🌸 ရွှေညောင်တွင် အမျိုးသမီးတစ်ဦး ကြိုးဆွဲချသေဆုံးမှု ဖြစ်ပွား

.

တောင်ကြီး၊ ဇွန် ၁၀

.

ရှမ်းပြည်နယ်တောင်ပိုင်း၊ တောင်ကြီးမြို့နယ်၊ ရွှေညောင်မြို့တွင် ယနေ့ ဇွန်လ ၁၀ ရက်၊ နံနက်ပိုင်းက အမျိုးသမီးတစ်ဦးအား ကြိုးဆွဲချသေဆုံးလျက် တွေ့ရှိခဲ့ရကြောင်း သိရသည်။

.

.

ရွှေညောင်မြို့၊ လှိုင်ဘုံသာရပ်ကွက်၊ နယ်မြေ (၃)၊ အေးသိင်္ဂီလမ်းနေ အသက် ၃၆ နှစ်အရွယ် သူနာပြု ဆရာမ တစ်ဦးအား ယနေ့ ဇွန်လ ၁၀ ရက်၊ နံနက် ၈ နာရီခန့်က ၎င်းနေထိုင်သည့် နေအိမ်အတွင်း၌ ကြိုးဆွဲချ သေဆုံးနေသည်ကို တွေ့ရှိခဲ့ခြင်းဖြစ်ကြောင်း သိရသည်။

.

အေးသာယာတိုက်နယ်ဆေးရုံမှ အဆိုပါ သူနာပြုဆရာမသည် ဆေးရုံလုပ်ငန်းခွင်သို့ မလာရောက်သည်မှာ ၂ ရက်ကြာပြီဖြစ်သဖြင့် ဆေးရုံတာဝန်ရှိသူများက နေအိမ်သို့ သွားရောက်ကြည့်ရှုရာမှ နေအိမ်ထုပ်တန်းတွင် ကြိုးဆွဲချသေဆုံး နေသည်ကို တွေ့ရှိခဲ့ရခြင်းဖြစ်ကြောင်း သိရသည်။

.

အဆိုပါ သူနာပြုအမျိုးသမီး သေဆုံးမှုနှင့် ပတ်သက်၍ ဓမ္မတာအတိုင်းသေဆုံးခြင်းဟုတ်/မဟုတ် သိရှိနိုင်ရန် ရွှေညောင်နယ်မြေရဲစခန်းတွင် အမှုဖွင့်စစ်ဆေး ဆောင်ရွက်လျက်ရှိကြောင်း သိရသည်။

.

#ShanGazette #ShweNyaung

.