🌸 လားရှိုးတွင် လွှတ်တော်ကိုယ်စားလှယ်များရုံးခန်း ဖွင့်လှစ်

.

လားရှိုး၊ ဧပြီ ၂၅

.

ရှမ်းပြည်နယ်မြောက်ပိုင်း၊ လားရှိုးမြို့တွင် ယမန်နေ့ ဧပြီလ ၂၄ ရက်က လွှတ်တော်ကိုယ်စားလှယ်များရုံးခန်း ဖွင့်လှစ်ခဲ့ကြောင်း သိရသည်။

.

.

အဆိုပါ ရုံးခန်းတွင် အမျိုးသားလွှတ်တော် ကိုယ်စားလှယ် ဒေါက်တာကျော်ထွန်း၊ ပြည်သူ့လွှတ်တော် ကိုယ်စားလှယ် ဒေါက်တာမျိုးထွန်း အပါအဝင် ရှမ်းမြောက်ဒေသရှိ လွှတ်တော်ကိုယ်စားလှယ် စုစုပေါင်း ၁၁ ဦး ရုံးထိုင်ဆောင်ရွက်သွားမည်ဖြစ်ကြောင်း သိရသည်။

.

“မိမိတို့ လွှတ်တော်ကိုယ်စားလှယ်တွေ အနေနဲ့ ပြည်သူ့အကျိုးကို ဆောင်ရွက်ပေးကြဖို့ ပြည်သူတွေက ရွေးချယ်ပေးလိုက်ကြသူတွေ ဖြစ်ပါတယ်။ ပြည်သူတွေရဲ့ လိုလားချက် အခက်အခဲတွေကို ပေါင်းစပ် လုပ်ကိုင်ပေးကြမှာ ဖြစ်ပါတယ်။ ရှမ်းမြောက်မှာ နေထိုင်ကြတဲ့ ဒေသခံတွေအနေနဲ့ မိမိတို့ လွှတ်တော် ကိုယ်စားလှယ်ရုံးကို ဝင်ထွက်သွားလာကြဖို့ ဖိတ်ခေါ်ပါတယ်” ဟု လားရှိုးမြို့နယ် ပြည်သူ့လွှတ်တော် ကိုယ်စားလှယ် ဒေါက်တာ မျိုးထွန်းက ပြောသည်။

.

အဆိုပါ လွှတ်တော်ကိုယ်စားလှယ်များ ရုံးခန်းကို လားရှိုးမြို့၊ ကွတ်ခိုင်လမ်းမပေါ်ရှိ ပြည်ထောင်စုကြံ့ခိုင်ရေး နှင့် ဖွံ့ဖြိုးရေးပါတီရုံးဝင်းအတွင်း ဖွင့်လှစ်ထားကြောင်း သိရသည်။

.

#ShanGazette #Lashio #Parliament

.