🌸 ကလောတွင် WY စာတမ်းပါ စိတ်ကြွရူးသွပ်ဆေးပြား ၅၀ ကို သယ်ဆောင်လာသူနှင့်အတူ ဖမ်းမိ

.

ကလော၊ ဧပြီ ၁၁

.

ကလောမြို့တွင် ယနေ့ ဧပြီလ ၁၁ ရက်၊ နေ့လယ်ပိုင်းက WY စာတမ်းပါ စိတ်ကြွ ရူးသွပ်ဆေးပြား ၅၀ ပြားအား သယ်ဆောင်လာသူနှင့်အတူ ဖမ်းဆီးရမိခဲ့ကြောင်း သိရသည်။

.

.

ကလောမြို့မရဲစခန်းမှ တပ်ဖွဲ့ဝင်များသည် ယနေ့ ဧပြီလ ၁၁ ရက်၊ မွန်းလွဲ ၁ နာရီခွဲခန့်က လှည့်ကင်း တာဝန် ဆောင်ရွက်နေစဉ် ကလောမြို့၊ အမှတ် (၆) ရပ်ကွက်၊ Nature Land Hotel အနီး ဇောတိကလမ်း အရောက် တွင် ခြေလျင်လမ်းလျှောက်လာသူ လွမ်းဝေစိုး (ခ)ငလုံး ဆိုသူအား စစ်ဆေးရာ ၎င်း ဝတ်ဆင် ထားသော Supreme စာတမ်းပါ နီညိုရောင်ဂျင်းအင်္ကျီ၏ ဝဲဘက်အတွင်း အိတ်ကပ်ထဲမှ Red & Blue ဆေးလိပ်ဘူးခွံ အတွင်း ပလပ်စတစ်အကြည်ဖြင့် ထည့်ထားသည့် WY စာတမ်းပါ ပန်းရောင်စိတ်ကြွရူးသွပ် ဆေးပြား ၅၀ ပြား၊ အလေးချိ ၄ ဒသမ ၅ ဂရမ်ခန့်အား တွေ့ရှိသိမ်းဆည်းရမိခဲ့ခြင်းဖြစ်ကြောင်း သိရသည်။

🌸 ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်နှင့် ဝန်ကြီးများ၊ အစိုးရအဖွဲ့ဝင်များ ကတိသစ္စာပြု

.

တောင်ကြီး၊ ဧပြီ ၁၀

.

တတိယအကြိမ် ရှမ်းပြည်နယ်လွှတ်တော် ပထမပုံမှန်အစည်းအဝေး သတ္တမနေ့ကို ယနေ့ ဧပြီလ ၁၀ ရက်က ရှမ်းပြည်နယ်လွှတ်တော် အစည်းအဝေးခန်းမတွင် ပြုလုပ်ရာ လွှတ်တော်တွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်နှင့် ဝန်ကြီးများ၊ အစိုးရအဖွဲ့ဝင်များက ကတိသစ္စာပြုခဲ့ကြောင်း သိရသည်။

.

.

အစည်းအဝေး သတ္တမနေ့တွင် ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ်အဖြစ် ရွေးကောက် တင်မြှောက်ခံရသော စိုင်းထိန်စိုးနှင့် ရှမ်းပြည်နယ်အစိုးရအဖွဲ့ဝင် ဝန်ကြီးများ၊ ပြည်နယ်တရားလွှတ်တော် တရားသူကြီးချုပ်၊ ကိုယ်ပိုင်အုပ်ချုပ်ခွင့်ရ ဒေသ ဦးစီးအဖွဲ့ ဥက္ကဋ္ဌနှင့် အဖွဲ့ဝင်များ၊ တိုင်းရင်းသားလူမျိုးရေးရာ ဝန်ကြီးများ၊ ပြည်နယ်ဥပဒေချုပ်၊ ပြည်နယ်စာရင်းစစ်ချုပ်တို့က ကတိသစ္စာ ပြုခဲ့သည်ဟု သိရသည်။

🌸 ပအိုဝ်းနှင့် ဓနုကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့ဝင်များ၏ အမည်စာရင်းကို ရှမ်းလွှတ်တော်တွင် အတည်ပြု

.

တောင်ကြီး၊ ဧပြီ ၉

.

ရှမ်းပြည်နယ်အတွင်းရှိ ပအိုဝ်းနှင့် ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့များ၏ အလုပ်အမှုဆောင် ကော်မတီ ဥက္ကဋ္ဌနှင့် အဖွဲ့ဝင်များ အမည်စာရင်းကို ရှမ်းပြည်နယ်လွှတ်တော်တွင် တင်ပြအတည်ပြုချက် ရယူခဲ့သည်ဟု သိရသည်။

.

.

တတိယအကြိမ် ရှမ်းပြည်နယ်လွှတ်တော်၊ ပထမပုံမှန်အစည်းအဝေး၊ ဆဋ္ဌမနေ့ကို ယနေ့ ဧပြီလ ၉ ရက်၊ နံနက်ပိုင်းက တောင်ကြီးမြို့၊ ရှမ်းပြည်နယ်လွှတ်တော် အစည်းအဝေးခန်းမတွင် ပြုလုပ်ရာ ပြည်နယ် ဝန်ကြီးချုပ်အဖြစ် ရွေးချယ်တင်မြှောက်ခြင်း ခံထားရသူက ရှမ်းပြည်နယ်အတွင်းရှိ အဆိုပါ ကိုယ်ပိုင်အုပ်ချုပ်ခွင့်ရဒေသများ၏ ဥက္ကဋ္ဌနှင့် အဖွဲ့ဝင် အမည်စာရင်းကို လွှတ်တော်သို့ တင်ပြ၍ အတည်ပြုချက် ရယူခဲ့ခြင်း ဖြစ်သည်။

🌸 တောင်ကြီးတွင် နေအိမ်မီးလောင်မှုဖြစ်ပွား

.

တောင်ကြီး၊ ဧပြီ ၈

.

​ရှမ်းပြည်နယ်တောင်ပိုင်း၊ တောင်ကြီးမြို၊ ​ရွှေ​တောင်ရပ်ကွက်၊ နယ်မြေ (၁၁) ရှိ နေအိမ်တစ်လုံးတွင် ယ​နေ့ ​ဧပြီလ ၈ ရက်၊ ည ၉ နာရီခွဲခန့်က မီးလောင်မှုဖြစ်ပွားခဲ့ကြောင်း သိရသည်။

.

.

မီး​လောင်မှုဖြစ်ပွားရာသို့ မီးသတ်ယာဉ်များ၊ ပုဂ္ဂလိက ရေကားများဖြင့် မီးသတ်တပ်ဖွဲ့ဝင်များ၊ ဒေသခံ ပြည်သူများ၊ ဌာနဆိုင်ရာ တာဝန်ရှိသူများက ဝိုင်းဝန်းငြှိမ်းသတ်ခဲ့ရာ ည ၁၀ နာရီခန့်တွင် မီးငြိမ်းသွားခဲ့ပြီး မီးစတင်လောင်ကျွမ်းရသည့် အကြောင်းအရင်းနှင့် ထိခိုက်ပျက်စီးဆုံးရှုံးမှု အခြေအနေများကို မသိရှိရ သေးချေ။

🌸 ရှမ်းမြောက်မှ မန္တလေးသို့ သယ်ဆောင်လာသည့် စိတ်ကြွဆေးပြား ၉၉ သိန်းကျော်နှင့် ဘိန်းဖြူများ ဖမ်းမိ

.

တောင်ကြီး၊ ဧပြီ ၈

.

ရှမ်းပြည်နယ်မြောက်ပိုင်း၊ ကွတ်ခိုင်မြို့မှ မန္တလေးမြို့သို့ ရောင်းချရန် သယ်ဆောင်လာသည့် စိတ်ကြွရူးသွပ် ဆေးပြား ၉၉ သိန်းကျော်နှင့် ဘိန်းဖြူများအား ဖမ်းဆီးရမိခဲ့သည်ဟု သိရသည်။

.

.

