ရှမ်းပြည်နယ်သတင်းများ
.
တောင်ကြီး၊ ဇွန် ၁
.
တောင်ကြီးမြို့၊ ကံသာရပ်ကွက်တွင် ယနေ့ ဇွန်လ ၁
ရက်၊ နံနက်ပိုင်းက မော်တော်ဆိုင်ကယ် ခိုးယူလာသူ ၂ ဦးကို သက်သေခံဆိုင်ကယ်နှင့်အတူ
ဖမ်းဆီးရမိခဲ့ကြောင်း သိရသည်။
.
တောင်ကြီးမြို့၊ ကံသာရပ်ကွက်၊
မေတ္တာရှင်လမ်းမပေါ်တွင် ယနေ့ ဇွန်လ ၁ ရက်၊ နံနက်ပိုင်းက အမျိုးသား နှစ်ဦး
မောင်းနှင်လာသည့် မသင်္ကာဖွယ်ရာ သော့မပါ ဆိုင်ကယ်တစ်စီးကို ရဲတပ်ဖွဲ့မှ ရပ်တန့်စစ်ဆေးရာမှ
ခိုးမှု ပေါ်ပေါက်ခဲ့ခြင်းဖြစ်ကြောင်း သိရသည်။
.
ကလော၊ ဇွန် ၁
.
ရှမ်းပြည်နယ်တောင်ပိုင်း၊ ကလောခရိုင်၊ ကလောမြို့နယ်အတွင်း
၂၀၂၆-၂၀၂၇ ပညာသင်နှစ်၌ ကျောင်းသား/ ကျောင်းသူ စုစုပေါင်း ၃ သောင်းကျော် ပညာသင်ကြားလျက်ရှိကြောင်း
သိရသည်။
.
၂၀၂၆-၂၀၂၇ ပညာသင်နှစ် အခြေခံပညာကျောင်းများ၊ ကိုယ်ပိုင်ကျောင်းများ၊
ဘုန်းတော်ကြီးသင် ပညာရေး ကျောင်းများကို ယနေ့ ဇွန်လ ၁ ရက်တွင် စတင်ဖွင့်လှစ် သင်ကြားနေခြင်းဖြစ်သည်။
.
တောင်ကြီး၊
ဇွန် ၁ ရက်
.
ရှမ်းပြည်နယ်မြို့တော်၊
တောင်ကြီးမြို့၊ မြို့မဈေးအတွင်းရှိ ပျံကျ စားသောက်ဆိုင်တန်းတွင် ယမန်နေ့ မေလ ၃၁
ရက်၊ နေ့လယ်ပိုင်းက ဂစ်အိုးအသေး ပေါက်ကွဲပြီး အသေးစား မီးလန့်မှုတစ်ခု
ဖြစ်ပွားခဲ့ကြောင်း သိရသည်။
.
“မီးလောင်တာ
ဟုတ်ပါတယ်။ လူထိခိုက်မှု မရှိပါဘူး။ ကလေးတစ်ဦးတော့ ဆံပင် မီးလေးဟပ်သွားတာ ပေါ့။
ကြီးကြီးမားမားတော့ မရှိပါဘူး။ ဒါပေမဲ့ သူတို့ကို ဈေးထဲမှာ ဖြစ်နေတာကြောင့်
ဆိုင်ရောင်းချခွင့် တစ်လ ပိတ်လိုက်ပါတယ်” ဟု တာဝန်ရှိသူတစ်ဦးက ပြောဆိုထားသည်။
