🌸 တာချီလိတ်မြို့နယ်တွင် မူးယစ်ဆေးသယ်ဆောင်သူ အုပ်စုကို ပစ်ခတ်ဖမ်းဆီး

.

🌸 ငွေကျပ်သိန်းပေါင်း ၆ သောင်းကျော်တန်ဖိုးရှိ မူးယစ်ဆေးဝါးများ ဖမ်းမိ

.

တာချီလိတ်၊ ဇန်နဝါရီ ၃၀

.

ရှမ်းပြည်နယ်အရှေ့ပိုင်း၊ တာချီလိတ်မြို့နယ်တွင် ယမန်နေ့ ဇန်နဝါရီလ ၂၉ ရက်၊ ညနေပိုင်းက မူးယစ် ဆေးဝါး သယ်ဆောင်သူအုပ်စုတစ်စုကို ပစ်ခတ်ဖမ်းဆီးစဉ် တစ်ဦးကို ဖမ်းမိပြီး စုစပေါင်း တန်ဖိုး ငွေကျပ် သိန်း ၆၀၀၆၀ သိန်းတန်ဖိုးရှိ မူးယစ်ဆေးဝါးများနှင့် ပစ္စတိုသေနတ်တစ်လက်၊ ကျည် ၁၄ တောင့်တို့ကို ဖမ်းဆီးရမိခဲ့ကြောင်း သိရသည်။

.

.

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ ယမန်နေ့ ဇန်နဝါရီလ ၂၉ ရက်၊ ညနေ ၄ နာရီခန့်တွင် တာချီလိတ်မြို့နယ်၊ ဆီဝန်းထောင်းကျေးရွာအနီး ရာဘာခြံအတွင်း အနောက်တောင်ဘက် ၅ မိုင်ခန့် အကွာတို့တွင် အဖွဲ့ငယ်များဖွဲ့၍ နေရာဖြန့်ခွဲကာ ကင်းပုန်းဝပ်စောင့်ဆိုင်းနေစဉ် ဆီဝန်းထောင်းကျေးရွာဘက်မှ ကျောပိုးအိတ်များ သယ်ဆောင်လာသည့် မသင်္ကာဖွယ် လူ ၁၀ ဦးခန့်အား တွေ့ရှိသဖြင့် စစ်ဆေးရန်အတွက် ရပ်တန့်ခိုင်းစဉ် ရပ်တန့် ခြင်းမရှိဘဲ ၎င်းတို့ဘက်မှ သေနတ်များဖြင့် စတင်ပစ်ခတ်ခဲ့သောကြောင့် အနီးကပ်နေရာတွင် အသင့်ရှိသော ပူးပေါင်းအဖွဲ့များနှင့် ပစ်ခတ်မှုဖြစ်ပွားခဲ့ကြောင်း သိရသည်။

🌸 မိုင်းဖုန်းဆရာတော် သာသနာပြုခရီးစဉ် ကြွချီမည်

.

တောင်ကြီး၊ ဇန်နဝါရီ ၂၉

.

မိုင်းဖုန်းဆရာ‌တော်ကြီးသည် ပြည်တွင်းသာသနာပြုခရီးစဉ်အဖြစ် ရှမ်းပြည်နယ်နှင့် ရန်ကုန်၊ နေပြည်တော်၊ မန္တလေးသို့ ကြွရောက်သွားမည်ဖြစ်ကြောင်း သိရသည်။

.

.

ဖေဖော်ဝါရီလ ၂ ရက်တွင် စတင်မည့် မိုင်းဖုန်းဆရာတော်ကြီး၏ ခရီးစဉ်အစတွင် မိုင်းဖုန်းမှစတင်ထွက်ခွာပြီး မိုင်းပန်မြို့၌ တစ်ညအနားယူကျိန်းစက်အနားယူကာ ဖေဖော်ဝါရီ ၃ ရက်တွင် ကွန်ဟိန်းမြို့သို့ ဆက်လက် ကြွရောက်ပြီး နှစ်ညအနားယူကျိန်းစက်မည်ဖြစ်ကြောင်း သိရသည်။

🌸 ထိုင်းလေတပ်မှ လေယာဉ်တစ်စီး ချင်းမိုင်တွင်ပျက်ကျပြီး နှစ်ဦး သေဆုံး

.

ဘန်ကောက်၊ ဇန်နဝါရီ ၂၉

.

တော်ဝင်ထိုင်းလေတပ် (RTAF) မှ Beechcraft AT-6TH တိုက်လေယာဉ်တစ်စီးသည် ယနေ့ ဇန်နဝါရီလ ၂၉ ရက်၊ နံနက်ပိုင်းက ထိုင်းနိုင်ငံတောင်ပိုင်း၊ ချင်းမိုင်ခရိုင်တွင် ပျက်ကျခဲ့ပြီး လောယာဉ်ပေါ်ပါ လေယာဉ်မှူး နှစ်ဦး သေဆုံးခဲ့ကြောင်း သိရသည်။

.

.

တိုက်လေယာဉ်ငယ်သည် ချွမ်သောင်ခရိုင်၊ ဟွေးမြောင်ဖန်ဆိုင်းရွာရှိ တောအုပ်တစ်ခုတွင် လေ့ကျင့်ပျံသန်းနေစဉ် ပျက်ကျခဲ့ခြင်းဖြစ်ကြောင်း Bangkok Post သတင်းတွင် ဖော်ပြထားသည်။

🌸 လားရှိုးတွင် ဘုန်းတော်ကြီးတစ်ပါး ဓါးခုတ်ခံရပြီး ပျံလွန်

.

လားရှိုး၊ ဇန်နဝါရီ ၂၈

.

