🌸 တောင်ကြီး အထက (၁) ကျောင်းက သိမ်းဆည်းထားသော ဖုန်းနှင့် အခြားပစ္စည်းများအား မိဘများထံ ပြန်လည်ပေးအပ်

.

တောင်ကြီး၊ ဖေဖော်ဝါရီ ၂၈

.

ရှမ်းပြည်နယ်မြို့တော် တောင်ကြီးမြို့၊ အမှတ် (၁) အခြေခံပညာအထက်တန်းကျောင်းတွင် ကျောင်းသာများ ထံမှ သိမ်းဆည်းထားသည့် လက်ကိုင်ဖုန်းနှင့် အခြား ကျောင်းသားနှင့် မသက်ဆိုင်သည့် ပစ္စည်းများကို ယမန်နေ့ ဖေဖော်ဝါရီလ ၂၇ ရက်က မိဘအုပ်ထိန်းသူများထံ ပြန်လည်ပေးအပ်ခဲ့သည်ဟု သိရသည်။

.

.

ထိုသို့ ပေးအပ်ရာတွင် မိဘအုပ်ထိန်းသူများကို ခေါ်ယူတွေ့ဆုံပြီး အကြောင်းအရင်း ဖြစ်စဉ်များနှင့် ကျောင်းစည်းကမ်းပါ အချက်များကို ရှင်းလင်း ပြောကြားပြီး ဝန်ခံကတိဖြင့် ပြန်လည်ပေးအပ်ခဲ့ခြင်း ဖြစ်ကြောင်း သိရသည်။

🌸 ဟိုပုံးမြို့နယ်၊ လုံခုတ်ကျေးရွာအုပ်စုရှိ ကျူးကျော်နေထိုင်သူများကို အင်အားသုံး ဖယ်ရှားရှင်းလင်း သွားမည် ဟုဆို

.

ဟိုပုံး၊ ဖေဖော်ဝါရီ ၂၇

.

ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်၊ လုံခုတ်ကျေးရွာအုပ်စု အတွင်းရှိ ကျူးကျော်နေထိုင်သူများကို အင်အားသုံး ဖယ်ရှားရှင်းလင်း ဆောင်ရွက် သွားမည်ဟု ပအိုဝ်းကိုယ်ပိုင် အုပ်ချုပ်ခွင့်ရဒေသ ဦးစီးအဖွဲ့က အကြောင်းးကြားစာ ပေးပို့ထားကြောင်း သိရသည်။

.

.

လုံခုတ်ကျေးရွာအုပ်စုအတွင်းရှိ မြေနေရာ ၅၆၁ ဒသမ ၇၅ ဧကကို ပအိုဝ်းကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဝင် ဦးခွန်လှသိန်း က ၂၀၂၁ ခုနှစ်၊ ဧပြီလ ၂ ရက်တွင် မြို့မြေ တိုးချဲ့ရန်အတွက် မြေလွတ် မြေလပ် နှင့် မြေရိုင်းများ စီမံခန့်ခွဲရေး ဗဟိုကော်မတီသို့ တင်ပြတောင်းခံခဲ့ရာ ယင်းနှစ်၊ နိုဝင်ဘာလ ၁၁ ၇က်တွင် နှစ်ပေါင်း ၃၀ လုပ်ကိုင်ခွင့် ရရှိထားပြီးဖြစ်ကြောင်း သိရသည်။

🌸 တောင်ကြီးတွင် ကားတစ်စီး အရှိန်လွန်ပြီး နေအိမ်ဝင်းတံခါးအား ဝင်တိုက်

.

တောင်ကြီး၊ ဖေဖော်ဝါရီ ၂၆

.

တောင်ကြီးမြို့၊ ချမ်းသာရပ်ကွက်၊ ရှုခင်းသာလမ်းတွင် ယနေ့ ဖေဖော်ဝါရီလ ၂၆ ရက်၊ ညပိုင်းက ကားတစ်စီး အရှိန်လွန်ပြီး နေအိမ်ဝင်းတံခါးအား ဝင်ရောက်တိုက်မိမှု ဖြစ်ပွားခဲ့ကြောင်း သိရသည်။

.

.

“အသံကြားလို့ ထွက်‌ကြည့်တော့ ကားက အိမ်တံခါးကို ဝင်တိုက်မိနေတာ။ အဆင်းကြီးပြီး အရှိန်များတယ် ထင်ပါတယ်။ အဲဒီကားက ဒီနေ့ နေ့လယ်ကမှ ဘရိတ်ပြင်ထားတာလို့တော့ ပြောတယ်” ဟု တောင်ကြီးမြို့၊ ချမ်းသာရပ်ကွက်နေ ဒေသခံတစ်ဦးက ပြောသည်။

🌸 တန့်ယန်းတွင် “ဝ”တပ်ဖွဲ့ အယောင်ဆောင်ပြီး ရွှေဆိုင်လုယက်မှုဖြစ်ပွား

.

တောင်ကြီး၊ ဖေဖော်ဝါရီ ၂၆

.

ရှမ်းပြည်နယ်မြောက်ပိုင်း၊ တန့်ယန်းမြို့တွင် ဖေဖော်ဝါရီလ ၂၁ ရက်က “ဝ”တပ်ဖွဲ့အယောင်ဆောင်ပြီး ရွှေဆောင်လုယက်မှုတစ်ခု ဖြစ်ပွားခဲ့ကြောင်း သိရသည်။

.

.

တန့်ယန်းမြို့ရှိ ရွှေဆိုင်တစ်ခုတွင် ဖေဖော်ဝါရီလ ၂၁ ရက်က UWSA “ဝ” တပ်ဖွဲ့ ယူနီဖောင်း ဝတ်စုံ ဝတ်ဆင်ထားသူတစ်ဦးကမျက်နှာဖုံးစွပ်ကာ ဓါးပြဝင်တိုက်ပြီး ရွှေလက်စွပ် ၃ ကွင်း လုယူထွက်ပြေး သွားခဲ့ခြင်းဖြစ်ကြောင်း သိရသည်။

🌸 မိုင်းဆတ်မြို့နယ်တွင် မူးယစ်ဆေးဝါးချက်လုပ်ရာတွင် အသုံးပြုသည့် ဆက်စပ်ပစ္စည်းများ သိမ်းဆည်းရမိ

.