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ဧပြီလ ၆ ရက် နံနက် ၈ နာရီခွဲခန့်က မန္တလေးတိုင်းဒေသကြီး၊ ပြည်ကြီးတံခွန်မြို့နယ်၊ (ဆ) ရပ်ကွက်၊ ၅၄(ဘီ)လမ်း၊ ၁၂၈ x ၁၂၉ လမ်းကြား၌ မူးယစ်ဆေးဝါးများ ဖြန့်ဖြူးရောင်းချသူများဖြစ်သည့် အောင်ကျော်စိုးနှင့် ဇနီးဖြစ်သူ သူဇာသန်း (ခ) သီတာတို့အား ဖမ်းဆီးရမိခဲ့ပြီး အမရပူရမြို့နယ်၊ ဒေါင်းရွေးကျေးရွာရှိ ၎င်းတို့၏နေအိမ်အား သွားရောက်ရှာဖွေခဲ့ရာ စိတ်ကြွရူးသွပ်ဆေးပြား ၉၉ ဒသမ ၂၂ သိန်းပြားနှင့် ဘိန်းဖြူ ၅ ဒသမ ၅ ကီလို ဂရမ်၊ စုစုပေါင်းခန့်မှန်းတန်ဖိုးငွေကျပ် ၁၅ ဒသမ ၀၂ ဘီလီယံခန့်ကို တွေ့ရှိသိမ်းဆည်းရမိခဲ့ခြင်း ဖြစ်ကြောင်း သိရသည်။

🌸 ရှမ်းအစိုးရအဖွဲ့ဝင် ဝန်ကြီးများနှင့် အကြီးအကဲများအား လွှတ်တော်တွင် အတည်ပြု

.

တောင်ကြီး၊ ဧပြီ ၇

.

တတိယအကြိမ် ရှမ်းပြည်နယ်လွှတ်တော်၊ ပထမပုံမှန်အစည်းအဝေး၊ ပဉ္စမနေ့အား ယနေ့ ဧပြီလ ၇ ရက်၊ နံနက်ပိုက်းက တောင်ကြီးမြို့၊ ရှမ်းပြည်နယ်လွှတ်တော် အစည်းအဝေးခန်းမတွင် ပြုလုပ်ရာ အစည်းအဝေးတွင် ရှမ်းပြည်နယ်အစိုးရအဖွဲ့ဝင် ပြည်နယ်ဝန်ကြီးများနှင့် အကြီးအကဲများ၏ အမည်စာရင်းကို အတည်ပြုခဲ့သည်ဟု သိရသည်။

.

.

ရှမ်းပြည်နယ်ဝန်ကြီးချုပ်အဖြစ် ရွေးချယ်တင်မြှောက်ခြင်း ခံရသူ စိုင်းထိန်စိုး က ရှမ်းပြည်နယ်အစိုးရ ဝန်ကြီးဌာနများနှင့် ဝန်ကြီးများ၏ အမည်စာရင်းကို ပြည်နယ်လွှတ်တော်သို့ တင်ပြရာ လွှတ်တော်က အတည်ပြုခဲ့ခြင်း ဖြစ်ကြောင်း သိရသည်။

🌸 ကျိုင်းတုံမြို့နယ်တွင် စိတ်ကြွရူးသွပ်ဆေးပြား တစ်သောင်း ဖမ်းမိ

.

ကျိုင်းတုံ၊ ဧပြီ ၆

.

ရှမ်းပြည်နယ်အရှေ့ပိုင်း၊ ကျိုင်းတုံမြို့နယ်၊ နောင်ရှဲန်ကျေးရွာအနီးတွင် ဧပြီလ ၄ ရက်၊ နေ့လယ်ပိုင်းက စိတ်ကြွရူးသွပ်ဆေးပြားတစ်သောင်းအား သယ်ဆောင်လာသူနှင့်အတူ ဖမ်းဆီးရမိခဲ့ကြောင်း သိရသည်။

.

.

မူးယစ်ဆေးဝါးတားဆီးနှိမ်နင်းရေးရဲတပ်ဖွဲမှ တပ်ဖွဲဝင်များပါဝင်သော ပူးပေါင်းအဖွဲသည် သတင်းအရ ဧပြီလ ၄ ရက်၊ နေ့လယ် ၁ နာရီခွဲ ခန့်က ကျိုင်းတုံမြိုနယ်၊ နောင်ရှဲန်ကျေးရွာအနီးတွင် ကျအူ မောင်းနှင် လာသည့် မော်တော်ဆိုင်ကယ်အား ရပ်တန့်စစ်ဆေးရှာဖွေရာ ၎င်းထံမှ စိတ်ကြွရူးသွပ်ဆေးပြား ၁၀,၀၀၀ ပြား၊ ဒေသကာလတန်ဖိုးငွေကျပ်သိန်း ၇၀ အား တွေ့ရှိသိမ်းဆည်းရမိခဲ့ခြင်းဖြစ်ကြောင်း သိရသည်။

🌸 တောင်ကြီးမြို့၊ အဝေရာမီးပုံးပျံကွင်းတွင် အမျိုးသားအလောင်း တွေ့ရှိ

.

တောင်ကြီး၊ ဧပြီ ၆

.

တောင်ကြီးမြို့၊ အဝေရာမီးပုံးပျံကွင်းအနီးတွင် ယနေ့ ဧပြီလ ၆ ရက်၊ နံနက် ၉ နာရီခွဲခန့်က အမျိုးသား အလောင်း တစ်လောင်း တွေ့ရှိခဲ့ကြောင်း သိရသည်။

.

.

တောင်ကြီးမြို့၊ ကျောင်းကြီးစုရပ်ကွက်၊ တောင်ကြီး - ကျောက်တစ်လုံးလမ်းနှင့် အဝေရာ မီးပုံးပျံကွင်း ကြားရှိ ရေဆိုးမြောင်း ဘေးတွင် အမျိုးသားတစ်ဦးအား ပြင်ပဒဏ်ရာ မရှိဘဲ ပက်လက် အနေအထားဖြင့် သေဆုံးနေသည်ကို တွေ့ရှိခဲ့ရခြင်းဖြစ်ကြောင်း သိရသည်။

🌸 ရပ်စောက်မြို့နယ် ပြည်နယ်လွှတ်တော်ကိုယ်စားလှယ် စိုင်းထိန်စိုးကို ရှမ်းပြည်နယ်ဝန်ကြီးချုပ် ခန့်အပ်ရန် ရှမ်းလွှတ်တော် အတည်ပြု

.

တောင်ကြီး၊ ဧပြီ ၆

.

ရှမ်းပြည်နယ်လွှတ်တော်၊ ရပ်စောက်မြို့နယ် ကိုယ်စားလှယ် အမှတ် (၂) စိုင်းထိန်စိုးကို ရှမ်းပြည်နယ် ဝန်ကြီးချုပ်အဖြစ် ခန့်အပ် တာဝန်ပေးအပ်ရန် ရှမ်းပြည်နယ်လွှတ်တော်က အတည်ပြုဆုံးဖြတ်ခဲ့သည်ဟု သိရသည်။

.

.

ရှမ်းပြည်နယ်ဝန်ကြီးချုပ်အဖြစ် အတည်ပြု ခန့်အပ်ခံရသူ စိုင်းထိန်စိုးသည် ရှမ်းပြည်နယ်လွှတ်တော် ရပ်စောက် မြိုနယ် အချိုးကျကိုယ်စားပြု (PR) ကိုယ်စားလှယ်အဖြစ် ပြည်ထောင်စုကြံ့ခိုင်ရေးနှင့် ဖွံဖြိုးရေးပါတီမှ ဝင်ရောက်ယှဉ်ပြိုင် အနိုင်ရရှိထားသူဖြစ်သည်။

🌸 ဟဲဟိုး ဖောင်းသင်ရွာတွင် အမျိုးသားတစ်ဦး ကြိုးဆွဲချသေဆုံးမှု ဖြစ်ပွား

.

ကလော၊ ဧပြီ ၅

.