ရှမ်းပြည်နယ်မြောက်ပိုင်း၊ လားရှိုးမြို့၊ ဗောဓာရုံဘုန်းတော်ကြီးကျောင်းတွင် ယနေ့ ဇန်နဝါရီလ ၂၈ ရက်၊ နံနက်ပိုင်းက သက်တော် ၅၆ နှစ် အရွယ် ဘုန်းတော်ကြီးတစ်ပါး ဓါးခုတ်ခံရပြီး ပျံလွန်တော်မူခဲ့ကြောင်း သိရသည်။

.

.

လားရှိုးမြို့၊ ရပ်ကွက် (၄)ရှိ ဗောဓာရုံဘုန်းတော်ကြီးကျောင်းတွင် သီတင်းသုံးနေသော ဆရာတော် ဦးကုသလ ကို ယနေ့ ဇန်နဝါရီလ ၂၈ ရက်၊ နံနက် ၆ နာရီခွဲခန့်က ၎င်းနေထိုင်သီတင်းသုံးသည့် အဆောင်လှေကားရင်း တွင် သွေးအိုင်အတွင်း လဲကျနေသည်ကို တွေ့ရှိခဲ့ရခြင်းဖြစ်ကြောင်း သိရသည်။

🌸 တောင်ကြီးမြို့ City Square ဆိုင်ကယ်ရပ်နားခကောက်ခံမှုအပေါ် ပြည်သူများဝေဖန်

.

တောင်ကြီး၊ ဇန်နဝါရီ ၂၈

.

ရှမ်းပြည်နယ်မြို့တော် တောင်ကြီးမြို့လယ်ရှိ City Square ဈေးဝယ်စင်တာ ပတ်လည်တွင် မော်တော်ဆိုင်ကယ် ယာဉ်ရပ်နားခကောက်ခံမှုနှင့်ပတ်သက်၍ မြို့ပေါ်နေ ပြည်သူများအကြား ဝေဖန်မှုများ ရှိနေကြောင်း သိရသည်။

.

.

ယခင်က မော်တော်ဆိုင်ကယ်တစ်စီးလျှင် ရပ်နားခ ၅၀၀ ကျပ်သာ ပေးရသော်လည်း လွန်ခဲ့သည့် ၂ လခန့် မှစတင်ကာ ရပ်နားခအဖြစ် တစ်စီးလျှင် ၁၀၀၀ ကျပ် ကောက်ခံနေပြီး ပျောက်ဆုံးပျက်စီးမှုနှင့် ပတ်သက်၍ မည့်သည့် တာဝန်ယူ တာဝန်ခံမှု မရှိကြောင်း မြို့ခံများက ဝေဖန်ပြောဆိုနေကြခြင်းဖြစ်သည်။

🌸 မြန်မာနိုင်ငံတွင် နီပါးရ်ဗိုင်းစပ် ကူးစက်ဖြစ်ပွားမှု မတွေ့ရှိသေး

.

တောင်ကြီး၊ ဇန်နဝါရီ ၂၇

.

မြန်မာနိုင်ငံတွင် ယနေ့အချိန်အထိ နီပါးရ်ဗိုင်းရပ်စ် ကူးစက်ဖြစ်ပွားမှုကို မတွေ့ရှိရသေးသော်လည်း ရောဂါပိုး မူလလက်ခံကောင်ဖြစ် လင်းနို့မျိုးစိတ်များ တည်ရှိရာဒေသဖြစ်သည့်အပြင် ကူစက်မှုဖြစ်ပွားသည့် ဒေသတွင်း နိုင်ငံများနှင့် နယ်နိမိတ်ချင်း ထိစပ်နေသည့်အတွက် နီပါးရ်ဗိုင်းရပ်စ်ရောဂါ စောင့်ကြပ်ကြည့်ရှုခြင်းလုပ်ငန်း ကို အထူးအလေးထား ဆောင်ရွက်လျက်ရှိကြောင်း ကျန်းမာရေးဝန်ကြီးဌာနက ယနေ့ ဇန်နဝါရီလ ၂၇ ရက်တွင် ထုတ်ပြန်ထားသည်။

.

.

နီပါးရ်ဗိုင်းရပ်စ်ရောဂါအပါအဝင် ကူးစက်ရောဂါများကြောင့် ဖြစ်ပွားတတ်သော လတ်တလော ဦးနှောက်ရောင် ရောဂါလက္ခဏာစု စောင့်ကြပ်ကြည့်ရှုခြင်းနှင့် ပြင်းထန်အသက်ရှူလမ်းကြောင်းဆိုင်ရာ ရောဂါ စောင့်ကြည့်ခြင်းလုပ်ငန်းများကို ဆေးရုံ၊ ဆေးခန်း၊ ကျန်းမာရေးဌာနများတွင် ပုံမှန်ဆောင်ရွက်လျက် ရှိကြောင်း ကျန်းမာရေးဝန်ကြီးဌာန၏ ထုတ်ပြန်ချက်တွင် ဖော်ပြထားသည်။

🌸 တောင်ကြီးမြို့၊ ကျောင်းကြီးစုရပ်ကွက်မှ ပျောက်ဆုံးနေသောကလေးငယ် ပြန်တွေ့

.

တောင်ကြီး၊ ဇန်နဝါရီ ၂၆

.

တောင်ကြီးမြို့၊ ကျောင်းကြီးစုရပ်ကွက်၊ ဝါးပြားနယ်မြေ၊ စမ်းရေတွင်းလမ်းအတွင်းမှ ပျောက်ဆုံးနေသည့် အသက် ၁၀ နှစ်အရွယ်ခန့် ကလေးငယ်ကို ယနေ့ ဇန်နဝါရီလ ၂၆ ရက်၊ ညနေပိုင်းတွင် ပြန်တွေ့ပြီ ဖြစ်ကြောင်း သိရသည်။

.

.