တောင်ကြီး၊ ဖေဖော်ဝါရီ ၂၆

.

ရှမ်းပြည်နယ်အရှေ့ပိုင်း၊ မိုင်းဆတ်မြို့နယ်၊ ဝမ်လုံကျေးရွာအနီးတွင် ဖေဖော်ဝါရီလ ၂၄ ရက်၊ မွန်းလွဲပိုင်းက မူးယစ်ဆေးဝါး ချက်လုပ်ရာတွင် အသုံးပြုသည့် ဆက်စပ်ပစ္စည်းများအား သိမ်းဆည်းရမိခဲ့ကြောင်း သိရသည်။

.

.

တာချီလိတ်မြို့၏ အနောက်မြောက်ဘက် ၃၀ ကီလို မီတာခန့်အကွာ၌ မူးယစ်ဆေးဝါးများ ထုတ်လုပ်နေကြောင်း သတင်းအရ ပူးပေါင်းအဖွဲ့သည် နယ်မြေရှင်းလင်းခြင်းများ သွားရောက်ဆောင်ရွက်ရာ ဖေဖော်ဝါရီ ၂၄ ရက် မွန်းလွဲ ၂ နာရီခန့်တွင် မိုင်းဆတ်မြို့နယ်၊ မိုင်းခုတ်မြို့၏ အရှေ့တောင်ဘက် ၁၉ ကီလိုမီတာ၊ ဝမ်လုံးကျေးရွာ၏ တောင်ဘက် ၈ ကီလိုမီတာခန့် အကွာနေရာ၌ မူးယစ်ဆေးဝါးများနှင့် မူးယစ်ဆေးဝါးချက်လုပ်ရာတွင် အသုံးပြုသည့် ပစ္စည်းများအား သိမ်းဆည်းရမိခဲ့ခြင်း ဖြစ်ကြောင်း သိရသည်။

🌸 လားရှိုးတွင် အမျိုးသမီးတစ်ဦး ပြန်ပေးဆွဲခံရ

.

လားရှိုး၊ ဖေဖော်ဝါရီ ၂၅

.

ရှမ်းပြည်နယ်မြောက်ပိုင်း၊ လားရှိုးမြို့တွင် ယမန်နေ့ ဖေဖော်ဝါရီလ ၂၄ ရက်၊ ညနေပိုင်းက အမျိုးသမီးတစ်ဦး ကို အမည်မသိ အမျိုးသား ၃ ဦးက သေနတ်ပြ ခြိမ်းခြောက်ကာ ပြန်ပေးဆွဲမှု ဖြစ်ပွားခဲ့ကြောင်း သိရသည်။

.

.

လားရှိုးမြို့၊ ရပ်ကွက် (၅) ရှိ ကုန်စုံဆိုင် တစ်ခုအတွင်းသို့ ယမန်နေ့ ညနေ ၄ နာရီခွဲခန့်က အမျိုးသား ၃ ဦး ရောက်ရှိလာပြီး ဆိုင်အတွင်းရှိသူများကို သေနတ်ပြ ခြိမ်းခြောက်ကာ ကောင်တာတွင် ထိုင်နေသည့် အသက် ၂၃ နှစ် အရွယ် အမျိုးသမီးတစ်ဦးကို ပြန်ပေးဆွဲခေါ်ဆောင်သွားကာ ဆိုင်ကောင်တာအတွင်းရှိ ရောင်းရငွေ အချို့ကိုလည်း ယူဆောင်သွားခဲ့ကြောင်း သိရသည်။

🌸 ရှမ်းယူနိုက်တက် ကစားသမား ရဲမင်းသူကို ၅ ပွဲပယ် ပြစ်ဒဏ်နှင့် ဒဏ်ကြေးငွေ ၁၀ သိန်းကျပ် ချမှတ်

.

တောင်ကြီး၊ ဖေဖော်ဝါရီ ၂၅

.

ရှမ်းယူနိုက်တက်အသင်းမှ ကျောနံပတ် ၃ ကစားသမား ရဲမင်းသူအား မြန်မာနေရှင်နယ်လိဂ် ပြိုင်ပွဲများတွင် အနီးဆုံး ၅ ပွဲပယ် ပြစ်ဒဏ်နှင့် ဒဏ်ကြေးငွေ ၁၀ သိန်းကျပ် ပေးဆောင်ရန် ချမှတ်ခဲ့ကြောင်း သိရသည်။

.

.

မြန်မာနေရှင်နယ်လိဂ် ပွဲစဉ်များအနက် ဖေဖော်ဝါရီလ ၂၀ ရက်က YUSC ကွင်းတွင် ကျင်းပခဲ့သည့် ပွဲစဉ် အမှတ် (၁၀၇)၊ ရန်ကုန်ယူနိုက်တက်အသင်းနှင့် ရှမ်းယူတိုက်တက်အသင်းတို့ ပွဲစဉ်မှ ဖြစ်ပွားခဲ့သည့် ဖြစ်စဉ်များအတွက် ယင်းကဲ့သို့ ဆုံးဖြတ်ခဲ့ခြင်းဖြစ်ကြောင်း စည်းကမ်းထိန်းသိမ်းရေးနှင့် ကျင့်ဝတ်ကော်မီက ယမန်နေ့ ဖေဖော်ဝါရီ ၂၄ ရက်တွင် ထုတ်ပြန်ထားသည်။

🌸 “ဝ” တောင်ပိုင်း မူးယစ်တိုက်ဖျက်ရေးတပ်ဖွဲ့က ဖမ်းဆီးရမိသည့် မူးယစ်ဆေးဝါးနှင့် တရားခံများကို အစိုးရထံ လွှဲပြောင်း

.

တောင်ကြီး၊ ဖေဖော်ဝါရီ ၂၅

.

“ဝ” တောင်ပိုင်း မူးယစ်ဆေးဝါးတိုက်ဖျက်ရေးတပ်ဖွဲ့က ဖမ်းဆီးရမိခဲ့သည့် မူးယစ်ဆေးဝါးများနှင့် တရားခံ များကို ယမန်နေ့ ဖေဖော်ဝါရီလ ၂၄ ရက်က မိုင်းတုံမြို့နယ်၊ ဟွေအောဒေသတွင် သက်ဆိုင်ရာ အစိုးရ တာဝန်ရှိသူများထံ (၂၅) ကြိမ်မြောက်အဖြစ် လွှဲပြောင်းပေးအပ်ခဲ့ကြောင်း သိရသည်။

.

