🌸 တောင်ကြီးမြို့နယ်၊ သင်္ဘောကျေးရွာ မင်္ဂလာစေတီတော် ဗုဒ္ဓပူဇနိယပွဲတော် ကျင်းပ

.

တောင်ကြီး၊ ဧပြီ ၂၆

.

တောင်ကြီးမြို့နယ်၊ ဘန့်ကွေးကျေးရွာအုပ်စု၊ သင်္ဘောကျေးရွာရှိ မင်္ဂလာစေတီတော်မြတ်ကြီး ပြန်လည် ပြုပြင်မွမ်းမံခြင်းနှင့် ဗုဒ္ဓပူဇနိယပွဲတော်ကို ယနေ့ ဧပြီလ ၂၆၊ နံနက်ပိုင်းက အဆိုပါ စေတီတော်တွင် ကျင်းပပြုလုပ်ခဲ့ကြောင်း သိရသည်။

.

.

အခမ်းအနားတွင် ဘုရားဒါယကာ ဦးလှဌေး+ဘုရားဒါယိကာမ နန်းခမ်းအေး (ပအိုဝ်းမ အိမ်ခြံမြေ ရောင်းဝယ်ရေး) မိသားစုနှင့် သင်္ဘောရွာသူ/ရွာသား၊ ရပ်နီးရပ်ဝေး ခုနစ်ရက်သားသမီးအလှူရှင်တို့က ဘုရားဆင်းတုတော်ကို ပင့်ဆောင်ပူဇော်ပြီး စေတီတော်မြတ်ကြီးအား ဗုဒ္ဓါဘိသေကအနေကဇာ တင်လှူပူဇော်ခြင်း၊ နှစ်သစ်မင်္ဂလာ တရားတော်နာယူခြင်း၊ ဘုရားရင်ပြင်တော် နိမိတ်ကြီး(၄)ပါး အုတ်တံတိုင်းများ ပြန်လည်ပြုပြင်ခြင်း၊ အသစ်တည်ဆောက်ခြင်း စသည့်ကုသိုလ်ကောင်းမှုများ၏ အဖို့ဘာဂကို ရေစက်သွန်းချ အမျှပေးဝေခဲ့ကြောင်း သိရသည်။

.

ထို့နောက် ဆရာတော်၊ သံဃာတော်များအား ဆွမ်းဆက်ကပ်လှူဒါန်းပြီး တရားတော်နာယူခဲ့ကြကြောင်း သိရသည်။

.

အဆိုပါ မင်္ဂလာစေတီကို ကောဇာသက္ကရာဇ် ၁၃၂၃ ခုနှစ်မှ ၁၃၂၅ ခုနှစ်အထိ အလှူရှင်တစ်ဦးက ပထမ အကြိမ် ပြုပြင်မွမ်းမံခဲ့ပြီး ယခု အခါ အလှူဒါယကာ ဦးလှဌေး + အလှူဒါယိကာမ ဒေါ်နန်းခမ်းအေး “ပအိုဝ်းမ အိမ်ခြံမြေ မိသားစု” တို့က အလှူတော်ငွေကျပ် သိန်း ၂၃၀၀ အကုန်အကျခံ၍ ဒုတိယအကြိမ် ပြန်လည်ပြုပြင်မွမ်းမံခြင်းဖြစ်ကြောင်း သိရသည်။

.

#ShanGazette #Taunggyi

.