🌸 ကလောတွင် လွှတ်တော်ကိုယ်စားလှယ်များနှင့် မြို့မိမြို့ဖများ၊ ဌာနဆိုင်ရာများ တွေ့ဆုံ

.

ကလော၊ ဧပြီ ၂၅

.

ရှမ်းပြည်နယ်တောင်ပိုင်း၊ ကလောမြို့၊ မြို့တော်ခန်းမတွင် ယမန်နေ့ ဧပြီလ ၂၄ ရက်၊ မွန်းလွဲပိုင်းက လွှတ်တော် ကိုယ်စားလှယ်များ၊ ဌာနဆိုင်ရာများ၊ မြို့မိမြို့ဖများ၊ ရပ်/ကျေးအုပ်ချုပ်ရေးမှူးများ တွေ့ဆုံပွဲ ပြုလုပ် ခဲ့ကြောင်း သိရသည်။

.

.

တွေ့ဆုံပွဲတွင် လွှတ်တော်ကိုယ်စားလှယ်များက လွှတ်တော်အတွေ့အကြုံများ၊ လက်ရှိနိုင်ငံရေး အခင်း အကျင်းများ၊ အစိုးရသစ်ဖွဲ့စည်းမှုတို့နှင့် ပတ်သက်ပြီး တက်ရောက်လာသူများကို ရှင်းလင်းတင်ပြ ခဲ့ကြောင်း သိရသည်။

.

ထို့နောက် ကလော ဒုတိယခရိုင် အုပ်ချုပ်ရေးမှူးနှင့် မြို့နယ်အုပ်ချုပ်ရေးမှူးတို့က အစိုးရသစ် ရက် ၁၀၀ တွင် ဒေသဖွံ့ဖြိုးရေးအတွက် ဦးစားပေးလုပ်ဆောင်မည့် လုပ်ငန်းများကို ရှင်းလင်းတင်ပြခဲ့ကြကြောင်း သိရသည်။

.

“ကလောမြို့နယ် ဖွံ့ဖြိုးတိုးတက်ရေးလုပ်ငန်းတွေ ဆောင်ရွက်ဖို့အတွက် တက်ရောက်လာတဲ့ ရပ်/ကျေး အုပ်ချုပ်ရေးမှူးတွေ၊ မြို့မိမြို့ဖတွေရဲ့ တင်ပြချက်တွေအပေါ်မှာ သက်ဆိုင်ရာ ဌာနအကြီးအကဲတွေက ပြန်လည်ရှင်းလင်းပြီး လွှတ်တော်ကိုယ်စားလှယ်တွေက ပေါင်းစပ်ညှိနှိုင်းခြင်း၊ လွှတ်တော်ကို တင်ပြဖို့ အချက်အလက် မှတ်တမ်းတင်ခြင်းတွေကို ဆောင်ရွက်ခဲပါတယ်” ဟု ကလောမြို့နယ် ပြည်သူ့လွှတ်တော်ကိုယ်စားလှယ် ဒေါက်တာ နန္ဒာလှမြင့် က ပြောသည်။

.

အဆိုပါ တွေ့ဆုံပွဲသို့ ကလောမြို့နယ် ကိုယ်စားပြု လွှတ်တော်ကိုယ်စားလှယ်များ ကလောခရိုင်နှင့် မြို့နယ်အဆင့်ဌာနဆိုင်ရာ အကြီးအကဲများ၊ မြို့မိမြို့ဖများ၊ ရပ်ကွက်/ကျေးရွာအုပ်စု အုပ်ချုပ်ရေးမှူးများ တက်ရောက်ခဲ့ကြကြောင်း သိရသည်။

.

#ShanGazette #KaLaw #Parliament

.