.

“ဝ” တောင်ပိုင်း စစ်ဒေသ (၁၇၁) သည် ဖေဖော်ဝါရီလ ၁၅ ရက်၊ နေ့လယ်ပိုင်းက ဘိန်းဖြူ ၁၆၁ စုံ၊ စုစုပေါင်း ၁၂၀ ဒသမ ၇၅ ကီလိုဂရမ်နှင့် မူးယစ်ဆေးဝါး မှောင်ခိုသမား ၂ ဦးကို မော်တော်ဆိုင်ကယ် ၂ စီးနှင့်အတူ ဖမ်းဆီးရမိခဲ့ခြင်းဖြစ်ကြောင်း သိရသည်။

🌸 လဲချားမြို့နယ်တွင် အွန်လိုင်းလောင်းကစား လုပ်ကိုင်နေသည့် တရုတ်နိုင်ငံသားများအား ဖမ်းမိ

.

တောင်ကြီး၊ ဖေဖော်ဝါရီ ၂၄

.

ရှမ်းပြည်နယ်တောင်ပိုင်း၊ လွိုင်လင်ခရိုင်၊ လဲချားမြို့နယ်တွင် ဖေဖော်ဝါရီလ ၂၂ ရက်က အွန်လိုင်း လောင်းကစားလုပ်ငန်း လုပ်ကိုင်နေသည့် တရုတ်နိုင်ငံသားများအား လောင်ကစားပြုလုပ်ရာတွင် အသုံပြုသည့် ပစ္စည်းများနှင့်အတူ ဖမ်းဆီးရမိခဲ့ကြောင်း သိရသည်။

.

.

လုံခြုံရေးတပ်ဖွဲ့ဝင်များပါဝင်သော ပူးပေါင်းအဖွဲ့များသည် လဲချားမြို့နယ်အတွင်း လေကြောင်း ကင်းထောက် ၍ နယ်မြေလုံခြုံရေးလုပ်ငန်းများ ဆောင်ရွက်စဉ် လဲချားမြို့နယ်၊ ဝမ်ပန်ကျေးရွာအုပ်စု၊ နောင်လုံကျေးရွာ၏ အနောက်ဘက် မီတာ ၃၀၀၀ ခန့်အကွာ၌ မသင်္ကာဖွယ်အဆောက်အအုံများကို တွေ့ရှိရ သဖြင့် ဖေဖော်ဝါရီ ၂၂ ရက် နေ့လယ် ၁၂ နာရီတွင် သွားရောက်ရှင်းလင်းစစ်ဆေးရာ အွန်လိုင်း လိမ်လည် လောင်းကစားမှုများ လုပ်ဆောင်နေသည့် နေရာတစ်ခုဖြစ်ကြောင်း တွေ့ရှိရပြီး အွန်လိုင်းလိမ်လည် လောင်းကစားမှုများ လုပ်ကိုင်နေကြသည့် တရုတ်နိုင်ငံသား အမျိုးသား ၂၀ ဦးကို ဖမ်းဆီးရမိခဲ့ခြင်း ဖြစ်ကြောင်း သိရသည်။

🌸 တောင်ကြီးမြို့ပေါ်ရှိ ရေစုကန်များ ရေစတင်ကျဆင်းလာနေ

.

တောင်ကြီး၊ ဖေဖော်ဝါရီ ၂၃

.

ရှမ်းပြည်နယ်မြို့တော် တောင်ကြီးမြို့ပေါ်ရှိ သောက်သုံးရေ စုကန်များတွင် ယခုရက်ပိုင်းမှစ၍ စုဆောင်း ရေများ စတင်ကျဆင်းလာနေကြောင်း သိရသည်။

.

.

တောင်ကြီးမြို့ပေါ်တွင် ရေစုကန်များအဖြစ် ရုရှားကန်၊ မြကန်သာရေကန်နှင့် အနောက်မြို့ပတ်လမ်းအနီးရှိ ဂနိုင်ရေကန် အမှတ် (၁)၊ (၂)၊ (၃) တို့ရှိနေပြီး အဆိုပါရေစုကန်များတွင် ယခုဖေဖော်ဝါရီလ နောက်ဆုံးပတ် ခန့်မှ စတင်၍ စုဆောင်းရေများ ကျဆင်းလာနေခြင်း ဖြစ်ကြောင်း သိရသည်။

🌸 ကျိုင်းတုံနှင့် ကျေးသီးတို့တွင် မီးလောင်မှုဖြစ်ပွား

.

ကျိုင်းတုံ၊ ဖေဖော်ဝါရီ ၂၁

.

ရှမ်းပြည်နယ်အရှေ့ပိုင်း၊ ကျိုင်းတုံမြို့နှင့် ရှမ်းပြည်နယ်တောင်ပိုင်း၊ မိုင်းရှူးခရိုင်၊ ကျေးသီးမြို့နယ်တို့တွင် ယမန်နေ့ ဖေဖော်ဝါရီလ ၂၀ ရက်၊ ညပိုင်းနှင့် ယနေ့ ဖေဖော်ဝါရီလ ၂၁ ရက်၊ နံနက်အစောပိုင်းတို့က မီးလောင်မှု တစ်ခုစီ ဖြစ်ပွားခဲ့ကြောင်း သိရသည်။

.

.

ကျိုင်းတုံမြို့နယ်၊ ဝပ်ဆောင်းကျေးရွာအုပ်စု၊ လွိုင်ခိုက်ကျေးရွာတွင် ယမန်နေ့ ဖေဖော်ဝါရီလ ၂၀ ရက်၊ ည ၁၁ နာရီခန့်က လူနေအိမ်တစ်လုံး မီးလောင်မှု ဖြစ်ပွားခဲ့ခြင်းဖြစ်ကြောင်း သိရသည်။

🌸 လွိုင်လင်-မိုင်းပွန်ကြားတွင် တွဲကားတစ်စီး တာယာအပူလွန်ကဲ မီးလောင်

.

လွိုင်လင်၊ ဖေဖော်ဝါရီ ၂၀

.