ကလောမြို့နယ်၊ ဟဲဟိုးမြို့၊ ဖောင်းသင်ကျေးရွာတွင် ယမန်နေ့ ဧပြီလ ၄ ရက်၊ ညပိုင်းက အသက် ၁၈ နှစ်အရွယ်ခန့်ရှိ လူငယ်အမျိုးသားတစ်ဦး ကြိုးဆွဲချသေဆုံးမှု ဖြစ်ပွားခဲ့ကြောင်း သိရသည်။

.

.

သေဆုံးသူ လူငယ်မှာ ကလောမြို့နေ မောင်ဇင်မင်းသန့် ဆိုသူဖြစ်ပြီး ယမန်နေ့ည ၈ နာရီခန့်က သမီးရည်းစားကိစ္စ တယ်လီဖုန်း ပြောဆိုပြီးနောက် ဖောင်းသင်ကျေးရွာ ဘုန်းတော်ကြီးကျောင်းဝင်းအတွင်းရှိ အဆောက်အဦတစ်ခုအနီးတွင် ကြိုးဆွဲချ သတ်သေခြင်းဖြစ်ကြောင်း သိရသည်။

🌸 မိုင်းပန်-မိုင်းဆတ်ကားလမ်းတွင် ယာဉ်တိမ်းမှောက်မှုဖြစ်ပွား

.

မိုင်းပန်၊ ဧပြီ ၅

.

မိုင်းပန်-မိုင်းဆတ်ကားလမ်းတွင် ယမန်နေ့ ဧပြီလ ၄ ရက်၊ နေ့လယ်ပိုင်းက ယာဉ်တိမ်းမှောက်မှုတစ်ခု ဖြစ်ပွားပြီး ယာဉ်မောင်းအမျိုးသား သေဆုံးခဲ့ကြောင်း သိရသည်။

.

.

မိုင်းပန်-မိုင်းဆတ် ကားလမ်း၊ ရွာသာယာကျေးရွာ၊ မိုင်တိုင်အမှတ် (၁၀၃/၄) နှင့် (၁၀၃/၅) ကြားတွင် ယမန်နေ့ ဧပြီလ ၄ ရက်၊ မွန်းလွဲ ၂ နာရီခွဲ ခန့်က ယာဉ်တစ်စီး တိမ်းမှောက်ခဲ့ပြီး ယာဉ်ပေါ်ပါ ၃ ဦး အနက် ယာဉ်မောင်းအမျိုးသားတစ်ဦး သေဆုံးကာ ယာဉ်ပေါ်တွင် လိုက်ပါလာသူ အမျိုးသားတစ်ဦး၊ အမျိုးသမီးတစ်ဦးတို့ ထိခိုက်ဒဏ်ရာများ ရရှိခဲ့ခြင်းဖြစ်ကြောင်း သိရသည်။

🌸 တောင်ကြီးတွင် တွဲကားတစ်စီး စားသောက်ဆိုင်ကို ဝင်တိုက်

.

တောင်ကြီး၊ ဧပြီ ၄

.

တောင်ကြီးမြို့၊ ကျောင်းကြီးစုရပ်ကွက်တွင် ယနေ့ ဧပြီလ ၄ ရက်၊ နံနက်ပိုင်းက အိမ်ဆောက်ပစ္စည်းများ တင်ဆောင်ကာ ရပ်နားထားသည့် တွဲကားတစ်စီး ဘရိတ်ပြုတ်ကာ စားသောက်ဆိုင်တစ်ဆိုင်ကို ဝင်ရောက်တိုက်မိမှု ဖြစ်ပွားခဲ့ကြောင်း သိရသည်။

.

.

ကျောင်းကြီးစုရပ်ကွက်၊ နယ်မြေ(၁၃) မြို့ရှောင်လမ်းဘက်တွင် ယနေ့ ဧပြီလ ၄ ရက်၊ နံနက် ၉ နာရီခွဲခန့်က ကုန်တင်တွဲကားတစ်စီးသည် ရပ်နားထားစဉ် ဘရိတ်ပြုတ်ပြီး လိမ့်ဆင်းသွားရာမှ ပန်းချယ်ရီအကြော်စုံနှင့် ကဖေးဆိုင်ကို ဝင်တိုက်မိမှု ဖြစ်ပွားခဲ့ခြင်းဖြစ်ကြောင်း သိရသည်။

🌸 တောင်ကြီးမြို့၊ စိန်ပန်းရပ်ကွက်တွင် ထရန်စဖော်မာ မီးလောင်မှုဖြစ်ပွား

.

တောင်ကြီး၊ ဧပြီ ၃

.

တောင်ကြီးမြို့၊ စိန်ပန်းရပ်ကွက်၊ နယ်မြေ (၁)၊ အောင်သပြေလမ်းရှိ လျှပ်စစ်ထရန်စဖော်မာတွင် ယနေ့ ဧပြီလ ၃ ရက်၊ နေ့လယ်ပိုင်းက ရှော့ခ်ဖြစ်ကာ မီးလောင်ကျွမ်းမှု တစ်ခုဖြစ်ပွားခဲ့ကြောင်း သိရသည်။

.

.

တောင်ကြီးမြိုနယ် လျှပ်စစ်ဓာတ်အားဖြန့်ဖြူးရေးလုပ်ငန်းဌာနပိုင် လျှပ်စစ်ထရမ်စဖော်မာ၏ ကေဘယ် ကြိုးရှော့ဖြစ်ရာမှတစ်ဆင့် ထရမ်စဖော်မာမိန်းခုံနှင့် အနီးရှိ အမှိုက်များအား မီး လောင်ကျွမ်းခဲ့ခြင်း ဖြစ်ပြီး မီးလောင်မှုကို မီးသတ်ဦးစီးဌာန၊ တောင်ကြီးမြိုနယ် လျှပ်စစ် ဓာတ်အား ဖြန့်ဖြူးရေးလုပ်ငန်းနှင့် ဌာနဆိုင်ရာ တာဝန်ရှိသူများ၊ ရပ်ကွက်နေပြည်သူများ ဝိုင်းဝန်းငြှိမ်းသတ်ခဲ့ရာ နေ့လယ် ၁၂ နာရီ ၅ မိနစ်တွင် မီးငြိမ်းသွား ခဲ့ကြောင်း သိရသည်။

🌸 တောင်ကြီးမြို့၊ ဂနိုင်ရွေးရွာတွင် နေအိမ်တစ်လုံး မီးလောင်

.

တောင်ကြီး၊ ဧပြီ ၂

.

တောင်ကြီးမြို့၊ ကံကြီးရပ်ကွက်၊ ဂနိုင်ရွေးရွာရှိ နေအိမ်တစ်လုံးတွင် ယနေ့ ဧပြီလ ၂ ရက်၊ နံနက်ပိုင်း က မီးလောင်မှုတစ်ခု ဖြစ်ပွားခဲ့ကြောင်း သိရသည်။

.

.

“လူမနေတဲ့အိမ်လို့တော့ သိရပါတယ်။ ဘာကြောင့်လောင်လဲ မသိပါဘူး” ဟု ဒေသခံတစ်ဦးက ကမ္ဘောဇတိုင်း သို့ ပြောသည်။

🌸 ကျိုင်းတုံမြို့နယ်တွင် စိတ်ကြွရူးသွပ်ဆေးပြား ၆ ထောင် ဖမ်းမိ

.

ကျိုင်းတုံ၊ ဧပြီ ၂

.

ရှမ်းပြည်နယ်အရှေ့ပိုင်း၊ ကျိုင်းတုံမြို့နယ်၊ ဝမ်ကျွမ်ကျေးရွာတွင် ယမန်နေ့ ဧပြီလ ၁ ရက်၊ နေ့လယ်ပိုင်းက စိတ်ကြွရူးသွပ်ဆေးပြား ၆ ထောင်အား ဖမ်းဆီးရမိခဲ့ကြောင်း သိရသည်။

.

.

