🌸 တာချီလိတ် ဝမ်ကောင်းမြို့မဈေးတွင် ပလတ်စတစ်ညစ်ညမ်းမှု လျှော့ချရေး အသိပညာပေး လက်ကမ်းစာစောင် ဖြန့်ဝေ

.

တာချီလိတ်၊ ဇွန် ၁၈

.

ရှမ်းပြည်နယ်အရှေ့ပိုင်း၊ တာချီလိတ်မြို့၊ ဝမ်ကောင်းမြို့မဈေးတွင် ယနေ့ ဇွန်လ ၁၈ ရက်၊ နံနက်ပိုင်းက ပလတ်စတစ် ညစ်ညမ်းမှု လျှော့ချရေး အသိပညာပေး လက်ကမ်းစာစောင်များ ဖြန့်ဝေခဲ့ကြောင်း သိရသည်။

.

.

ထိုသို့ ဖြန့်ဝေရာတွင် တာချီလိတ်ခရိုင် ပတ်ဝန်းကျင်ထိန်းသိမ်းရေးဦးစီးဌာန ဦးစီးအရာရှိ ဒေါ်အေးဝင်းသူနှင့် ဝန်ထမ်းများ၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ မြို့နယ်ဦးစီးမှူးရုံးမှ လက်ထောက်ညွှန်ကြားရေးမှူး ဒေါ် နန့်ပေါ်လင်း၊ အထွေထွေအုပ်ချုပ်ရေးဦးစီးဌာန ဝန်ထမ်းများ၊ မြို့နယ်စည်ပင်သာယာရေးဌာနမှ ဝန်ထမ်းများ၊ ဝမ်ကောင်းရပ်ကွက်အုပ်ချုပ်ရေးမှူးနှင့်အဖွဲ့ဝင်များ ပူးပေါင်း၍ ဈေးရောင်း၊ ဈေးဝယ် ပြည်သူများအား ဈေးဝယ် ထွက်ရာတွင် လက်ဆွဲခြင်း၊ ထည့်စရာအိတ်များ ယူဆောင်အသုံးပြုကြရန် အသိပညာပေး ရှင်းလင်းပြောကြားခဲ့ကြောင်း သိရသည်။

.

ထို့အပြင် တစ်ခါသုံးပလတ်စတစ်အိတ်များ လျှော့ချအသုံးပြုနိုင်ရေးနှင့် ပတ်ဝန်းကျင်သန့်ရှင်းသာယာလှပ စေရေးအတွက်  ပလတ်စတစ်ညစ်ညမ်းမှုလျှော့ချရေး အသိပညာပေးလက်ကမ်းစာစောင်များနှင့် Recycled Bag ၁၅၀ တို့ကို အခမဲ့ဖြန့်ဝေပေးခဲ့ကြောင်း သိရသည်။

.

ပလတ်စတစ်အသုံးပြုမှုကြောင့် ဖြစ်ပေါ်လာသည့် ပတ်ဝန်းကျင်ညစ်ညမ်းမှုများကို လျှော့ချနိုင်စေရန်နှင့် ပြည်သူများအနေဖြင့် သဘာဝပတ်ဝန်းကျင် ထိန်းသိမ်းရေးတွင် ပူးပေါင်းပါဝင်လာစေရန် ရည်ရွယ်၍ ယင်းကဲ့သို့ အသိပညာပေး လက်ကမ်းစာစောင်များ ဖြန့်‌ဝေပေးခဲ့ခြင်းဖြစ်ကြောင်း သိရသည်။

.

#ShanGazette #Tachileik

.