အဆိုပါ ကလေးငယ်ကို တစ်ရပ်ကွက်တည်းနေ သူငယ်ချင်း ကလေးငယ်တစ်ဦးက ကံကြီးရပ်ကွက် ဘက်သို့ ခေါ်ဆောင်သွားခဲ့ပြီးနောက် ၎င်းကို ယင်းနေရာတွင် ချန်ထားရစ်ခဲ့ကာ ယနေ့တွင်မှ နေအိမ်သို့ တိတ်တဆိတ် ပြန်လည် ပို့ဆောင်ထားပေးခြင်းဖြစ်ကြောင်း သိရသည်။

🌸 တောင်ကြီးမြို့၊ မြကန်သာပန်းခြံအတွင်း ဆိုင်ကယ်ခိုးယူခံရမှုများ မကြာခဏ ဖြစ်ပွားနေ

.

တောင်ကြီး၊ ဇန်နဝါရီ ၂၆

.

တောင်ကြီးမြို့၏ အထင်ကရနေရာတစ်ခုဖြစ်သည့် မြကန်သာပန်းခြံတွင် အပန်းပြေလာရောက် လည်ပတ် သူများ၏ မော်တော်ဆိုင်ကယ်များ ခိုးယူခံရမှု မကြာခနဖြစ်ပွားနေကြောင်း သိရသည်။

.

.

မော်တော်ဆိုင်ကယ် ခိုးယူသူများသည် ပန်းခြံအတွင်းရှိ ဆိုင်ကယ်အပ်နှံသည့်နေရာတွင် အခကြေးငွေပေး၍ အပ်နှံထားသည့် ဆိုင်ကယ်များကိုပါ ခိုးယူနေခြင်းဖြစ် ကြောင်းသိရသည်။

🌸 အောင်ပန်းမြို့၊ သစ္စာမဂ္ဂင်ရွှေစေတီနှင့် မဟာရွှေဘုရင်ဘုရားကြီး ဗုဒ္ဓပူဇနိယပွဲတော် ကျင်းပမည်

.

အောင်ပန်း၊ ဇန်နဝါရီ ၂၆

.

ရှမ်းပြည်နယ်တောင်ပိုင်း၊ ကလောခရိုင်၊ ကလောမြို့နယ်၊ အောင်ပန်းမြို့ရှိ သစ္စာမဂ္ဂင်စေတီတော်နှင့် မဟာ ရွှေဘုရင်ဘုရားကြီး၏ ဆဋ္ဌမအကြိမ်မြောက် ဗုဒ္ဓပူဇနိယပူဇော်ပွဲကို အဆိုပါ စေတီတော်ဝင်းအတွင်း ကျင်းပ ပြုလုပ်သွားမည်ဖြစ်ကြောင်း သိရသည်။

.

.

ဗုဒ္ဓပူဇနိယပူဇော်ပွဲ အထိမ်းအမှတ်အဖြစ် အမျိုးသား/အမျိုးသမီး ဝိုင်းခြင်းအလှခတ်ပွဲနှင့် နိဗ္ဗာန်ဈေးပွဲတော် ကို ၁၃၈၇ ခုနှစ်၊ တပို့တွဲလပြည့်အဖိတ်နေ့၊ ၂၀၂၆ ခုနှစ်၊ ဇန်နဝါရီလ ၃၁ ရက်၊ စနေနေ့တွင် ပြုလုပ်သွားမည် ဖြစ်ပြီး နိဗ္ဗာန်ဈေးကို နေ့လယ် ၁ နာရီမှ ညနေ ၅ နာရီအထိ ပြုလုပ်သွားမည်ဖြစ်ကာ နိဗ္ဗာန်ဈေး ပြုလုပ် လိုသူများအနေဖြင့် မိမိအစီအစဉ်ဖြင့် ကျွေးမွေးဧည့်ခံနိုင်ကြောင်း သိရသည်။

🌸 “ဝ”ဒေသ၊ မိုင်းပေါက်မြို့တွင် လူသတ်ပြီး အသားကိုမီးကင်စား ဟူသောသတင်းမှာ မဟုတ်မှန် ဟုဆို

.

တောင်ကြီး၊ ဇန်နဝါရီ ၂၆

.

UWSA ထိန်းချုပ်ထားသည့် “ဝ” ဒေသ၊ မိုင်းပေါက်မြို့တွင် လူသတ်ပြီး အသားကို မီးကင်စားခဲ့သူအား ဖမ်းဆီးရမိခဲ့သည် ဟူသော သတင်းမှာ မဟုတ်မှန်ဘဲ လူသတ်ပြီး မီးရှို့ခဲ့ခြင်းသာ ဖြစ်သည်ဟု UWSA ပြင်ပဆက်သွယ်ရေးတာဝန်ခံ ဦးညီရမ်းက ၎င်း၏ လူမှုကွန်ရက်တွင် ပြန်လည်ရှင်းလင်းထားသည်။

.

.

“ဝ”ဒေသ၊ မိုင်းပေါက်မြို့တွင် ဖခင်ကို သတ်ဖြတ်ကာ မီးကင်စားခဲ့သူကို ဇန်နဝါရီလ ၂၃ ရက်၊ နံနက်ပိုင်းတွင် “ဝ” ရဲတပ်ဖွဲ့က ဖမ်းဆီးရမိခဲ့ကြောင်း ယမန်နေ့ ဇန်နဝါရီလ ၂၅ ရက်က သတင်းများ ပြန့်နှံ့ခဲ့ခြင်းဖြစ်သည်။

🌸 တောင်ကြီးတွင် ကလေးငယ်တစ်ဦး ပျောက်ဆုံးနေ

.

တောင်ကြီး၊ ဇန်နဝါရီ ၂၅

.

ရှမ်းပြည်နယ်မြို့တော်၊ တောင်ကြီးမြို့တွင်၊ ယမန်နေ့ ဇန်နဝါရီ ၂၄ ရက်က ကလေးအရွယ် ယောက်ျားလေး တစ်ဦး နေအိမ်မှပျောက်ဆုံးနေ ကြောင်းသိရသည်။

.

