🌸 ကွန်ဂိုတွင် အီဘိုလာအတည်ပြုလူနာ ၂၀၀ ကျော်အထိရှိလာ

.

တောင်ကြီး၊ မေ ၃၁

.

ကွန်ဂိုင်ငံတွင် အီဘိုလာ အတည်ပြုလူနာ ကျော်အထိ ရှိလာပြီဖြစ်ကြောင်း သိရသည်။

.

.

ပြီးခဲ့သည့် ရက်ပိုင်းက အတည်ပြုလူနာ ၁၂၀ ကျော်သာ သာ ရှိခဲ့ရာမှ ယခုအခါ ကူးစက်သူ ၂၀၀ ကျော်အထိ နှစ်ဆနီးပါး မြင့်တက်လာခြင်းဖြစ်သည်။

.

ကွန်ဂိုနိုင်ငံတွင်း အီဘိုလာ ပျံ့နှံ့မှုနှုန်း ဆက်လက်မြင့်မားနေပြီး သံသယလူနာ ၁၀၀၀ ကျော်နေပြီဖြစ်ကာ သေဆုံးသူ အရေအတွက်မှာလည်း ၂၀၀ ကျော် ရှိလာပြီဖြစ်ကြောင်း သိရသည်။

.

ကမ္ဘာ့ကျန်းမာရေးအဖွဲ့က ကွန်ဂိုနိုင်ငံအခြေအနေကို ကမ္ဘာ့အရေးပေါ်ကျန်းမာရေး အခြေအနေအဖြစ် သတ်မှတ်ထားပြီး မှတ်တမ်းတင်ထားသမျှ အီဘိုလာ ကူးစက်မှုများအနက် အမြန်ဆုံးကူးစက်မှု အဖြစ် အတည်ပြုထားသည်။

.

ထို့အပြင် အီဘိုလာရောဂါသည် ကွန်ဂိုနှင့် အိမ်နီးချင်းဖြစ်သည့် ယူဂန်ဒါ နိုင်ငံအထိပါ ပျံ့နှံ့လာနေပြီး အတည်ပြုလူနာ ၉ ဦးနှင့် သေဆုံးသူ ၁ ဦး ရှိပြီဖြစ်ကြောင်း သိရသည်။

.

ကမ္ဘာ့ကျန်းမာရေးအဖွဲ့ အကြီးအကဲ တက်ဒ်ရို့စ် က နိုင်ငံတကာအသိုင်းအဝိုင်းအနေဖြင့် ကွန်ဂိုအစိုးရကို ပူးပေါင်းကူညီနေကြောင်းနှင့် လူထုပါဝင်မှု အရေးကြီးသည့်အတွက် အတူဖြေရှင်းရန်လိုကြောင်း ပြောဆိုထားသည်။

.

ကွန်ဂိုနိုင်ငံတွင် လက်ရှိဖြစ်ပွားနေသည့် အီဘိုလာကူးစက်မှုမှာ ဘွန်ဒီဘူဂိုဗိုင်းရပ်စ် ကြောင့်ဖြစ်ပြီး ယင်းဗိုင်းရပ်စ်သည် ရှားပါးပြီး ပြင်းထန်သည့် အီဘိုလာမျိုးကွဲတစ်ခုဖြစ်ကြောင်း ကမ္ဘာ့ကျန်းမာရေးအဖွဲ့ (WHO) က အတည်ပြုထားပြီး လက်ရှိအချိန်အထိ ကာကွယ်‌ဆေးနှင့် ကုသနည်း မရှိသေးကြောင်း ကြေညာထားသည်။

.

Source – CNN

.

#ShanGazette #International #Health #Ebola

.