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ ဧပြီလ ၁ ရက်၊ နေ့လယ် ၂ နာရီအချိန်ခန့်တွင် ကျိုင်းတုံမြို့နယ်၊ ဝမ်ကျွမ်ကျေးရွာနေ စိုင်းလုံတစ်(ခ)စိုင်းပုံ ၏ နေအိမ်အား ဝင်ရောက်ရှာဖွေရာ ၎င်းထံမှ စိတ်ကြွရူးသွပ်ဆေးပြား ၆,၀၀၀ ပြား၊ ဒေသကာလတန်ဖိုး ငွေကျပ် ၄၂ သိန်းအား ဖမ်းဆီးရမိခဲ့ခြင်းဖြစ်ကြောင်း သိရသည်။

🌸 တောင်ကြီးမြို့၊ ကံကြီးနှင့် ရေအေးကွင်းတို့တွင် တောမီးလောင်ကျွမ်းမှု ဖြစ်ပွား

.

တောင်ကြီး၊ ဧပြီ ၁

.

ရှမ်းပြည်နယ်မြို့တော် တောင်ကြီးမြို့၊ ကံကြီးရပ်ကွက်နှင့် ရေအေးကွင်းရပ်ကွက်တို့တွင် ယမန်နေ့ညနေပိုင်း နှင့် ယနေ့နံနက်ပိုင်းတို့က တောမီးလောင်ကျွမ်းမှု တစ်ကြိမ်စီ ဖြစ်ပွားခဲ့ကြောင်း သိရသည်။

.

.

တောင်ကြီးမြို့၊ ရေအေးကွင်းရပ်ကွက်၊ ဓာတုဝိနယရာဇာမုနိစေတီတော်အနီးတွင် ယမန်နေ့ မတ်လ ၃၁ ရက်၊ ညနေ ၄ နာရီခွဲခန့်က ကိုင်းတော မီးလောင်မှုတစ်ခု ဖြစ်ပွားခဲ့ခြင်းဖြစ်ကြောင်း သိရသည်။

🌸 တောင်ကြီး နာရီစင်ညဈေး နေရာတွင် ၇ ထပ် အဆောက်အဦ ဆောက်လုပ်သွားမည်

.

တောင်ကြီး၊ မတ် ၃၁

.

တောင်ကြီးမြို့မဈေးတောင်ဘက်၊ တပင်ရွှေထီးလမ်းရှိ နာရီစင်ညဈေးတန်း နေရာတွင် အဆင့်မြင့် ကားပါကင်နှင့် ခေတ်မီဈေး ပါဝင်သော ၇ ထပ်အဆောက်အဦကို ဆောက်လုပ်သွားမည်ဖြစ်ကြောင်း သိရသည်။

.

.

ယာဉ်ရပ်နားစခန်း အဆောက်အဦ ဆောက်လုပ်နိုင်ရေးအတွက် ရှမ်းပြည်နယ်စည်ပင်သာယာရေးဌာနနှင့် သီဟဖွံ့ဖြိုးတိုးတက်ရေးကုမ္ပဏီတို့အကြား အကျိုးတူပူးပေါင်းဆောင်ရွက်ခြင်းလုပ်ငန်း သဘောတူစာချုပ် ချုပ်ဆိုပွဲကို ယနေ့ မတ်လ ၃၁ ရက်၊ နံနက်ပိုင်းက တောင်ကြီးမြို့၊ မြို့တော်ခန်းမတွင် ပြုလုပ်ခဲ့ကြောင်း သိရသည်။

🌸 တောင်ကြီးမြို့၊ ဗိုလ်ချုပ်အောင်ဆန်းလမ်းမပေါ်တွင် သင်္ကြန်မဏ္ဍပ် ၉ ခု ဆောက်လုပ်သွားမည်

.

တောင်ကြီး၊ မတ် ၃၀

.

၁၃၈၇ ခုနှစ်၊ တောင်ကြီးမြို့တော် မြန်မာ့ရိုးရာ မဟာသင်္ကြန်ပွဲတော်တွင် ဖျော်ဖြေရေးမဏ္ဍပ်များအဖြစ် ဗိုလ်ချုပ်အောင်ဆန်းလမ်းမပေါ်၌ မဏ္ဍပ် ၉ ခု ထည့်သွင်း ဆောက်လုပ်သွားမည် ဖြစ်ကြောင်း သိရသည်။

.

.

“မြန်မာ့ရိုးရာယဉ်ကျေးမှုနဲ့အညီ ယိမ်းအကပြိုင်ပွဲတွေ၊ ဒေသခံအဆိုတော်တွေရဲ့ ဖျော်ဖြေမှုတွေနဲ့ စည်ကား သိုက်မြိုက်စွာ ကျင်းပသွားမှာ ဖြစ်ပါတယ်။ တောင်ကြီးမြို့ပေါ်မှာ ဗဟိုမဏ္ဍပ် အပါအဝင် မဏ္ဍပ် ၉ ခု ဆောက်လုပ်ဖို့ စီစဉ် ဆောင်ရွက်လျက်ရှိပါတယ်” ဟု ရှမ်းပြည်နယ်ပြန်ကြားရေးနှင့် ပြည်သူ့ဆက်ဆံရေး ဦးစီးဌာန၊ ညွှန်ကြားရေးမှူး ဦးစိုးညွန့်ရွှေက ပြောသည်။

🌸 ရှမ်းပြည်နယ်လွှတ်တော် ဥပဒေပြုရေးရာကော်မတီ အပါအဝင် ကော်မတီ ၄ ခုကို အတည်ပြုဖွဲ့စည်း

.

တောင်ကြီး၊ မတ် ၃၀

.

တတိယအကြိမ် ရှမ်းပြည်နယ်လွှတ်တော် ပထမပုံမှန်အစည်းအဝေး တတိယနေ့ကို ယနေ့ မတ်လ ၃၀ ရက်၊ နံနက်ပိုင်းက ရှမ်းပြည်နယ်လွှတ်တော် အစည်းအ‌ဝေးခန်းမတွင် ကျင်းပရာ အစည်းအဝေးတွင် ဥပဒေ ပြုရေးရာကော်မတီ အပါအဝင် ကော်မတီ ၄ ခုကို အတည်ပြု ဖွဲ့စည်းခဲ့သည်ဟု သိရသည်။

.

.

အဆိုပါကော်မတီများမှာ ဥပဒေပြုရေးဆိုင်ရာကော်မတီ၊ တိုင်းရင်းသားလူမျိုးများ အရေးဆိုင်ရာကော်မတီ၊ ပြည်နယ်လွှတ်တော် ကိုယ်စားလှယ်များ စိစစ်ရေးကော်မတီနှင့် ဒေသန္တရစီမံကိန်းနှင့် ဘဏ္ဍာငွေ အရအသုံး ဆိုင်ရာစိစစ်ရေး ကော်မတီတို့ဖြစ်ပြီး ကော်မတီများနှင့် စပ်လျဉ်း၍ ရှမ်းပြည်နယ်လွှတ်တော်ဥက္ကဋ္ဌက လွှတ်တော်၏ အတည်ပြုချက်ရယူခြင်းနှင့် ဖွဲ့စည်းကြောင်း ကြေညာခြင်းတို့ကို ဆောင်ရွက်ခဲ့သည်။

🌸 လားရှိုးတွင် မီးလောင်မှု ဖြစ်ပွား

.

လားရှိုး၊ မတ် ၃၀

.

ရှမ်းပြည်နယ်မြောက်ပိုင်း၊ လားရှိုးမြို့၊ ရပ်ကွက် (၁) တွင် ယမန်နေ့ မတ်လ ၂၉ ရက်၊ ညပိုင်းက မီးလောင်မှု တစ်ခု ဖြစ်ပွားခဲ့ကြောင်း သိရသည်။

.

.