.

အဆိုပါကလေးငယ် ပျောက်ဆုံးနေမှုနှင့်ပတ်သက်၍ ကလေးငယ်၏ အဒေါ်တော်စပ်သူက ၎င်း၏ လူမှုကွန်ရက်စာမျက်နှာတွင် ရေးသားထားခြင်းဖြစ်သည်။

🌸 တောင်ကြီး-ဟိုပုံးလမ်းတွင် ဆီဘောက်ဆာတွဲယာဉ် တိမ်းမှောက်

.

တောင်ကြီး၊ ဇန်နဝါရီ ၂၅

.

ရှမ်းပြည်နယ်တောင်ပိုင်း၊ တောင်ကြီးမြို့နယ်၊ တောင်ကြီး-ဟိုပုံးသွား ပြည်ထောင်စု လမ်းမကြီးတွင် ယမန်နေ့ ဇန်နဝါရီလ ၂၄ ရက်၊ ညနေပိုင်းက ဆီဘောက်ဆာ တွဲယာဉ်တစ်စီး တိမ်းမှောက်မှု ဖြစ်ပွားခဲ့ကြောင်း သိရသည်။

.

.

တောင်ကြီးမြို့နယ်၊ န့်ဆီးကျေးရွာအုပ်စု၊ ရတနာဥယျာဉ်ရွာ၊ တောင်ကြီး-ဟိုပုံးသွား ပြည်ထောင်စုလမ်းမကြီး မိုင်တိုင်အမှတ် (၁၂၀/၃) နှင့် (၁၂၀/၄) အကြားတွင် ယမန်နေ့ ဇန်နဝါရီလ ၂၄ ရက်၊ ညနေ ၅ နာရီအချိန့်ခန့် က HINO အမျိုးအစား အဖြူရောင် ၂၂ ဘီး ဆီဘောက်ဆာ တွဲယာဉ်သည် အရှိန်မထိန်းနိုင်ဘဲ လမ်းညာဘက် သို့ တိမ်းမှောက်မှုဖြစ်ပွားခဲ့ခြင်းဖြစ်ကြောင်း သိရသည်။

🌸 မူဆယ်တွင် ငွေကျပ် သိန်း ၁၇၀၀ ကျော်တန်ဖိုးရှိ မူးယစ်ဆေးဝါးများ ဖမ်းမိ

.

မူဆယ်၊ ဇန်နဝါရီ ၂၁

.

ရှမ်းပြည်နယ်မြောက်ပိုင်း၊ မူဆယ်မြို့တွင် ယမန်နေ့ ဇန်နဝါရီလ ၂၀ ရက်၊ ညပိုင်းက ငွေကျပ် သိန်း ၁၇၀၀ ကျော် တန်ဖိုးရှိ မူးယစ်ဆေးဝါးများအား သယ်ဆောင်လာသူ ၂ ဦးနှင့်အတူ ဖမ်းဆီးရမိခဲ့ကြောင်း သိရသည်။

.

.

မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ယမန်နေ့ ဇန်နဝါရီလ ၂၀ ရက်၊ ည ၇ နာရီ ၄၀ မိနစ်ခန့်က မူဆယ်မြို့၊ စွမ်စော်ရပ်ကွက်၊ မူဆယ်-နမ့်ခမ်းသွား ကားလမ်းတွင် မော်တော်ယာဉ်များအား စစ်ဆေးရှာဖွေစဉ်နေစဉ် နော်ဆိုင်းအောင် မောင်းနှင်ပြီး တန်ဂွန်း လိုက်ပါလာသည့် TOYOTA LANDCRUISER အမျိုးအစား မော်တော်ယာဉ်အား ရပ်တန့်စစ်ဆေးရှာဖွေရာ ယာဉ်ပေါ်တွင် သိုဝှက်သယ်ဆောင်လာသော စိတ်ကြွရူးသွပ်ဆေးပြား ၃၁၅,၉၀၀ ပြား၊ ဒေသကာလ တန်ဖိုးငွကျပ် ၁,၅၇၉ ဒသမ ၅ သိန်းနှင့် ဘိန်းစိမ်း အလေးချိန် ၁၅ ကီလို၊ ဒေသကာလတန်ဖိုးငွကျပ် ၁၃၅ သိန်းတို့အား တွေ့ရှိသိမ်းဆည်းရမိခဲ့ခြင်းဖြစ်ကြောင်း သိရသည်။

🌸 တောင်ကြီးမြို့၊ အောင်မြေသစ်ကျောင်းမှ ရုတ်တရက် ကျောင်းပြောင်းလိုသူများကို Future Star ကိုယ်ပိုင်ကျောင်းက အခမဲ့ လက်ခံပေးမည်

.

တောင်ကြီး၊ ဇန်နဝါရီ ၂၀

.

တောင်ကြီးမြို့၊ သစ်တောရပ်ကွက်ရှိ အောင်မြေသစ် ကိုယ်ပိုင်ကျောင်းတွင် ဖြစ်ပွားခဲ့သော အမှုကိစ္စကြောင့် ရုတ်တရက် ကျောင်းပြောင်းလိုသည့် ကျောင်းသား/သူများအတွက် Future Star ကိုယ်ပိုင်ကျောင်းက အခမဲ့ လက်ခံပေးပြီး စာမေးပွဲဖြေဆိုနိုင်ရန် စီစဉ်ပေးသွားမည်ဖြစ်ကြောင်း သိရသည်။

.

.

ယခုအခါ အခြေခံပညာအဆင့် ကျောင်းသား/ကျောင်းသူများ အတွက် စာမေးပွဲဖြေဆိုရန်အချိန် နီးကပ်လာပြီ ဖြစ်သဖြင့် ကလေးများ အဆင်ပြေစေရန် ရည်ရွယ်၍ ဆောင်ရွက်ပေးခြင်းဖြစ်ကြောင်း သိရသည်။

🌸 တောင်ကြီး အမှတ် (၅) ဈေးအနီးတွင် ချောင်းသဲဖြင့် လမ်းခင်းထားမှုကြောင့် ဒေသခံများ အဆင်မပြေ ဖြစ်နေ

.