ရှမ်းပြည်နယ်တောင်ပိုင်း၊ လွိုင်လင်မြို့နယ်၊ လွိုင်လင်နှင့် မိုင်းပွန်မြို့ အကြားတွင် ယနေ့ ဖေဖော်ဝါရီလ ၂၀ ရက်၊ ညနေပိုင်းက တွဲကားတစ်စီး တာယာအပူလွန်ကဲကာ မီးလောင်မှု ဖြစ်ပွားခဲ့ကြောင်း သိရသည်။

.

.

လွိုင်လင်မြို့နယ်၊ တောင်ကြီး-ကျိုင်းတုံ၊ ပြည်ထောင်စုလမ်းမကြီး၊ လွိုင်လင်နှင့် မိုင်းပွန်အကြား၊ မိုင်တိုင် အမှတ် (၁၆၃/၁) နှင့် (၁၆၃/၂) အကြားတွင် ယနေ့ ဖေဖော်ဝါရီလ ၂၀ ရက်၊ ညနေ ၄ နာရီ ၄၅ မိနစ်ခန့်က ဘိလပ်မြေများ တင်ဆောင်လာသော တွဲကားတစ်စီး တာယာအပူလွန်ကဲကာ မီးလောင်မှု ဖြစ်ပွားခဲ့ခြင်း ဖြစ်ကြောင်း သိရသည်။

🌸 အီးစီးကရက် (Vape) များအား သုံးစွဲခြင်းကို တားမြစ်

.

တောင်ကြီး၊ ဖေဖော်ဝါရီ ၂၀

.

မြန်မာနိုင်ငံတွင် အီးစီးကရက် (Vape) သုံးစွဲခွင့်ကို ဖေဖော်ဝါရီလ ၂၀ ရက်မှ စတင်၍ ပိတ်ပင်တားမြစ်လိုက် ကြောင်း သိရသည်။

.

.

အီးစီးကရက် (Vape) များ တင်သွင်းခြင်း၊ တင်ပို့ခြင်း၊ ရောင်းချခြင်း၊ သိုလှောင်ထားရှိခြင်း၊ ဖြန့်ဖြူးခြင်းနှင့် သုံးစွဲခြင်း အားလုံးကို တားမြစ်ပိတ်ပင်လိုက်ခြင်း ဖြစ်ပြီး တားမြစ်ချက် ချိုးဖောက်သူများကို သက်ဆိုင်ရာ ဥပဒေများအရ အရေးယူသွားမည်ဖြစ်ကြောင်း ကျန်းမာရေးဝန်ကြီးဌာနက အသိပေးထားသည်။

🌸 တောင်ကြီးတွင် လျှပ်စစ်မီတာခများ သုံးဆကျော် မြင့်တက်လာ

.

တောင်ကြီး၊ ဖေဖော်ဝါရီ ၂၀

.

ရှမ်းပြည်နယ်မြို့တော် တောင်ကြီးမြို့တွင် ယခုရက်ပိုင်းအတွင်း ဖြန့်ဝေနေသော ဇန်နဝါရီလအတွက် ကောက်ခံသည့် လျှပ်စစ်မီတာ စာရွက်များ၌ ဓါတ်အားကောက်ခံမှု ကျသင့်ငွေများ ၃ ဆကျော်အထိ မြင့်တက်လာနေကြောင်း သိရသည်။

.

.

ယခင်လများက လျှပ်စစ်မီတာခ ၁၀၀၀၀ ကျပ်ဝန်းကျင်ခန့် ကျသင့်သည့် လူနေအိမ်များတွင် ယခုရက်‌ပိုင်း ရောက်ရှိလာသည့် လျှပ်စစ်ဓာတ်အားခ တောင်းခံလွှာ စာရွက်များ၌ ၅၀၀၀၀ ကျပ် ဝန်းကျင် အထိ ကျသင့် နေခြင်းဖြစ်ကြောင်း သိရသည်။

🌸 နိုင်ငံရေးပြဿနာများအား ဆွေးနွေးခြင်းနည်းလမ်းဖြင့် တွေ့ဆုံညှိနှိုင်း ဖြေရှင်းသွားမည်ဟု RCSS/SSA ထုတ်ပြန်

.

တောင်ကြီး၊ ဖေဖော်ဝါရီ ၂၀

.

နိုင်ငံရေး ပြဿနာများအား ဆွေးနွေးခြင်း နည်းလမ်းဖြင့် အခြားအဖွဲ့အစည်းများ အဖက်ဖက်တို့နှင့် တွေ့ဆုံ ညှိနှိုင်း ဖြေရှင်းသွားမည်ဖြစ်ကြောင်း ရှမ်းပြည်ပြန်လည်ထူထောင်ရေးကောင်စီ/ရှမ်းပြည်တပ်မတော် (RCSS/SSA) က ထုတ်ပြန်ကြေညာခဲ့သည်ဟု သိရသည်။

.

.

RCSS ၏ (၂၆) ကြိမ်မြောက် နှစ်ပတ်လည်အစည်းအဝေးကို ဖေဖော်ဝါရီလ ၁၆ ရက်မှ ၁၇ ရက်အထိ လည်းကောင်း၊ စတုတ္ထအကြိမ်မြောက် ကောင်စီကွန်ဂရက်ကို ဖေဖော်ဝါရီလ ၁၈ ရက်တွင် လည်းကောင်း RCSS ဗဟိုဌာနချုပ် လွယ်တိုင်းလျဲန်၌ ကျင်းပခဲ့ပြီး ကောင်စီကွန်ဂရက် အပြီးတွင် ထုတ်ပြန်ကြေညာချက် တစ်စောင်ကို ထုတ်ပြန်ခဲ့ခြင်းဖြစ်သည်။

🌸 လားရှိုးတွင် စိတ်ကြွရူးသွပ်ဆေးပြား သုံးသောင်း ဖမ်းမိ

.

လားရှိုး၊ ဖေဖော်ဝါရီ ၂၀

.

ရှမ်းပြည်နယ်မြောက်ပိုင်း၊ လားရှိုးမြို့တွင် ဖေဖော်ဝါရီလ ၁၈ ရက်၊ နေ့လယ်ပိုင်းက စိတ်ကြွရူးသွပ် ဆေးပြား ၃၀၀၀၀ အား ဖမ်းဆီးရမိခဲ့ကြောင်း သိရသည်။

.

