🌸 တောင်ကြီးတွင် ဆိုင်ကယ်ခိုးယူလာသူ ၂ ဦးကို သက်သေခံ ဆိုင်ကယ်နှင့်အတူ ဖမ်းမိ

.

တောင်ကြီး၊ ဇွန် ၁

.

တောင်ကြီးမြို့၊ ကံသာရပ်ကွက်တွင် ယနေ့ ဇွန်လ ၁ ရက်၊ နံနက်ပိုင်းက မော်တော်ဆိုင်ကယ် ခိုးယူလာသူ ၂ ဦးကို သက်သေခံဆိုင်ကယ်နှင့်အတူ ဖမ်းဆီးရမိခဲ့ကြောင်း သိရသည်။

.

.

တောင်ကြီးမြို့၊ ကံသာရပ်ကွက်၊ မေတ္တာရှင်လမ်းမပေါ်တွင် ယနေ့ ဇွန်လ ၁ ရက်၊ နံနက်ပိုင်းက အမျိုးသား နှစ်ဦး မောင်းနှင်လာသည့် မသင်္ကာဖွယ်ရာ သော့မပါ ဆိုင်ကယ်တစ်စီးကို ရဲတပ်ဖွဲ့မှ ရပ်တန့်စစ်ဆေးရာမှ ခိုးမှု ပေါ်ပေါက်ခဲ့ခြင်းဖြစ်ကြောင်း သိရသည်။

.

စစ်ဆေးပေါ်ပေါက်ချက်အရ ဆိုင်ကယ်မောင်းနှင်သူ ကိုကိုလတ် နှင့် နောက်မှ လိုက်ပါစီးနင်းလာသူ ကိုကိုဦး တို့သည် ဆိုင်ကယ်နှင့် ပတ်သက်သည့် ပိုင်ဆိုင်မှုအထောက်အထား တစ်စုံတစ်ရာ မပြသနိုင်ဘဲ အဆိုပါ မော်တော်ဆိုင်ကယ်အား ယမန်နေ့ မေလ ၃၁ ရက်၊ ညပိုင်းက တောင်ကြီးမြို့၊ ရေအေးကွင်းရပ်ကွက်၊ ရေထွက်ဦးလမ်းရှိ စတိုးဆိုင် တစ်ခုမှ ခိုးယူခဲ့ခြင်းဖြစ်ကြောင်း စစ်ဆေးပေါ်ပေါက်ခဲ့ခြင်းဖြစ်သည်။

.

အဆိုပါ ဆိုင်ကယ်ခိုးယူမှုနှင့် ပတ်သက်၍ ကိုကိုလတ်နှင့် ကိုကိုဦး ဆိုသူတို့ ၂ ဦးအား အမှုဖွင့်အရေးယူနိုင်ရေး စီစဉ်ဆောင်ရွက်လျက်ရှိကြောင်း သိရသည်။

.

#ShanGazette #Taunggyi #Crime

.