တောင်ကြီး၊ ဇန်နဝါရီ ၂၀

.

တောင်ကြီးမြို့၊ အမှတ် (၅) ဈေး၊ ဟင်းသီးဟင်းရွက်နှင့် သားငါးဈေး ‌တောင်ဘက်၊ နန်းသီတာလမ်း ပေါ်တွင် ချောင်းသဲများဖြင့် လမ်းခင်းထားမှုကြောင့် ဈေးရောင်း၊ ဈေးဝယ်သူများနှင့် ဒေသခံများအတွက် အဆင်မပြေ ဖြစ်ပေါ်နေရကြောင်း သိရသည်။

.

.

“အမှတ် (၅) ဈေးထဲမှာ သဲတွေ၊ ဖုန်တွေနဲ့။ ဟင်းသီးဟင်းရွက်တွေ၊ အားအသောက်တွေလည်း အကုန်လုံး ဖုန်တွေတက်၊ စားလို့မဖြစ်တော့ဘူး။ ဒီသဲမှုန့်တွေကြောင့် လူတွေ အဆုတ်ရောဂါ၊ မျက်စိရောဂါတွေ ဖြစ်မှာ စိုးရိမ်ရပါတယ်” ဟု အမှတ် (၅) ဈေးအတွင်း ဈေးရောင်းချနေသူတစ်ဦးက ရှမ်းဂေဇက်သို့ ပြောသည်။

🌸 တောင်ကြီးမြို့၊ အောင်မြေသစ်ကိုယ်ပိုင်ကျောင်းတွင် ကျောင်းအုပ်၏သားက အဆောင်နေ ကျောင်းသူကို အဓမ္မပြုကျင့်မှု ဖြစ်ပွား

.

တောင်ကြီး၊ ဇန်နဝါရီ ၁၉

.

တောင်ကြီးမြို့၊ သစ်တောရပ်ကွက်ရှိ အောင်မြေသစ် ကိုယ်ပိုင်အထက်တန်းကျောင်းတွင် ကျောင်းအုပ်၏ သားဖြစ်သူက အဆောင်နေ Grade-12 ကျောင်းသူတစ်ဦးကို အဓမ္မပြုကျင့်မှု ဖြစ်ပွားခဲ့ကြောင်း သိရသည်။

.

.

အောင်မြေသစ်ကိုယ်ပိုင် အထက်တန်းကျောင်းတွင် ကျောင်းတက်နေသော Grade 12 ကျောင်းသူတစ်ဦး သည် ဇန်နဝါရီလ ၁၅ ရက်၊ နေ့လယ်ပိုင်းက ခေါင်းကိုက်သည်ဟုဆိုကာ ဆရာမထံခွင့်တောင်းပြီး အဆောင်၌ ပြန်နားနေစဉ် အဆိုပါကျောင်းမှ ကျောင်းအုပ်၏ သားဖြစ်သူ ဇာနည်သွေး ရောက်ရှိလာပြီး အလိုမတူဘဲ အဓမ္မပြုကျင့်မှု ဖြစ်ပွားခဲ့ခြင်းဖြစ်ကြောင်း သိရသည်။

🌸 ရှမ်းပြည်နယ်ပြန်/ဆက် ဦးစီးမှူး တာချီလိတ်မြို့ရှိ နေ့သစ်ရည်ညွှန်း စာကြည့်တိုက်အား ကြည့်ရှုစစ်ဆေး

.

တာချီလိတ်၊ ဇန်နဝါရီ ၁၈

.

ရှမ်းပြည်နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ပြည်နယ်ဦးစီးမှူး၊ ညွှန်ကြားရေးမှူး ဦးစိုးညွန့်ရွှေ သည် ယနေ့ ဇန်နဝါရီလ ၁၈ ရက်၊ နံနက်ပိုင်းက ရှမ်းပြည်နယ်အရှေ့ပိုင်း၊ တာချီလိတ်မြို့ရှိ နေ့သစ်ရည်ညွှန်း စာကြည့်တိုက် ဆောင်ရွက်ထားရှိမှု အခြေအနေအား သွားရောက်ကြည့်ရှုစစ်ဆေး ခဲ့ကြောင်း သိရသည်။

.

.

ထိုသို့ စစ်ဆေးရာတွင် ပြည်နယ်ဦးစီးမှူး၊ ညွှန်ကြားရေးမှူး ဦးစိုးညွန့်ရွှေက  တာချီလိတ်မြို့နယ် စာရေးဆရာ အသင်း ဥက္ကဋ္ဌ၊ နာယကများနှင့် ရင်းရင်းနှီးနှီးတွေ့ဆုံနှုတ်ဆက်ကာ မိတ်ဆက်စကား ပြောကြားခဲ့သည်။

🌸 လွိုင်လင်-နမ့်စန်လမ်းတွင် ခရီးသည်တင်ယာဉ် တိမ်းမှောက်ပြီး တစ်ဦး သေဆုံး

.

လွိုင်လင်၊ ဇန်နဝါရီ ၁၇

.

ရှမ်းပြည်နယ်တောင်ပိုင်း၊ နမ့်စန်မြို့နယ်၊ လွိုင်လင်-နမ့်စန် ပြည်ထောင်စုလမ်းမပေါ်တွင် ယနေ့ ဇန်နဝါရီလ ၁၇ ရက်၊ နံနက်ပိုင်းက ခရီးသည်တင်ယာဉ်တစ်စီး တိမ်းမှောက်ပြီး အမျိုးသားတစ်ဦး သေဆုံးမှု ဖြစ်ပွားခဲ့ကြောင်း သိရသည်။

.