.

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ဖေဖော်ဝါရီလ ၁၈ ရက်၊ နေ့လယ် ၁၂ နာရီခန့်က သတင်းအရ သက်သေများနှင့်အတူ လားရှိုးမြို့၊ အမှတ်(၈)ရပ်ကွက်တွင် သိန်းမောင် မောင်းနှင်လာသည့် TOYOTA CROWN အမျိုးအစား မော်တော်ယာဉ်အား ရပ်တန့်စစ်ဆေး ရှာဖွေရာ ယာဉ်ပေါ်မှ စိတ်ကြွရူးသွပ်ဆေးပြား ၃၀,၀၀၀ ပြား၊ ဒေသကာလတန်ဖိုးငွေကျပ်သိန်း ၁၅၀ အား တွေ့ရှိသိမ်းဆည်း ရမိခဲ့ခြင်းဖြစ်ကြောင်း သိရသည်။

🌸 တောင်ကြီးတွင် နေ့အပူချိန်များ အနည်းငယ် မြင့်တက်လာနေသည့်အတွက် မီး‌ဘေးအန္တရာယ် သတိပြုရန် လိုအပ်နေ

 .

တောင်ကြီး၊ ဖေဖော်ဝါရီ ၁၈

.

ရှမ်းပြည်နယ်မြို့တော် တောင်ကြီးမြို့တွင် ယခုရက်ပိုင်းအတွင်း နေ့အပူချိန်များ အနည်းငယ်မြင့်တက် လာနေသည့်အတွက် မီးဘေးအန္တရာယ် သတိပြုရန် လိုအပ်နေကြောင်း သိရသည်။

.

.

တောင်ကြီးမြို့ပေါ်ရှိ ရပ်ကွက်တွင်းလမ်းများနှင့် မြို့မဈေးကြီးပတ်လည်ရှိ လမ်းအများစုသည် လမ်းကျဉ်းများ ဖြစ်သည့်အပြင် မီးသတ်ကား ဝင်ထွက်ရန် အဆင်မပြေသည့်အတွက် မီးဘေးအန္တရာယ် ဖြစ်ပွားလာပါက စိုးရိမ်ရကြောင်း ဒေသခံများက ပြေဆိုကြသည်။

.

🌸 အမျိုးသားစာပေ တစ်သက်တာဆုရ ဦးသိန်းသန်းထွန်း၏ “မပန်းပွင့်မိုး နှင့် အခြားကဗျာများ” စာအုပ် မိတ်ဆက်ပွဲနှင့် စာပေ သက်ကြီးပူဇော်ပွဲ ပြုလုပ်

.

တောင်ကြီး၊ ဖေဖော်ဝါရီ ၁၆

.

အမျိုးသားစာပေ တစ်သက်တာဆုရ ဦးသိန်းသန်းထွန်း၏ “မပန်းပွင့်မိုး နှင့် အခြားကဗျာများ” စာအုပ် မိတ်ဆက်ပွဲနှင့် သက်ကြီးစာပေပညာရှင်များ ပူဇော်ကန်တော့ပွဲကို ယနေ့ ဖေဖော်ဝါရီလ ၁၆ ရက်၊ နံနက်ပိုင်းက တောင်ကြီးမြို့၊ လူထုအခြေပြုဗဟိုဌာန၊ ဘက်စုံသုံးခန်းမတွင် ကျင်းပြုလုပ်ခဲ့ကြောင်း သိရသည်။

.

.

အခမ်းအနားတွင် ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးရာဝန်ကြီး ဦးမင်းမင်းလွင်နှင့် မြန်မာနိုင်ငံ စာရေးဆရာအသင်း ဥက္ကဋ္ဌ ဦးအုန်းမောင် (မြင်းမူ-မောင်နိုင်မိုး) တို့က အမှာစကားများ အသီးသီးပြောကြား ခဲ့ပြီး မြန်မာနိုင်ငံစာရေးဆရာအသင်း (ဗဟို) မှ ပေးအပ်သော အလှူငွေနှင့် ပစ္စည်းများကို ကန်တော့ခံ သက်ကြီး စာရေးဆရာကြီး၊ ဆရာမကြီးများဖြစ်သည့် အမျိုးသားစာပေ တစ်သက်တာဆုရ ဦးသိန်းသန်းထွန်း၊ စာရေးဆရာမကြီး အင်းလေးသန္တာခင်နှင့် စာရေးဆရာ မောင်ရွှေ‌နွယ်-အင်းလေး တို့ကို အသီးသီး ပေးအပ် လှူဒါန်းခဲ့ကြောင်း သိရသည်။

🌸 လမ်းညွှန်အမှတ်အသား မထင်ရှားသည့်အတွက် လမ်းမှားထွက်သည့်ယာဉ်များ မကြာခဏ အဖမ်းခံနေရ

.

တောင်ကြီး ဖေဖော်ဝါရီ ၁၅

.

ရှမ်းပြည်နယ်မြို့တော်၊ တောင်ကြီးမြို့၊ မြို့မ‌ဈေး မြောက်ဘက်ရှိ ကုန်သည်လမ်းတွင် တစ်လမ်းမောင်း လမ်းညွှန်အမှတ်အသားအား သိသာထင်ရှားစွာ တပ်ဆင်ထားခြင်းမရှိသည့် အတွက်ယာဉ် လမ်းကြော မသိသော ယာဉ်မောင်းသူအချို့က မကြာခဏ လမ်းမှားထွက်မိကာ ဖမ်းဆီးအရေးယူခံရမှုများ ရှိနေကြောင်း သိရသည်။

.

.

မြို့မဈေးကြီး အနောက်ဘက် စဝ်စံထွန်းလမ်းထိပ်မှ ဈေးကြီးမြောက်ဘက် ကုန်သည်လမ်းမီးပွိုင့်အထိ တစ်လမ်းမောင်း သတ်မှတ်ထားခြင်းဖြစ်ပြီး ယင်းသို့ သတ်မှတ်ထားသည့် လမ်းညွှန်ဆိုင်းဘုတ်များမှာ သိသာထင်ရှားခြင်း မရှိသည့်အတွက် ယာဉ်မောင်းအချို့က ဗိုလ်ချုပ်အောင်ဆန်းလမ်းမပေါ်သို့ မှားယွင်း ထွက်မိကာ အရေးယူခံနေရခြင်းဖြစ်ကြာင်း သိရသည်။

🌸 မူဆယ်မြို့တွင် ငွေကျပ်သိန်း ၂၀၀၀ ကျော် တန်ဖိုးရှိ စိတ်ကြွရူးသွပ်ဆေးပြားများ ဖမ်းမိ

.

