရှမ်းပြည်နယ်လွှတ်တော်
အစည်းအဝေးခန်းမတွင် ကျင်းပရာ အစည်းအဝေး၌ ရှမ်းပြည်နယ် လွှတ်တော် ဥက္ကဋ္ဌက ကော်မတီတစ်ခုချင်းစီ၏
ဥက္ကဋ္ဌ၊ အတွင်းရေးမှူးနှင့် အဖွဲ့ဝင် အမည်စာရင်း တို့ကို လွှတ်တော်သို့ ဖတ်ကြားတင်သွင်းခဲ့ခြင်း
ဖြစ်သည်။
.
ဟဲဟိုး၊ မတ် ၂၄
.
ရှမ်းပြည်နယ်တောင်ပိုင်း၊ ကလောမြို့နယ်၊ ဟဲဟိုးမြို့၊
သီခေါင်တောင်ကျေးရွာအုပ်စု၊ ပေါပဲကျေးရွာ အနီးတွင် ယနေ့ မတ်လ ၂၄ ရက်၊ ညနေပိုင်းက ယာဉ်တိမ်းမှောက်မှုတစ်ခု
ဖြစ်ပွားခဲ့ကြောင်း သိရသည်။
.
သီခေါင်တောင်ကျေးရွာအုပ်စု၊ ပေါပဲပင်ကျေးရွာအနီး၊
ပြည်ထောင်စု လမ်းမကြီး၊ မိုင်တိုင်အမှတ်(၈၇/၅)နှင့် (၈၇/၆)ကြား တွင် ယနေ့ ညနေ ၅ နာရီခွဲခန့်က
ယာဉ်တစ်စီး တိမ်းမှောက်ခဲ့ခြင်းဖြစ်ပြီး ကားအတွင်း လူ ၂ ဦး ညှပ်မိခဲ့ခြင်းဖြစ်ကြောင်း
သိရသည်။
.
တောင်ကြီး၊ မတ် ၂၄
.
ထင်းရှူးမြို့တော် ကလောမဂ္ဂဇင်း စာအုပ် မိတ်ဆက်ပွဲကို
ယနေ့ မတ်လ ၂၄ ရက်၊ နံနက်ပိုင်းက တောင်ကြီးမြို့၊ လူထုအခြေပြုဗဟိုဌာန၊ ဘက်စုံသုံးခန်းမတွင်
ပြုလုပ်ခဲ့ကြောင်း သိရသည်။
.
အခမ်းအနားတွင် တာဝန်ရှိသူများက ထင်းရှူးမြို့တော်
ကလောမဂ္ဂဇင်း စာအုပ်နှင့် ပတ်သက်၍ အမှာ စကားများ အသီးသီး ပြောကြားခဲ့သည်။
.
ကွန်ဟိန်း၊
မတ် ၂၃
.
ရှမ်းပြည်နယ်တောင်ပိုင်း၊
ကွန်ဟိန်းမြို့နယ်တွင် မတ်လ ၁၉ ရက်၊ နံနက်ပိုင်းက ငွေကျပ် သိန်း ၈၄၀၀ တန်ဖိုးရှိ
ဘိန်းဖြူဘလောက်တုံးများအား သယ်ဆောင်လာသူများနှင့်အတူ ဖမ်းဆီးရမိခဲ့ကြောင်း သိရသည်။
.
မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ
တပ်ဖွဲ့ဝင်များပါဝင်သော ပူးပေါင်း အဖွဲ့သည် မတ်လ ၁၉ ရက်၊ နံနက် ၇ နာရီခွဲခန့်က
ကွန်ဟိန်းမြို့နယ်၊ ဆိုင်းမွန်ကျေးရွာအနီး၊ ကွန်ဟိန်း-ခိုလမ်သွားကားလမ်းတွင်
မော်တော်ယာဉ် များအား စစ်ဆေးရှာဖွေစဉ် စိုင်းလိန်ခမ်း မောင်းနှင်ပြီး
စိုင်းဆိုင်ဝမ်း လိုက်ပါလာသည့် TOYOTA PROBOX အမျိုးအစား မော်တော်ယာဉ်အား
ရပ်တန့်စစ်ဆေးရှာဖွေရာ ယာဉ်ပေါ်တွင် သိုဝှက် သယ်ဆောင်လာသော ဘိန်းဖြူဘလောက်တုံး ၂၀၀
တုံး၊ အလေးချိန် ၇၀ ကီလို၊ ဒေသကာလတန်ဖိုးငွေကျပ်သိန်း ၈၄၀၀ အား
တွေ့ရှိသိမ်းဆည်းရမိခဲ့ခြင်းဖြစ်ကြောင်း သိရသည်။
.
တောင်ကြီး၊ မတ် ၂၂
.
ရှမ်းပြည်နယ်တောင်ပိုင်း၊ တောင်ကြီးမြို့နယ်၊ နမ့်ဆီးကျေးရွာအုပ်စု၊ တောင်ကြီး-ပင်ငိုသွားလမ်းတွင် ယနေ့ မတ်လ ၂၂ ရက်၊ ညနေ ၃ နာရီခန့်က အမျိုးသား ၂ ဦး ဓါတ်လိုက်သေဆုံးခဲ့ ကြောင်း သိရသည်။
.
.
တောင်ကြီးမြို့နှင့် ၅ မိုင်ခန့်အကွာ၊ တောင်ကြီး-ပင်ငိုသွားလမ်းရှိ တောင်ကြီး-ဟိုပုံး သွယ်တန်းထားသည့် ဗို့အား ၁၁၀၀၀ ရှိ လျှပ်စစ်ဓာတ်မီးတိုင်မှ မီးကြိုးတစ်ချောင်းသည် လေတိုက်ခတ်မှုကြောင့် မြေပြင်နှင့် ၃ ပေ အကွာအထိ လျှော့ကျနေချိန်တွင် ပင်ငိုကျေးရွာနေ ခွန်ကျော်ထူး မောင်းနှင်ပြီး ခွန်ဖြိုးအောင် လိုက်ပါစီးနင်း လာသည့် မော်တော်ဆိုင်ကယ်သည် လျှပ်စစ်ဓါတ်ကြိုးအား ဝင်ရောက်ချိတ်မိရာမှ သေဆုံးခဲ့ရခြင်း ဖြစ်ကြောင်း သိရသည်၊