.

နမ့်စန်မြို့နယ်၊ လွိုင်လင်-နမ့်စန် ပြည်ထောင်စုလမ်းမကြီး၊ မိုင်တိုင်အမှတ် (၁၇၇/၁) နှင့် (၁၇၇/၂) အကြား တွင် ယနေ့ ဇန်နဝါရီလ ၁၇ ရက်၊ နံနက် ၁၀ နာရီအချိန်ခန့်က ခရီးသည်တင်ယာဉ်တစ်စီး ချောက်ထဲထိုးကျ တိမ်းမှောက်ခဲ့ခြင်းဖြစ်ကြောင်း သိရသည်။

🌸 အဆိုတော် ရှင်မင်းမြတ် မူဆယ်တွင် ပြန်ပေးဆွဲ နှိပ်စပ်ခံရပြီး ငွေကျပ် သိန်း ၃၀၀၀ ကျော် ပေးခဲ့ရ

.

တောင်ကြီး၊ ဇန်နဝါရီ ၁၆

.

ရန်ကုန်မြို့မှ အဆိုတော် ရှင်မင်းမြတ်နှင့် မိတ်ဆွေတစ်ဦး မူဆယ်မြို့နယ်တွင် ပြန်ပေးဆွဲ နှိပ်စက်ခံရပြီး ငွေကျပ် သိန်း ၃၀၀၀ ကျော် ပေး၍ ပြန်လည်လွတ်မြောက်ခဲ့ရကြောင်း သိရသည်။

.

.

အဆိုတော် ရှင်မင်းမြတ်နှင့် မိတ်ဆွေတစ်ဦးသည် မင်္ဂလာဆောင်တစ်ခုသို့ ဖိတ်ကြားချက်အရ ဇန်နဝါရီ ၄ ရက်တွင် လောယဉ်ဖြင့် မန္တလေးမြို့သို့ သွားရောက်ခဲ့ပြီး ဇန်နဝါရီလ ၅ ရက်၊ နံနက်ပိုင်းတွင် မူဆယ်မြို့သို့ ကားဖြင့် ဆက်လက်သွားရောက်ခဲ့ပြီး ယင်းနေ့ညပိုင်းတွင် ပွဲပြုလုပ်မည့်နေရာကို သွားရောက်ကြည့်ရှုရာ လူ ၄ ဦးက ခေါင်းစွပ်စွပ်၊ လက်ထိပ်ခတ်ကာ ကျားဖြန့်လုပ်ငန်းခွင်တစ်ခုသို့ ကားဖြင့် ဖမ်းဆီးခေါ်ဆောင် သွားခဲ့ခြင်း ဖြစ်ကြောင်း သိရသည်။

🌸 တောင်ကြီးမြို့ရှောင်လမ်းတွင် ကုန်တင်ယာဉ်ရပ်နားစခန်း တည်ဆောက်မည်

.

တောင်ကြီး၊ ဇန်နဝါရီ ၁၅

.

ရှမ်းပြည်နယ်တောင်ပိုင်း၊ တောင်ကြီးမြို့နယ်၊ ထီဖောင်းကျေးရွာအုပ်စု၊ တောင်ကြီးမြို့ရှောင်လမ်းဘေးတွင် ကုန်တင်ယာဉ်ရပ်နားစခန်း တည်ဆောက်သွားမည်ဖြစ်ကြောင်း သိရသည်။

.

.

တောင်ကြီးမြို့နယ်၊ ထီဖောင်းကျေးရွာအုပ်စု၊ မြို့ရှောင်လမ်းဘေးရှိ မြေဧရိယာ ၁၉ ဒသမ ၈ ဧကပေါ်တွင် ကုန်တင်ယာဉ်ရပ်နားစခန်း တည်ဆောက်ရန် စိတ်ဝင်စားမှု အဆိုပြုလွှာများကို ရှမ်းပြည်နယ်စည်ပင် သာယာရေးဌာနက ဒုတိယအကြိမ် ခေါ်ယူထားခြင်းဖြစ်ကြောင်း သိရသည်။

🌸 ထိုင်းနိုင်ငံတွင် ဆောက်လုပ်ရေးကရိန်းတစ်ခု ထပ်မံပြိုကျပြီး ၂ ဦး သေဆုံး

.

တောင်ကြီး၊ ဇန်နဝါရီ ၁၅

.

ထိုင်းနိုင်ငံ၊ စမုတ်စခွန်ပြည်နယ်၊ ရာမ-၂ လမ်းပေါ်တွင် ယနေ့ ဇန်နဝါရီလ ၁၅ ရက်၊ နံနက် ၉ နာရီခွဲ ခန့်က ဆောက်လုပ်ရေးကရိန်းတစ်ခု ထပ်မံပြိုကျမှုဖြစ်ပွားခဲ့ပြီး ယာဉ် ၂ စီးပိမိကာ လူ ၂ ဦး သေဆုံးခဲ့ကြောင်း သိရသည်။

.

.

ယင်းမတော်တဆမှုသည် Tha Chin မြစ်အနီးရှိ ချဉ်းကပ်လမ်းမရောက်မီ ရာမ-၂ လမ်းတွင် ဖြစ်ပွားခဲ့ခြင်း ဖြစ်ကြောင်း သိရသည်။

🌸 တောင်ကြီးတွင် ဖုန်းဆိုင် မီးလောင်မှုဖြစ်ပွား

.

တောင်ကြီး၊ ဇန်နဝါရီ ၁၃

.

ရှမ်းပြည်နယ်တောင်ပိုင်း၊ တောင်ကြီးမြို့၊ အနောက်မြို့ပတ်လမ်း၊ ရတနာသီရိရပ်ကွက်ရှိ ဖုန်းနှင့် ဖုန်းအပို ပစ္စည်းအရောင်းဆိုင်တစ်ခုတွင် ယနေ့ ဇန်နဝါရီလ ၁၃ ရက်၊ နေ့လယ်ပိုင်းက မီးလောင်မှုဖြစ်ပွားခဲ့ကြောင်း သိရသည်။

.

