🌸 တာချီလိတ်တွင် အခြေခံ ငါးမွေးမြူရေးနှင့် ငါးဆေးထိုး သားဖောက်သင်တန်း ဖွင့်လှစ်

.

တာချီလိတ်၊ ဇွန် ၁၉

.

ရှမ်းပြည်နယ်အရှေ့ပိုင်း၊ တာချီလိတ်မြို့၊ မယ်ခေါင်ရပ်ကွက်ရှိ ခရိုင်ငါးလုပ်ငန်း ဦးစီးဌာနရုံးတွင် ယနေ့ ဇွန်လ ၁၉ ရက်၊ နံနက်ပိုင်းက အခြေခံ ငါးမွေးမြူရေးနှင့် ငါးဆေးထိုး သားဖောက်သင်တန်း အမှတ်စဉ် (၁/၂၀၂၆) ကို စတင်ဖွင့်လှစ်ခဲ့ကြောင်း သိရသည်။

.

.

သင်တန်းဖွင့်ပွဲတွင် တာချီလိတ်ခရိုင် ငါးလုပ်ငန်းဦးစီးဌာန ခရိုင်တာဝန်ခံ ဦးသန်းထိုက်က ဒေသတွင်း ငါးမွေးမြူရေးလုပ်ငန်းများ ဖွံ့ဖြိုးတိုးတက်လာစေရေး၊ ငါးမွေးမြူသူများ၏ နည်းပညာကျွမ်းကျင်မှု မြင့်မား လာစေရေး၊ ငါးမျိုးစိတ်များကို စနစ်တကျ သားဖောက်ထုတ်လုပ်နိုင်စေရေးနှင့် ဒေသစားနပ်ရိက္ခာ ဖူလုံမှု အတွက် ငါးထုတ်လုပ်မှု တိုးမြှင့်နိုင်စေရေးတို့ကို ရည်ရွယ်၍ သင်တန်းဖွင့်လှစ်ရခြင်းဖြစ်ကြောင်း ရှင်းလင်း ပြောကြားခဲ့သည်။

🌸 ဟဲဟိုးတွင် ငွေကျပ် သိန်း ၈၀ ခန့် တန်ဖိုးရှိ ဆက်သွယ်ရေးကြိုးများ ဖြတ်တောက် ခိုးယူခံရ

.

ဟဲဟိုး၊ ဇွန် ၁၉

.

ကလောမြို့နယ်၊ ဟဲဟိုးမြို့တွင် ယနေ့ ဇွန်လ ၁၉ ရက်၊ နံနက်ပိုင်းက ငွေကျပ် သိန်း ၈၀ ခန့်တန်ဖိုးရှိ ဆက်သွယ်ရေး ဖိုင်ဘာကေဘယ်လ်ကြိုးများ ဖြတ်တောက် ခိုးယူခံခဲ့ရကြောင်း သိရသည်။

.

.

ဟဲဟိုးမြို့၊ ပြည်ထောင်စုလမ်းမကြီးဘေး၊ Max ဆီဆိုင်ရှေ့တွင် ဖုန်းကြိုးများ ပျက်ကျနေသဖြင့် မြန်မာ့ ဆက်သွယ်ရေးလုပ်ငန်း၊ ဟဲဟိုးမြို့မှ သွားရောက်စစ်ဆေးရာ ဖုန်းကြိုးများပျက်ကျနေသော Max ဆီဆိုင်၏ ဘယ်ဘက်ခြမ်းရှိ ခြုံစပ်၌ မသင်္ကာဖွယ်လူငယ် ၂ ဦးကို တွေ့ရှိသဖြင့် လိုက်လံကြည့်ရှုရာ ၎င်းတို့ ခိုးယူ သိမ်းဆည်းထားသော မသင်္ကာဖွယ်အထုပ်အား ယူဆောင်ကာ ပြည်ထောင်စုလမ်းမကြီးမှတစ်ဆင့် ဟဲဟိုးလေဆိပ် လမ်းအတွင်းဘက်သို့ မောင်းနှင်သွားခဲ့ကြောင်း သိရသည်။

🌸 NSPNC ကိုယ်စားလှယ်အဖွဲ့ UWSP/UWSA တာဝန်ရှိသူများနှင့် တွေ့ဆုံ

.

ပန်ဆန်း၊ ဇွန် ၁၉

.

အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေး ကော်မတီ (NSPNC) ကိုယ်စား လှယ် အဖွဲ့သည် ယမန်နေ့ ဇွန်လ ၁၈ ရက်က “ဝ” ဒေသ၊ ပန်ဆန်း မြို့သို့ သွားရောက်၍ UWSP/UWSA တာဝန်ရှိသူများနှင့် တွေ့ဆုံခဲ့ကြောင်း သိရသည်။

.

.

ထိုသို့ တွေ့ဆုံဆွေးနွေးရာတွင် ငြိမ်းချမ်းရေး၊ စည်းလုံးညီညွတ်ရေးနှင့် ဒေသဖွံ့ဖြိုးရေးတို့ကို အဓိကထား ဆွေးနွေးခဲ့သည်ဟု WSTV က ထုတ်ပြန်ထားသည်။