မူဆယ်၊ ဖေဖော်ဝါရီ ၁၅

.

ရှမ်းပြည်နယ်မြောက်ပိုင်း၊ မူဆယ်မြို့တွင် ဖေဖော်ဝါရီလ ၁၂ ရက်၊ နံနက်ပိုင်းက ငွေကျပ် သိန်း ၂၀၀၀ ကျော် တန်ဖိုးရှိ စိတ်ကြွရူးသွပ်ဆေးပြားများအား ဖမ်းဆီးရမိခဲ့ကြောင်း သိရသည်။

.

.

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သက်သေ များနှင့်အတူ ဖေဖော်ဝါရီလ ၁၂ ရက်၊ နံနက် ၁၁ နာရီခန့်က မူဆယ်မြို့၊ စွမ်စော်ရပ်ကွက်၊ မူဆယ်-နမ့်ခမ်းသွား ကားလမ်းတွင် မော်တော်ယာဉ်များအား စစ်ဆေးရှာဖွေစဉ် လမောင်ဆိုင်းအောင်(ခ)ဆိုင်းအောင် မောင်းနှင်လာသည့် TOYOTA LANDCRUISER အမျိုးအစား မော်တော်ယာဉ်အား ရပ်တန့်စစ်ဆေးရှာဖွေရာ ယာဉ်ပေါ်တွင် သိုဝှက်သယ်ဆောင်လာသော စိတ်ကြွရူးသွပ်ဆေးပြား ၄၀၂,၀၀၀ ပြား၊ ဒေသကာလတန်ဖိုးငွေကျပ်သိန်း ၂,၀၁၀ အား တွေ့ရှိသိမ်းဆည်းရမိခဲ့ခြင်း ဖြစ်ကြောင်း သိရသည်။

🌸 လားရှိုးမြို့၊ ရန်တိုင်းအောင်မြို့ဦးစေတီတော် တပေါင်းပွဲတော် ကျင်းပမည်

.

လားရှိုး၊ ဖေဖော်ဝါရီ ၁၅

.

ရှမ်းပြည်နယ်မြောက်ပိုင်း၊ လားရှို့မြို့ရှိ ရန်တိုင်းအောင် မြို့ဦးစေတီတော် တပေါင်းပွဲကို စည်ကားသိုက်မြိုက် စွာ ကျင်းပပြုလုပ်သွားမည် ဖြစ်ကြောင်း သိရသည်။

.

.

ရန်တိုင်းအောင် မြို့ဦးစေတီတော် တပေါင်းပွဲတော်အဖြစ် ၁၃၈၇ ခုနှစ်၊ တပေါင်းလပြည့်နေ့ (၂-၃-၂၀၂၆) ရက်နေ့တွင် ကျင်းပသွားမည်ဖြစ်ပြီး နံနက်ပိုင်းတွင် စေတီတော် အနေကဇာ ကပ်လှူမည်ဖြစ်ကာ မွန်းလွဲပိုင်းတွင် လားရှိုးမြို့ပေါ်ရှိ ဘုန်းတော်ကြီးကျောင်း ၅၄ ကျောင်းမှ ဆရာတော်၊ သံဃာတော် အပါး ၁၅၀ နှင့် သီလရှင် ကျောင်းတိုက် ၁၀ တိုက်မှ တိုက်အုပ်သီလရှင်ကြီးများ အပါအဝင် ဆရာလေး အပါး ၃၀ တို့ကို ဆွမ်းဆမ်စိန်း လောင်းလှူသွားမည်ဖြစ်ကြောင်း သိရသည်။

🌸 ကလော နန်းပန်တက်အနီးတွင် ဘုရားဖူးယာဉ် တစ်စီး တိမ်းမှောက်

.

တောင်ကြီး၊ ဖေဖော်ဝါရီ ၁၅

.

ရှမ်းပြည်နယ်မြို့တော်၊ တောင်ကြီးမြို့နှင့် အခြားဒေသများသို့ ဘုရားဖူးခရီးရန် လာရောက်သည့် မှန်လုံ ခရီးသည်တင်ယာဉ်တစ်စီး ယမန်နေ့ ဖေဖော်ဝါရီလ ၁၄ ရက်၊ ညနေပိုင်းက ကလောမြို့နယ်၊ နန်းပန်တက် ကျေးရွာအနီးတွင် တိမ်းမှောက်မှု ဖြစ်ပွားခဲ့ကြောင်း သိရသည်။

.

.

အဆိုပါဘုရားဖူးယာဉ်သည် မန္တလေးတိုင်း၊ သာစည်မြို့နယ်၊ ပြည်ညောင်ကျေးရွာနှင့် ကလောမြို့နယ်၊ နန်းပန်တက်ကျေးရွာကြား မိတ္ထီလာ-တောင်ကြီး ပြည်ထောင်စုလမ်းမပေါ်တွင် တိမ်းမှောက်မှု ဖြစ်ပွားခဲ့ခြင်းဖြစ်ကြောင်း သိရသည်။

🌸 အေးသာယာ ကားကြီးကွင်းရှေ့တွင် ဓါးခုတ်မှု ဖြစ်ပွား

.

တောင်ကြီး၊ ဖေဖော်ဝါရီ ၁၄

.

ရှမ်းပြည်နယ်တောင်ပိုင်း၊ တောင်ကြီးမြို့နယ်၊ အေးသာယာမြို့၊ ခရီးသည်တင်ကားကြီးကွင်းရှေ့ လမ်းမပေါ် တွင် ယနေ့ ဖေဖော်ဝါရီလ ၁၄ ရက်၊ ညနေပိုင်းက အမျိုးသားတစ်ဦး ဓါးခုတ်ခံရမှု ဖြစ်ပွားခဲ့ကြောင်း သိရသည်။

.

.