.

ရတနာသီရိရပ်ကွက်၊ အနောက်မြို့ပတ်လမ်း၊ သုံးလမ်းဆုံအနီးရှိ Cover Star ဖုန်းနှင့် ဖုန်းအပိုပစ္စည်း အရောင်းဆိုင်တွင် ယနေ့ ဇန်နဝါရီလ ၁၃ ရက်၊ နေ့လယ် ၁၁ နာရီခွဲခန့်က မီးလောင်မှုဖြစ်ပွားခဲ့ခြင်း ဖြစ်ကြောင်း သိရသည်။

🌸 တောင်ကြီးဂေါက်ကလပ် ရွှေ့ပြောင်းမည်ဟူသောသတင်းမှာ မဟုတ်မှန် ဟုဆို

.

တောင်ကြီး၊ ဇန်နဝါရီ ၁၀

.

ရှမ်းပြည်နယ်မြို့တော်၊ တောင်ကြီးမြို့ပေါရှိ တောင်ကြီးဂေါက်ကလပ်ကို မြို့ပြင်သို့ ပြောင်း‌ရွှေ့ရမည် ဟူသောသတင်းမှာ မဟုတ်မှန်ကြောင်း အဆိုပါဂေါက်က်လပ်က ယနေ့ ဇန်နဝါရီလ ၁၀ ရက်တွင် ထုတ်ပြန်ထားသည်ဟု သိရသည်။

.

.

တောင်ကြီးဂေါက်ကလပ် အလုပ်အမှုဆောင်အဖွဲ့ အတွင်းရေးမှူး ဦးခင်မောင်သက်ချိုဦး ထုတ်ပြန်ထားသည့် အဆိုပါ ထုတ်ပြန်စာတွင် တောင်ကြီးဂေါက်ကလပ်ကို ရွှေ့ပြောင်းရန်မှာ လုံးဝမဖြစ်နိုင်သလို အစိုးရအဖွဲ့၏ လမ်းညွှန်ချက်လည်း လုံးဝမရှိကြောင်း၊ တောင်ကြီးဂေါက်ကလပ် အလုပ်အမှုဆောင်အဖွဲ့ အနေဖြင့်လည်း ဂေါက်ကွင်း အမှုဆောင်အဖွဲ့က ဂေါက်ကွင်းကြီး ရေရှည်တည်တံ့ခိုင်ရေးနှင့် အသင်းဝင်များ စိတ်အေး ချမ်းသာ လွတ်လပ်ပျော်ရွှင်စွာ ဂေါက်သီးရိုက်ကစားနိုင်ရေးအတွက် အကောင်းဆုံးဖြစ်အောင် ဆက်လက် ကြိုးပမ်း အဆင့်မြှင့်တင် ဆောင်ရွက်ပေးသွားမည်ဖြစ်ကြောင်း ဖော်ပြပါရှိသည်။

🌸 တောင်ကြီးမြို့၊ တောင်ကြားဆက်သွယ် ရွှေရည်အေးလမ်းတွင် လျှပ်စစ်မီးတိုင် တပ်ဆင်ပေးရန် ဒေသခံများ လိုလား

.

တောင်ကြီး၊ ဇန်နဝါရီ ၈

.

တောင်ကြီးမြို့ ဗိုလ်ချုပ်အောင်ဆန်းလမ်းနှင့် အနောက်မြို့ပတ်လမ်းတို့ကို ဆက်သွယ်ထားသည့် ရွှေရည်အေးလမ်း (တောင်ကြားလမ်း)တွင် ညပိုင်းအချိန် ဖြတ်သန်းသွားလာသူများ အန္တရာယ်ကင်းရှင်းစွာ သွားလာနိုင်ရန်အတွက် လျှပ်စစ်မီးတိုင်များ တပ်ဆင်ပေးရန်လိုအပ်နေကြောင်း ဒေသခံများထံက သိရသည်။

.

.

အဆိုပါရွှေရည်အေး တောင်ကြားလမ်းသည် စူဠာမုနိလောကချမ်းသာစေတီအနောက်ဘက်၊ ပြည်နယ်မီးသတ်ရုံးရှေ့မှ အနောက်မြို့ပတ်လမ်း၊ လန်ဒန်တိုက်လမ်းဆုံသို့ ဆက်သွယ်ဖောက်လုပ်ထားသည့် လမ်းဖြစ်ပြီး မြို့ပေါ်နေပြည်သူများ အသုံးပြုမှုများပြားသည့် လမ်းသွယ်တစ်ခုဖြစ်ကြောင်း သိရသည်။

🌸 တောင်ကြီးမြို့၊ ဗိုလ်ချုပ်ပန်းခြံအတွင်း လူနေဆိုင်ခန်း ဆောက်လုပ်မည့်ကိစ္စ ရှမ်းအစိုးရနှင့် စည်ပင် ခွင့်မပြု ဟုဆို

.

တောင်ကြီး၊ ဇန်နဝါရီ ၈

.

တောင်ကြီးမြို့၊ ဗိုလ်ချုပ်အောင်ဆန်းပန်းခြံအတွင်း လူနေဆိုင်ခန်း ဆောက်လုပ်မည့်စီမံကိန်းနှင့် ပတ်သက်၍ ရှမ်းပြည်နယ်အစိုးရအဖွဲ့နှင့် စည်ပင်သာယာရေးဌာနတို့က ခွင့်မပြုဘဲ အဆင့်မြင့်ပန်းခြံအဖြစ် ဖော်ဆောင် ပေးသွားမည်ဖြစ်ကြောင်း ခိုင်လုံသော သတင်းရင်းမြစ်များထံက သိရသည်။

.