လားရှိုးမြို့၊ အမှတ် (၁) ရပ်ကွက်၊ နယ်မြေ (၁၆) လမ်းမတော်လမ်းတွင် ယမန်နေ့ မတ်လ ၂၉ ရက်၊ ည ၁၀ နာရီခန့်က မီးလောင်မှု ဖြစ်ပွားခဲ့ခြင်းဖြစ်ပြီး မီးလောင်ရာသို့ လားရှိုးခရိုင်မီးသတ်စခန်းမှ အုပ်ချုပ်မှုယာဉ် ၁ စီး၊ လားရှိုးမြို့နယ်မီးသတ်စခန်းမှ မီးငြှိမ်းသတ်ယာဉ် ၁ စီးဖြင့် ထွက်ခွာငြှိမ်းသတ်ခဲ့ရာ ည ၁၀ နာရီ ၄၅ မိနစ် ခန့်တွင် မီးငြိမ်းသွားခဲ့ကြောင်း သိရသည်။

🌸 ညောင်ရွှေမြို့နယ်ရှိ မီးဘေးသင့်ပြည်သူများအား ရှမ်းတောင်ပရဟိတညီနောင်များကွန်ရက်က ထောက်ပံ့

.

တောင်ကြီး၊ မတ် ၂၉

.

ရှမ်းပြည်နယ်တောင်ပိုင်း၊ ညောင်ရွှေမြို့နယ်၊ အင်းလေးဒေသ၊ တုံးလည်ကျေးရွာအုပ်စု၊ တောင်ပို့ကြီး ကျေးရွာရှိ မီးဘေးသင့် အိမ်ထောင်စု ၃ စုတို့အား ရှမ်းတောင်ပရဟိတညီနောင်များကွန်ရက်က ယမန်နေ့ မတ်လ ၂၈ ရက်တွင် စားနပ်ရိက္ခာနှင့် အလှူငွေများ သွားရောက်ထောက်ပံ့ ပေးအပ်ခဲ့ကြောင်း သိရသည်။

.

.

ညောင်ရွှေမြို့နယ် အောင်စီဂျင်နှင့် လူမှုကူညီရေးအသင်း၏ တင်ပြအကူအညီတောင်းခံလာချက်အရ ရှမ်းတောင်ပရဟိတညီနောင်များကွန်ရက်က မီးဘေးသင့် မိသားစု ၃ စုအတွက် ဆန် ၆ ပြည် ၅ အိတ်၊ ဆီ (၅၀)သား ၅ ဘူး၊ ငါးသေတ္တာ ဘူး ၃၀၊ ဘာလချောင်ကျော် အထုပ် ၃၀၊ ခေါင်းအုံး ၉ လုံး၊ ခြင်ထောင် ၃ လုံး၊ စုစုပေါင်း တန်ဖိုးငွေကျပ် ၅၃၇၅၀၀ ကျပ်အား ထောက်ပံ့လှူဒါန်းခဲ့ကြောင်း သိရသည်။

🌸 တောင်ကြီးတွင် ဂက်စ်မီးဖိုပေါက်ကွဲရာမှ မီးလောင်မှု ဖြစ်

.

တောင်ကြီး၊ မတ် ၂၇

.

ရှမ်းပြည်နယ်တောင်ပိုင်း၊ တောင်ကြီးမြို့၊ ပြည်တော်သာရပ်ကွက်၊ နှင်းဆီလမ်းနှင့် ဂုဏ်ထူးလမ်းထောင့်၊ မြတ်သူ စက်သုံးဆီဆိုင်အနီးရှိ နေအိမ်တစ်လုံး ယနေ့ မတ်လ ၂၇ ရက် ၁၀ နာရီခွဲခန့်က နေအိမ် မီးဖိုချောင်ရှိ ဂက်စ်အိုး ပေါက်ကွဲရာမှ မီးလောင်မှု ဖြစ်ပွားခဲ့ကြောင်း သိရသည်။

.

.

“အိမ်နဲ့ ဆိုင်ကယ်တော့ မီးလောင် ပျက်ဆီးတာ တွေ့ရတယ်။ လူတွေ ဘာတွေတော့ ထိခိုက်တာ မရှိပါဘူး” ဟု မီးလောင်ရာ နေရာသို့ သွားရောက် ကူညီသူ တစ်ဦးက ပြောသည်။

🌸 တောင်ကြီးမြို့နယ်၊ မဲသောင်းကျေးရွာတွင် ဝါးရုံတောမီးလောင်

.

တောင်ကြီး၊ မတ် ၂၇

.

ရှမ်းပြည်နယ်တောင်ပိုင်း၊ တောင်ကြီးမြို့နယ်၊ နောင်လေကျေးရွာအုပ်စု၊ မဲသောင်းကျေးရွာတွင် ယမန်နေ့ မတ်လ ၂၆ ရက်၊ ညနေပိုင်းက ဝါးရုံတောမီးလောင်ကျွမ်းမှု ဖြစ်ပွားခဲ့ကြောင်း သိရသည်။

.

.

နောင်လေကျေးရွာအုပ်စု၊ မဲသောင်းကျေးရွာတွင် ယမန်နေ့ ညနေ ၃ နာရီခန့်က ဝါးရုံတော၌ တောမီး လောင်ကျွမ်းမှု ဖြစ်ပွားခဲ့ခြင်းဖြစ်ပြီး မီးလောင်မှုဖြစ်ပွားရာသို့ တောင်ကြီး ခရိုင်မီးသတ်ဦးစီးဌာနမှ မီးငြှိမ်းသတ်ယာဉ် ၁ စီး၊ သန္ဓေနှင့် အရန်မီးသတ်တပ်ဖွဲ့ဝင်များ၊ ကျေးရွာသူ/ကျေးရွာသားများဖြင့် ဝိုင်းဝန်း ငြှိမ်းသတ်ခဲ့ရာ ညနေ ၃ နာရီ ၅၀ ခန့်တွင် မီးငြိမ်းသွားခဲ့ကြောင်း သိရသည်။

🌸 တောင်ကြီးမှ အသက် ၂၁ နှစ်အရွယ် လူငယ်တစ်ဦး ပျောက်ဆုံးနေ

.

တောင်ကြီး၊ မတ် ၂၆

.

ရှမ်းပြည်နယ်မြို့တော်၊ တောင်ကြီးမြို့မှ အသက် ၂၁ နှစ်အရွယ် လူငယ်တစ်ဦး မတ်လ ၂၄ ရက်၊ ညပိုင်းက ကရင်မရေထွက်အနီးသို့ သွားရောက်ရာမှ ပျောက်ဆုံးနေကြောင်း သိရသည်။

.

.

“၂၄ ရက်၊ ညပိုင်းက အလုပ်ကနေ အစောကြီးပြန်လာပြီးတော့ ပိုက်ဆံတစ်သောင်းတောင်းပြီး သူငယ်ချင်း တွေနဲ့ အပြင်ပြန်ထွက်သွားတာပါ။ ပြီးတော့ သူငယ်ချင်းတွေက ပြန်လာပြီး သူတစ်ယောက်ထဲ ကရင်မ ရေထွက်ဘက်ကို ဆက်သွားရင်းနဲ့ အပြန်မှာ ပျောက်သွားတာပါ” ဟု နီးစပ်သူတစ်ဦးက ပြောသည်။

🌸 တာချီလိတ်တွင် ဆိုင်ကယ်ခိုးသူ ၄ ဦးကို ဖမ်းမိ

.

တာချီလိတ်၊ မတ် ၂၆

.

ရှမ်းပြည်နယ်အရှေ့ပိုင်း၊ တာချီလိတ်မြို့တွင် ယမန်နေ့ မတ်လ ၂၅ ရက်၊ နံနက်ပိုင်းက ဆိုင်ကယ်ခိုးယူသူ ၄ ဦးကို ခိုးရာပါမော်တော်ဆိုင်ကယ်များနှင့်အတူ ဖမ်းဆီးရမိခဲ့ကြောင်း သိရသည်။

.

.