အေးသာယာမြို့၊ ရပ်ကွက် (၃)၊ နယ်မြေ (၅)၊ အေးသာယာ ခရီးသည်တင် ကားကြီးကွင်းရှေ့ လမ်းမပေါ်တွင် ယနေ့ ဖေဖော်ဝါရီလ ၁၄ ရက်၊ ညနေ ၅ နာရီခွဲ ခန့်က အမျိုးသားတစ်ဦးအား အမည်မသိ ဆိုင်ကယ်စီးနင်း လာသူ အမျိုးသားတစ်ဦးက နောက်မှ ဓါးဖြင့်ခုတ်မှု ဖြစ်ပွားခဲ့ခြင်းဖြစ်ကြောင်း သိရသည်။

🌸 တောင်ကြီးတွင် စည်းကမ်းမဲ့အမှိုက်စွန့်ပစ်မှုများအား အရေးယူရန်လိုအပ်နေ

.

တောင်ကြီး၊ ဖေဖော်ဝါရီ ၁၃

.

ရှမ်းပြည်နယ်မြို့တော် တောင်ကြီးမြို့ပေါ်ရှိ ရေမြောင်းများအတွင်း စည်းကမ်းမဲ့အမှိုက်စွန်ပစ်များ ရှိနေပြီး သဘာ၀ပတ်ဝန်းကျင် ထိခိုက်လာမည်ကို စိုးရိမ်ရသဖြင့် တာဝန်ရှိသူများမှ ထိန်းသိမ်းကြပ်မတ် အ‌ရေးယူ မှုများ လုပ်ဆောင်ရန် လိုအပ်နေကြောင်း သိရသည်။

.

.

ရေမြောင်းများအတွင်း စည်းကမ်းမဲ့ အမှိုက်စွန့်ပစ်မှုများကြောင့် မြို့တော်၏ သဘာဝပတ်၀န်းကျင်ကို ဆိုးရွားစွာ ပျက်စီးစေနိုင်သည့်အပြင် ရေမြောင်း အနီးတစ်ဝိုက်တွင် နေထိုင်ကြသည့် ပြည်သူများ၏ ကျန်းမာရေးဆိုင်ရာ များကိုလည်း ထိခိုက်မှုများ ဖြစ်ပေါ်လာနိုင်ကြောင်း မြို့ခံများက ပြောဆိုကြသည်။

🌸 KBZ Foundation က ငလျင်ဘေးဒဏ်သင့် ညောင်ရွှေမြို့နယ်၊ ဇရပ်ကြီးဘုန်းကြီးကျောင်း ပြန်လည် တည်ဆောက် နိုင်ရေးအတွက် အလှူငွေ ကျပ်သိန်း ၁၀၀၀ ပေးအပ်လှူဒါန်း

.

တောင်ကြီး၊ ဖေဖော်ဝါရီ ၁၂

.

ရှမ်းပြည်နယ်တောင်ပိုင်း၊ ကလောခရိုင်၊ ညောင်ရွှေမြို့နယ်၊ ဇရပ်ကြီးကျေးရွာရှိ ဘုန်းတော်ကြီးကျောင်း ပြန်လည်တည်ဆောက်နိုင်ရေးအတွက် KBZ Foundation က အလှူငွေကျပ် သိန်း ၁၀၀၀ လှူဒါန်းပေး ခဲ့ကြောင်း သိရသည်။

.

.

အဆိုပါ ဇရပ်ကြီးကျေးရွာ ဘုန်းတော်ကြီးကျောင်း (ပင်မကျောင်းဆောင်) ပြန်လည်တည်ဆောက်နိုင်ရေး အတွက် KBZ Foundation က ပေးအပ်သော အလှူငွေကျပ် သိန်း ၁၀၀၀ ကို ဖေဖော်ဝါရီလ ၁၀ ရက်က တောင်ကြီးမြို့၊ ရှမ်းတောင်ပရဟိတညီနောင်များကွန်ရက် အသင်းရုံးခန်းမတွင် ဇရပ်ကြီးကျေးရွာ ဘုန်းကြီးကျောင်းဆောက်လုပ်ရေး ကော်မတီ ရပ်မိရပ်ဖများနှင့် ကျောင်းထိုင်ဆရာတော် အလှူငွေများ ဆက်ကပ်လှူဒါန်းခဲ့ခြင်းဖြစ်ကြောင်း သိရသည်။

🌸 ကျိုင်းတုံ နည်းပညာအထက်တန်းကျောင်းတွင် မီးလောင်မှုဖြစ်ပွား

.

ကျိုင်းတုံ၊ ဖေဖော်ဝါရီ ၁၀

.

ရှမ်းပြည်နယ်အရှေ့ပိုင်း၊ ကျိုင်းတုံမြို့နယ်၊ လွယ်မွေလမ်းရှိ နည်းပညာအထက်တန်းကျောင်းတွင် ယနေ့ ဖေဖော်ဝါရီလ ၁၀ ရက်၊ မွန်းလွဲပိုင်းက မီးလောင်မှု ဖြစ်ပွားခဲ့ကြောင်း သိရသည်။

.

.

ကျိုင်းတုံ နည်းပညာအထက်တန်းကျောင်းဝင်း အတွင်းရှိ ယာယီကျောင်းသားအဆောင်နှင့် စတိုဆောင် တို့တွင် ယနေ့ နေ့လယ် ၂ နာရီခွဲခန့်က မီးလောင်မှု ဖြစ်ပွားခဲ့ခြင်းဖြစ်ပြီး မီးလောင်ရာသို့ ကျိုင်းတုံ ခရိုင်မီးသတ်စခန်းနှင့် မြို့နယ်မီးသတ်စခန်းတို့မှ မီးသတ်ယာဉ်များ၊ လူမှုရေးအသင်းများမှ သွားရောက် ငြှိမ်းသတ်ခဲ့ကြောင်း သိရသည်။

🌸 တောင်ကြီး-အေးသာယာ အဆင်းလမ်းတွင် ကားတစ်စီး သစ်ပင်အား ဝင်တိုက်

.

တောင်ကြီး၊ ဖေဖော်ဝါရီ ၁၀

.

တောင်ကြီးမြို့နယ်၊ တောင်ကြီး-အေးသာယာ အဆင်းလမ်းတွင် ယမန်နေ့ ဖေဖော်ဝါရီလ ၉ ရက်၊ ညပိုင်းက ကားတစ်စီး သစ်ပင်အား ဝင်တိုက်မိမှု ဖြစ်ပွားခဲ့ကြောင်း သိရသည်။

.