.

ရှမ်းပြည်နယ်မြို့တော်၊ တောင်ကြီးမြို့ပေါ်ရှိ အများပြည်သူ အနားယူအပန်းဖြေရာ အထင်ကရနေရာတစ်ခု ဖြစ်သော ဗိုလ်ချုပ်အောင်ဆန်းပန်းခြံအတွင်း လူနေဆိုင်ခန်းများ ဆောက်လုပ်ရန် စီစဉ်နေမှုအပေါ် ဒေသခံ ပြည်သူများ၏ ဝေဖန်မှုများ ထွက်ပေါ်လာပြီးနောက် ယခုကဲ့သို့ ခွင့်မပြုခြင်းဖြစ်ကြောင်း သိရသည်။

🌸 လားရှိုးပြည်သူ့ဆေးရုံတွင် နှုတ်ခမ်းကွဲ၊ အာခေါင်ကွဲလူနာများနှင့် သက်ကြီးဘိုးဘွားများအား အခမဲ့ ကုသပေးမည်

.

လားရှိုး၊ ဇန်နဝါရီ ၇

.

ရှမ်းပြည်နယ်မြောက်ပိုင်း၊ လားရှိုးမြို့၊ ပြည်သူ့ဆေးရုံကြီးတွင်နှုတ်ခမ်းကွဲ၊ အာခေါင်ကွဲလူနာများနှင့် သက်ကြီး ဘိုးဘွားများအား အခမဲ့ ကုသမှုများ ဆောင်ရွက်ပေးသွားမည်ဖြစ်ကြောင်း သိရသည်။

.

.

ကျန်းမာရေးဝန်ကြီးဌာန၊ ကုသရေးဦးစီးဌာနနှင့် ရှမ်းပြည်နယ် (မြောက်ပိုင်း) ကုသရေးဦးစီးဌာနတို့ ပူးပေါင်း ဆောင်ရွက်မည့် အဆိုပါ အစီအစဉ်တွင် နှုတ်ခမ်းကွဲ၊ အာခေါင်ကွဲလူနာများအား ခွဲစိတ်ကုသပေးခြင်း၊ သက်ကြီးဘိုးဘွားများအား သွားတုတပ်ဆင်ပေးခြင်း၊ သွားနှင့်ခံတွင်းကျန်းမာ‌ရေး စောင့်ရှောက်ပေးခြင်း များကို ဇန်နဝါရီလ ၁၅ ရက်နေ့မှ ၁၈ ရက်နေ့အထိ အခမဲ့ကုသဆောင်ရွက်ပေးမည်ဖြစ်ကြောင်း သိရသည်။

🌸 ပင်းတယတွင် အသက် ၈၆ နှစ်အရွယ် အဖိုးအိုတစ်ဦး ပျောက်ဆုံးနေ

.

ပင်းတယ၊ ဇန်နဝါရီ ၇

.

ရှမ်းပြည်နယ်တောင်ပိုင်း၊ ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့နယ်၊ သရက်ကုန်းတောင် ကျေးရွာနေ အသက် ၈၆ နှစ်အရွယ် အဖိုးအိုတစ်ဦး ပျောက်ဆုံးနေပြီး မိသားစုများက ပြန်လည်ရှာဖွေလျက်ရှိကြောင်း သိရသည်။

.

.

အဆိုပါ အဖိုး ဦးခင်မောင် ကို ယမန်နေ့ ဇန်နဝါရီလ ၆ ရက်၊ ညနေ ၄ နာရီခွဲအချိန်ခန့်က သရက်ကုန်းတောင် ကျေးရွာ ရေကန်အနီးတွင် နောက်ဆုံးတွေ့ရှိခဲ့ခြင်းဖြစ်ပြီး သားဖြစ်သူနှင့် မိသားစု၊ ဆွေမျိုးများက လိုက်လံ ရှာဖွေ ဆက်သွယ်နေသော်လည်း ယနေ့ ဇန်နဝါရီလ ၇ ရက်၊ ညနေပိုင်းအထိ ပြန်လည်တွေ့ရှိခြင်း မရှိသေး ကြောင်း သိရသည်။

🌸 တောင်ကြီးမြို့၊ ဗိုလ်ချုပ်ပန်းခြံအတွင်း လူနေဆိုင်ခန်းဆောက်လုပ်ရန် စီစဉ်နေ ဟုဆို

.

တောင်ကြီး၊ ဇန်နဝါရီ ၃

.

ရှမ်းပြည်နယ်မြို့တော်၊ တောင်ကြီးမြို့ပေါ်ရှိ အများပြည်သူ အနားယူအပန်းဖြေရာ အထင်ကရနေရာတစ်ခု ဖြစ်သော ဗိုလ်ချုပ်အောင်ဆန်းပန်းခြံအတွင်း လူနေဆိုင်ခန်းများ ဆောက်လုပ်ရန် စီစဉ်လျက်ရှိကြောင်း သိရသည်။

.

.

ဗိုလ်ချုပ်အောင်ဆန်းပန်းခြံ စည်ကားသာယာလှပစေရန်အတွက် ရှမ်းချယ်ရီတောင်တန်း ဆောက်လုပ်ရေး ကုမ္ပဏီက အဆိုပါ ပန်းခြံအတွင်း ၃ ထပ် လူနေဆိုင်ခန်းများ ဆောက်လုပ်ရန် တင်ပြထားခြင်းကို ပြန်လည် စိစစ်တင်ပြရန် ရှမ်းပြည်နယ်အစိုးရက စည်ပင်သာယာရေးဌာနသို့ ညွှန်ကြားထားခဲ့ခြင်းဖြစ်ကြောင်း လူမှု ကွန်ရက် စာမျက်နှာတွင် ပေါက်ကြားလာသော ရုံးစာတစ်စောင်အရ သိရသည်။