တာချီလိတ်ရဲတပ်ဖွဲ့မှူးရုံး၊ မှုခင်းနှိမ်နင်းရေးဌာနစိတ်နှင့် နယ်ထိန်းတပ်ဖွဲ့ဝင်များသည် မတ်လ ၂၆ ရက်၊ နံနက်ပိုင်းက တာချီလိတ်မြို့ ပေါ်ရပ်ကွက်များအတွင်း လှည့်ကင်းဆောင်ရွက်နေစဉ် ဆိုင်ကယ်ခိုးမှုဖြင့် ပြစ်ဒဏ်ကျခဲ့ဖူးသူ ဆောင်းဦး (ခ) သားပုအား တရုတ်နိုင်ငံထုတ် Kenbo Click အမျိုးအစား နီ/နက်ရောင် ဆိုင်ကယ်နှင့်အတူ ဖမ်းဆီးရမိခဲ့ခြင်းဖြစ်ကြောင်း သိရသည်။

🌸 လွှတ်တော် ရေးရာကော်မတီ ၄ ခု၏ အမည်စာရင်းကို ရှမ်းပြည်နယ်လွှတ်တော်သို့ တင်သွင်း

.

တောင်ကြီး၊ မတ် ၂၆

.

ရှမ်းပြည်နယ် လွှတ်တော် ဥက္ကဋ္ဌ ဦးစိုင်းလုံကျော် က လွှတ်တော်ရေးရာကော်မတီ ၄ ခု၏ အမည်စာရင်းကို ရှမ်းပြည်နယ်လွှတ်တော်သို့ တင်သွင်းခဲ့သည်ဟု သိရသည်။

.

.

တတိယအကြိမ် ရှမ်းပြည်နယ်လွှတ်တော် ပထမပုံမှန် အစည်းအဝေး၊ ဒုတိယနေ့ကို ယနေ့ မတ်လ ၂၆ ရက်၊ နံနက်ပိုင်းက ရှမ်းပြည်နယ်လွှတ်တော် အစည်းအဝေးခန်းမတွင် ကျင်းပရာ အစည်းအဝေး၌ ရှမ်းပြည်နယ် လွှတ်တော် ဥက္ကဋ္ဌက ကော်မတီတစ်ခုချင်းစီ၏ ဥက္ကဋ္ဌ၊ အတွင်းရေးမှူးနှင့် အဖွဲ့ဝင် အမည်စာရင်း တို့ကို လွှတ်‌တော်သို့ ဖတ်ကြားတင်သွင်းခဲ့ခြင်း ဖြစ်သည်။

🌸 ဟဲဟိုးတွင် ယာဉ်တိမ်းမှောက်မှုဖြစ်ပွား

.

ဟဲဟိုး၊ မတ် ၂၄

.

ရှမ်းပြည်နယ်တောင်ပိုင်း၊ ကလောမြို့နယ်၊ ဟဲဟိုးမြို့၊ သီခေါင်တောင်ကျေးရွာအုပ်စု၊ ပေါပဲကျေးရွာ အနီးတွင် ယ‌နေ့ မတ်လ ၂၄ ရက်၊ ညနေပိုင်းက ယာဉ်တိမ်းမှောက်မှုတစ်ခု ဖြစ်ပွားခဲ့ကြောင်း သိရသည်။

.

.

သီခေါင်တောင်ကျေးရွာအုပ်စု၊ ပေါပဲပင်ကျေးရွာအနီး၊ ပြည်ထောင်စု လမ်းမကြီး၊ မိုင်တိုင်အမှတ်(၈၇/၅)နှင့် (၈၇/၆)ကြား တွင် ယနေ့ ညနေ ၅ နာရီခွဲခန့်က ယာဉ်တစ်စီး တိမ်းမှောက်ခဲ့ခြင်းဖြစ်ပြီး ကားအတွင်း လူ ၂ ဦး ညှပ်မိခဲ့ခြင်းဖြစ်ကြောင်း သိရသည်။

🌸 ထင်းရှူးမြို့တော် ကလောမဂ္ဂဇင်း စာအုပ် စတင်မိတ်ဆက်

.

တောင်ကြီး၊ မတ် ၂၄

.

ထင်းရှူးမြို့တော် ကလောမဂ္ဂဇင်း စာအုပ် မိတ်ဆက်ပွဲကို ယနေ့ မတ်လ ၂၄ ရက်၊ နံနက်ပိုင်းက တောင်ကြီးမြို့၊ လူထုအခြေပြုဗဟိုဌာန၊ ဘက်စုံသုံးခန်းမတွင် ပြုလုပ်ခဲ့ကြောင်း သိရသည်။

.

.

အခမ်းအနားတွင် တာဝန်ရှိသူများက ထင်းရှူးမြို့တော် ကလောမဂ္ဂဇင်း စာအုပ်နှင့် ပတ်သက်၍ အမှာ စကားများ အသီးသီး ပြောကြားခဲ့သည်။

🌸 ကွန်ဟိန်းမြို့နယ်တွင် ငွေကျပ်သိန်း ၈၄၀၀ တန်ဖိုးရှိ ဘိန်းဖြူဘလောက်တုံးများအား သယ်ဆောင်လာသူများနှင့်အတူ ဖမ်းမိ

.

ကွန်ဟိန်း၊ မတ် ၂၃

.

ရှမ်းပြည်နယ်တောင်ပိုင်း၊ ကွန်ဟိန်းမြို့နယ်တွင် မတ်လ ၁၉ ရက်၊ နံနက်ပိုင်းက ငွေကျပ် သိန်း ၈၄၀၀ တန်ဖိုးရှိ ဘိန်းဖြူဘလောက်တုံးများအား သယ်ဆောင်လာသူများနှင့်အတူ ဖမ်းဆီးရမိခဲ့ကြောင်း သိရသည်။

.

.

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်း အဖွဲ့သည် မတ်လ ၁၉ ရက်၊ နံနက် ၇ နာရီခွဲခန့်က ကွန်ဟိန်းမြို့နယ်၊ ဆိုင်းမွန်ကျေးရွာအနီး၊ ကွန်ဟိန်း-ခိုလမ်သွားကားလမ်းတွင် မော်တော်ယာဉ် များအား စစ်ဆေးရှာဖွေစဉ် စိုင်းလိန်ခမ်း မောင်းနှင်ပြီး စိုင်းဆိုင်ဝမ်း လိုက်ပါလာသည့် TOYOTA PROBOX အမျိုးအစား မော်တော်ယာဉ်အား ရပ်တန့်စစ်ဆေးရှာဖွေရာ ယာဉ်ပေါ်တွင် သိုဝှက် သယ်ဆောင်လာသော ဘိန်းဖြူဘလောက်တုံး ၂၀၀ တုံး၊ အလေးချိန် ၇၀ ကီလို၊ ဒေသကာလတန်ဖိုးငွေကျပ်သိန်း ၈၄၀၀ အား တွေ့ရှိသိမ်းဆည်းရမိခဲ့ခြင်းဖြစ်ကြောင်း သိရသည်။

🌸 တောင်ကြီး-ပင်ငို သွားလမ်းတွင် အမျိုးသား ၂ ဦး ဓါတ်လိုက်သေဆုံး

.

တောင်ကြီး၊ မတ် ၂၂

.

ရှမ်းပြည်နယ်တောင်ပိုင်း၊ တောင်ကြီးမြို့နယ်၊ နမ့်ဆီးကျေးရွာအုပ်စု၊ တောင်ကြီး-ပင်ငိုသွားလမ်းတွင် ယနေ့ မတ်လ ၂၂ ရက်၊ ညနေ ၃ နာရီခန့်က အမျိုးသား ၂ ဦး ဓါတ်လိုက်သေဆုံးခဲ့ ကြောင်း သိရသည်။

.

.

တောင်ကြီးမြို့နှင့် ၅ မိုင်ခန့်အကွာ၊ တောင်ကြီး-ပင်ငိုသွားလမ်းရှိ တောင်ကြီး-ဟိုပုံး သွယ်တန်းထားသည့် ဗို့အား ၁၁၀၀၀ ရှိ လျှပ်စစ်ဓာတ်မီးတိုင်မှ မီးကြိုးတစ်ချောင်းသည် လေတိုက်ခတ်မှုကြောင့် မြေပြင်နှင့် ၃ ပေ အကွာအထိ လျှော့ကျနေချိန်တွင် ပင်ငိုကျေးရွာနေ ခွန်ကျော်ထူး မောင်းနှင်ပြီး ခွန်ဖြိုးအောင် လိုက်ပါစီးနင်း လာသည့် မော်တော်ဆိုင်ကယ်သည် လျှပ်စစ်ဓါတ်ကြိုးအား ဝင်ရောက်ချိတ်မိရာမှ သေဆုံးခဲ့ရခြင်း ဖြစ်ကြောင်း သိရသည်၊

🌸 တာချီလိတ်တွင် အိုက်စ် မူးယစ်ဆေး ကီလို ၂၆၀ ခန့် ဖမ်းမိ

.