.

တောင်ကြီး-အေးသာယာ အဆင်းလမ်း၊ မိုင်တိုင်အမှတ် (၁၁၀/၀) အနီးတွင် ယမန်နေ့ ဖေဖော်ဝါရီလ ၉ ရက်၊ ည ၁၀ နာရီခန့်က ကားတစ်စီးသည် အရှိန်မထိန်းနိုင်ဘဲ သစ်ပင်အား ဝင်ရောက်တိုက်မိခဲ့ခြင်း ဖြစ်ကြောင်း သိရသည်။

🌸 တောင်ကြီးမြို့နယ်တွင် ပန်းမုံလာစိမ်း ဈေးကောင်းသော်လည်း တောင်သူများ တွက်ချေမကိုက်

.

တောင်ကြီး၊ ဖေဖော်ဝါရီ ၄

.

ရှမ်းပြည်နယ်တောင်ပိုင်း၊ တောင်ကြီးမြို့နယ်အတွင်း ပန်းမုံလာစိမ်း ဈေးကောင်းရသော်လည်း ပန်းမုံလာစိုက် တောင်သူများအနေဖြင့် ခြံဖြတ်၀ယ်ယူသူများက တစ်ပွင့်လျှင် ၂၀၀ ကျပ်ခန့် သာ ဈေးဖြတ်၀ယ်ယူမှု ရှိနေသည့်အတွက် တွက်ချေမကိုက် ဖြစ်နေကြောင်း သိရသည်။

.

.

ပန်းမုံလာအစိမ်းသည် အပွင့်အနေအထားပေါ် မူတည်၍ ဈေးကွက်အတွင်း ၁၅၀၀ ကျပ်မှ ၂၀၀၀ ကျပ် အထိရောင်းချနေသော်လည်း အမှန်တကယ် စိုက်ပျိုးသည့်တောင်သူများမှာ ဈေးကောင်းမရဘဲ ဖြစ်နေ ကြောင်းသိရသည်။

🌸 တောင်ကြီးမြို့ပေါ်တွင် ကုန်တင်ယာဉ်များဖြတ်သန်းချိန် ကားငယ်နှင့် ဆိုင်ကယ်များသတိပြုရန်လို

.

တောင်ကြီး ဖေဖော်ဝါရီ ၄

.

ရှမ်းပြည်နယ်မြို့တော် တောင်ကြီးမြို့ပေါ်တွင် ကုန်တင်ယာဉ်ကြီးများနှင့်တွဲယာဉ်များဖြတ်သန်း မောင်းနှင်ချိန်များတွင် မြို့ပေါ်သွားလာနေသည့် အိမ်စီးကားငယ်များနှင့် မော်တော်ဆိုင်ကယ် စီးနင်းမောင်းနှင်သူများ အနေဖြင့် ယာဉ်အန္တရာယ် ကင်းရှင်းစေရန်အတွက် သတိပြုသွားလာ ရန်လိုအပ်ကြောင်းသိရသည်။

.

.

တောင်ကြီးမြို့ အနောက်မြို့ပတ်လမ်းပေါ်တွင် ကုန်တင်တွဲယာဉ်များဖြတ်သန်းချိန်များတွင်ယာဉ်ကြော ကြပ်တည်းမှု မကြာခဏဖြစ်ပေါ်တတ်ပြီး ယာဉ်မတော်တဆမှုများလည်းမကြာခဏဖြစ်ပွား နေကြောင်း သိရသည်။

🌸 တောင်ကြီးမြို့မဈေးရှေ့ရှိ LED TV ဘုတ်အသစ် ပြောင်းလဲတပ်ဆင်

.

တောင်ကြီး၊ ဖေဖော်ဝါရီ ၂

.

ရှမ်းပြည်နယ်မြို့တော်၊ တောင်ကြီးမြို့၊ မြို့မဈေး အရှေ့ဘက်မျက်နှာစာတွင် အများပြည်သူကို အသိပေး ဖျော်ရေးအဖြစ် အသုံးပြုနေသည့် LED ဘုတ်ကို အသစ်ပြောင်းလဲတပ်ဆင်ထားကြောင်း သိရသည်။

.

.

အဆိုပါနေရာတွင် ယခင်ကအသုံးပြုနေသည့် LED ဘုတ်မှာ သက်တမ်းကြာမြင့်နေပြီဖြစ်သည့် အတွက် ယခုကဲ့သို့ အစားထိုးလဲလှယ်ခြင်းဖြစ်နိုင်ကြောင်း တောင်ကြီးမြိုပေါ်နေ ပြည်သူတစ်ဦးက ရှမ်းဂေဇက် မီဒီယာသို ပြောသည်။

🌸 လားရှိးတွင် ရွှေချွတ်လုပ်ငန်းအိမ် ဓါးပြတိုက်ခံရပြီး ရွှေ ၅ ပိဿာခန့်နှင့် ငွေသားများ ပါသွား

.

လားရှိုး၊ ဖေဖော်ဝါရီ ၂

.

ရှမ်းပြည်နယ်မြောက်ပိုင်း၊ လားရှိုးမြို့တွင် ယမန်နေ့ ဇန်နဝါရီလ ၁ ရက်၊ နေ့လယ်ပိုင်းက ရွှေချွတ်လုပ်ငန်း လုပ်ကိုင်သည့်နေအိမ် ဓါးပြတိုက်ခံရပြီး ရွှေ ၅ ပိဿာခန့်နှင့် ငွေသားများပါသွားခဲ့ကြောင်း သိရသည်။

.

.

လားရှိုးမြို့၊ ရပ်ကွက် (၄)၊ မဟာဗောဓာရုံကျောင်း အနောက်ဘက်ရှိ ရွှေချွတ်လုပ်ငန်းနေအိမ်တွင် ယမန်နေ့ ဖေဖော်ဝါရီလ ၁ ရက်၊ နေ့လယ် ၁၂ နာရီခန့်က သေနတ်ကိုင်ဆောင်ထားည့် လူ ၇ ဦးခန့်က ကား ၃ စီးဖြင့် ဝင်ရောက်ဓါးပြတိုက်ခဲ့ခြင်းဖြစ်ကြောင်း သိရသည်။