တာချီလိတ်၊ မတ် ၂၂

.

ရှမ်းပြည်နယ်အရှေ့ပိုင်း၊ တာချီလိတ်မြို့၊ ပုန်းထွန်ရပ်ကွက်၊ မယ်ဆိုင်ချောင်းဘေးတွင် ယနေ့ မတ်လ ၂၂ ရက်၊ နံနက်အစောပိုင်းက ငွေကျပ် ၂ ဒသမ ၀၈ ဘီလီယံ ခန့်တန်းဖိုးရှိ အိုက်စ် မူးယစ်ဆေး ၂၆၀ ကီလိုဂရမ် ခန့်အား ဖမ်းဆီးရမိခဲ့ကြောင်း သိရသည်။

.

.

တာချီလိတ်မြို့၊ ပုန်းထွန်းရပ်ကွက်၊ မယ်ဆိုင်ချောင်းဘေးရှိ မြေထိန်းနံရံ တည်ဆောက်နေသည့်နေရာ၌ ယနေ့ မတ်လ ၂၂ ရက်၊ နံနက် ၂ နာရီ ၃၅ မိနစ်ခန့်က မသင်္ကာဖွယ်ရာ လူတစ်စု အနက်ရောင် အိတ်များအား မြေထိန်းနံရံကိုကျော်၍ ကြိုးဖြင့်ချိတ်ဆွဲချကာ မယ်ဆိုင်ချောင်းကို ဖြတ်၍ ထိုင်းနိုင်ငံ ဘက်သို့ပို့ရန် ဆောင်ရွက်နေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးရှာဖွေရာ စိုင်းမောင်ဝမ်း (ခ)ဝမ်းဝမ်း နှင့်အတူ အိတ် ၁ လုံးလျှင် အထုပ် ၂၀ နှုန်းဖြင့် အိုက်စ် ၂၀ ကီလိုဂရမ်ခန့်ပါ အိတ် ၁၃ လုံးအတွင်းမှ အိုက်စ် ၂၆၀ ကီလိုဂရမ်ခန့်၊ ခန့်မှန်းငွေကျပ် ၂ ဒသမ ၀၈ ဘီလီယံခန့် တန်ဖိုးရှိ မူးယစ်ဆေးဝါး (အိုက်စ်)များအား ဖမ်းဆီးရမိခဲ့ခြင်း ဖြစ်ကြောင်း သိရသည်။

🌸 တောင်ကြီးတွင် သင်္ကြန်မဏ္ဍပ်များ စတင်ဆောက်လုပ်နေ

.

တောင်ကြီး၊ မတ် ၂၁

.

ရှမ်းပြည်နယ်မြို့တော် တောင်ကြီးမြို့၊ ဗိုလ်ချုပ်အောင်ဆန်းလမ်းပေါ်တွင် သင်္ကြန်မဏ္ဍပ်များ စတင်ဆောက်လုပ်လျက်ရှိကြောင်း သိရသည်။

.

.

တောင်ကြီးမြို့၊ ဗိုလ်ချုပ်အောင်ဆန်းလမ်းရှိ ရှမ်းပြည်နယ်လွှတ်တော်ခန်းမနှင့် ရှမ်းပြည်နယ်ယဉ်ကျေးမှု ပြတိုက်ကြားတွင် မဏ္ဍပ်ဆောက်လုပ်နေခြင်းဖြစ်ကြောင်း သိရသည်။

🌸 တောင်ကြီးမြို့၊ သစ်တောရပ်ကွက်တွင် ဆိုင်ကယ်တစ်စီး ခိုးယူခံရ

.

တောင်ကြီး၊ မတ် ၂၁

.

တောင်ကြီးမြို့၊ သစ်တောရပ်ကွက်ရှိ ဆိုင်တစ်ဆိုင်ရှေ့တွင် ခေတ္တရပ်နားထားသည့် ဆိုင်ကယ်တစ်စီး ယမန်နေ့ မတ်လ ၂၀ ရက်၊ ညပိုင်းက ခိုးယူခံခဲ့ရကြောင်း သိရသည်။

.

.

သစ်တောရပ်ကွက်၊ အထက (၁) ကျောင်းအနီးရှိ Mini sushi ဆိုင်ရှေ့တွင် ရပ်ထားသည့် HONDA အဖြူရောင် မော်တော်ဆိုင်ကယ်တစ်စီး ခိုးယူခံခဲ့ရခြင်း ဖြစ်ကြောင်း သိရသည်။

🌸 အောင်သပြေတွင် လမ်းချော်ကာ ယာဉ်တိုက်မှုဖြစ်ပွား

.

တောင်ကြီး၊ မတ် ၂၀

.

ရှမ်းပြည်နယ်တောင်ပိုင်း၊ တောင်ကြီးမြို့နယ်၊ ရွှေညောင်မြို့၊ အောင်သပြေရပ်ကွက်တွင် ယနေ့ မတ်လ ၂၀ ရက်၊ ညနေပိုင်းက မိုးရွာသွန်းသဖြင့် လမ်းချော်ကာ ကား ၂ စီးနှင့် ဆိုင်ကယ် ၁ စီး ဝင်ရောက်တိုက်မိမှု ဖြစ်ပွားခဲ့ကြောင်း သိရသည်။

.

.

ရွှေညောင်မြို့၊ အောင်သပြေရပ်ကွက်၊ စွယ်တော်လမ်းခွဲတွင် ယနေ့ မတ်လ ၂၀ ရက်၊ ညနေ ၃ နာရီ ၅၀ မိနစ်ခန့်က အတက်လမ်းမှကားသည် လမ်းချော်ပြီး အဆင်းလမ်းဘက်သို့ ရောက်ရှိကာ တစ်ဘက် အဆင်း လမ်းမှ ဆင်းလာသည့် ကားနှင့် ဝင်ရောက်တိုက်မိခဲ့ပြီး နောက်မှ ကပ်လိုက်လာသည့် ဆိုင်ကယ်တစ်စီးနှင့် ထပ်မံတိုက်မိခဲ့ခြင်းဖြစ်ကြောင်း သိဥသည်။

🌸 ရှမ်းပြည်နယ်လွှတ်တော် ဥက္ကဋ္ဌအဖြစ် စိုင်းလုံကျော် ရွေးချယ်တင်မြှောက်ခံရ

.

တောင်ကြီး၊ မတ် ၂၀

.

တတိယအကြိမ် ရှမ်းပြည်နယ်လွှတ်တော် ဥက္ကဌ အဖြစ် စိုင်းလုံကျော် ကို ရှမ်းပြည်နယ်လွှတ်တော်က ရွေးချယ် တင်မြှောက်ခဲ့ကြောင်း သိရသည်။

.

.

တတိယအကြိမ် ရှမ်းပြည်နယ်လွှတ်တော် ပထမပုံမှန်အစည်းအဝေး၊ ပထမ‌နေ့ကို ယနေ့ မတ်လ ၂၀ ရက်၊ နံနက် ၁၀ နာရီတွင် တောင်ကြီးမြို့ရှိ ရှမ်းပြည်နယ်လွှတ်တော်ရုံး အစည်းအဝေးခန်းမ၌ ပြုလုပ်ခဲ့ခြင်း ဖြစ်သည်။

🌸 ကျိုင်းတုံမြို့နယ်တွင် ဘိန်းစိမ်း ကီလို ၄၀ ကျော် ဖမ်းမိ

.

ကျိုင်းတုံ၊ မတ် ၁၉

.

ရှမ်းပြည်နယ်အရှေ့ပိုင်း၊ ကျိုင်းတုံမြို့နယ်၊ ကျိုင်းဖောင်းကျေးရွာအနီးတွင် မတ်လ ၁၇ ရက်၊ ညပိုင်းက ဘိန်းစိမ်းအလေးချိန် ကီလို ၄၀ ကျော်အား သယ်ဆောင်လာသူနှင့်အတူ ဖမ်းဆီးရမိခဲ့ကြောင်း သိရသည်။

.

.

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် မတ်လ ၁၇ ရက်နေ့ ည ၁၁ နာရီခန့်က သက်သေများနှင့်အတူ ကျိုင်းတုံမြို့နယ်၊ ကျိုင်းဖောင်းကျေးရွာအနီးတွင် အပေါ မောင်းနှင်လာသည့် မော်တော်ဆိုင်ကယ်အား ရပ်တန့်စစ်ဆေးရှာဖွေရာ ဆိုင်ကယ်ခွကြားတွင် သယ်ဆောင် လာသော ဆာလာအိတ်များအတွင်းမှ ဘိန်းစိမ်း အလေးချိန် ၄၀ ဒသမ ၅ ကီလို၊ ဒေသကာလတန်ဖိုး ငွေကျပ် ၂၀၂ ဒသမ ၅ သိန်းအား ဖမ်းဆီးရမိခဲ့ခြင်းဖြစ်ကြောင်း သိရသည်။

🌸 ရှမ်းယူနိုက်တက်အသင်း ၆ နှစ်ဆက် ချန်ပီယံအဖြစ် မှတ်တမ်းဝင်

.

တောင်ကြီး၊ မတ် ၁၈

.

ရှမ်းယူနိုက်တက်အသင်းသည် မြန်မာနေရှင်နယ်လိဂ် ၂၀၂၅/၂၆ ခုနှစ် ဘောလုံးရာသီ၏ ချန်ပီယံ ဖြစ်ခဲ့ပြီးနောက် ပြိုင်ပွဲသမိုင်းတစ်လျှောက် ၆ နှစ်ဆက်တိုက် ချန်ပီယံအဖြစ် မှတ်တမ်းဝင်သွားခဲ့သည်။

.

.

ယခုရာသီ မြန်မာနေရှင်နယ်လိဂ် ပြိုင်ပွဲ၏ နောက်ဆုံး ပွဲစဥ် ၂၂ အဖြစ် ရှမ်းယူနိုက်တက်အသင်းနှင့် ဟံသာဝတီယူနိုက်တက်အသင်းတို့သည် ယနေ့ မတ်လ ၁၈ ရက်၊ ညနေပိုင်းတွင် တောင်ကြီးကွင်း၌ ‌ယှဥ်ပြိုင်ကစားခဲ့ရာ ရှမ်းယူနိုက်တက်အသင်းက ဟံသာဝတီယူနိုက်တက်အသင်းကို မြတ်ကောင်းခန့်၏ တစ်လုံးတည်းသော သွင်းဂိုးဖြင့် အနိုင်ယူခဲ့ခြင်း ဖြစ်သည်။

🌸 လားရှိုးမြို့တွင် စိတ်ကြွရူးသွပ်ဆေးပြား ၈ ထောင်နှင့် ဘိန်းဖြူများ ဖမ်းမိ

.

လားရှိုး၊ မတ် ၁၈

.

ရှမ်းပြည်နယ်မြောက်ပိုင်း၊ လားရှိုးမြို့တွင် ယမန်နေ့ မတ်လ ၁၇ ရက်၊ နံနက်ပိုင်းက စိတ်ကြွရူးသွပ်ဆေးပြား ၈၀၀၀ နှင့် ဘိန်းဖြူများ ဖမ်းဆီးရမိခဲ့ကြောင်း သိရသည်။

.

.

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ မတ်လ ၁၇ ရက်၊ နံနက် ၁၀ နာရီခန့်တွင် လားရှိုးမြို့၊ ရပ်ကွက် (၇)နေ လောက်ခမ်း (ခ) အားခမ်း ၏ နေအိမ်အား ဝင်ရောက်ရှာဖွေရာ ၎င်းထံမှ စိတ်ကြွရူးသွပ်ဆေးပြား ၈၀၀၀ ပြား၊ ဒေသကာလတန်ဖိုးငွေကျပ် သိန်း ၈၀ နှင့် ဘိန်းဖြူ အလေးချိန် ၁၀ ဂရမ်၊ ဒေသကာလတန်ဖိုးငွေကျပ် ၂ သိန်းတို့အား တွေ့ရှိသိမ်းဆည်း ရမိခဲ့ခြင်းဖြစ်ကြောင်း သိရသည်။

🌸 အလှည့်ကျမီးပေးစနစ် စတင်မည်ဟု ထုတ်ပြန်ကြေညာ

.

တောင်ကြီး၊ မတ် ၁၈

.

ယနေ့ မတ်လ ၁၈ ရက်မှ စတင်၍ မြန်မာတစ်နိုင်ငံလုံးအတိုင်းအတာအနေဖြင့် နွေရာသီ အလှည့်ကျ မီးပေးစနစ် ပြောင်းလဲကျင့်သုံးသွားမည်ဖြစ်ကြောင်း လျှပ်စစ်စွမ်းအားဝန်ကြီးဌာနက ယမန်နေ့ညပိုင်းတွင် ထုတ်ပြန်ကြေညာခဲ့သည်ဟု သိရသည်။

.

.

နွေရာသီ အပူချိန်မြင့်တက်လာမှုကြောင့် လျှပ်စစ်သုံးစွဲမှု မြင့်တက်လာခြင်းနှင့် ထုတ်လုပ်နိုင်စွမ်း အကန့်အသတ်ရှိခြင်းတို့ကြောင့် ယခုလို အလှည့်ကျစနစ် ဆောင်ရွက်ရခြင်းဖြစ်ကြောင်း ထုတ်ပြန်ချက် တွင် ဖော်ပြထားသည်။

🌸 တောင်ကြီးမှ ရန်ကုန်သွားမည့် ခရီးသည်တစ်ဦးထံက စိတ်ပြောင်းဆေးဝါးများ ဖမ်းမိ

.

တောင်ကြီး၊ မတ် ၁၇

.

မန္တလေးတိုင်းဒေသကြီး၊ သာစည်မြို့နယ်၊ ကျွဲတပ်ဆုံကျေးရွာအနီးတွင် တောင်ကြီးမှ ရန်ကုန်မြို့သို့ သွားရောက်မည့် ခရီးသည်တစ်ဦးထံမှ စိတ်ပြောင်းဆေးဝါး ကက်တမင်းများ ဖမ်းဆီးရမိခဲ့ကြောင်း သိရသည်။

.

.

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် မတ်လ ၁၄ ရက်၊ ည ၁၀ နာရီခန့်က သာစည်မြို့နယ်၊ ကျွဲတပ်ဆုံကျေးရွာအနီးတွင် မော်တော်ယာဉ်များအား စစ်ဆေးရှာဖွေစဉ် တောင်ကြီးမြို့ဘက်မှ ရန်ကုန်မြို့ဘက်သို့ မောင်းနှင်လာသည့် ခရီးသည်တင် မော်တော်ယာဉ်အား ရပ်တန့်စစ်ဆေးရှာဖွေရာ ယာဉ်ပေါ်တွင် လိုက်ပါလာသောခရီးသည် ဖြိုးမင်းဇော် ထံမှ စိတ်ပြောင်းဆေးဝါး ကက်တမင်း အလေးချိန် ၁ ဒသမ ၈၇ ကီလို၊ ဒေသကာလတန်ဖိုးငွေကျပ် ၅၆၁ သိန်းအား ဖမ်းဆီးရမိခဲ့ခြင်း ဖြစ်ကြောင်း သိရသည်။

🌸 ရှမ်းပြည်နယ် အပါအဝင် တိုင်းနှင့်ပြည်နယ်အချို့တွင် မိုးရွာသွန်းခြင်းနှင့် လေပြင်းတိုက်ခတ်ခြင်းများ ဖြစ်ပေါ်နိုင်

.

တောင်ကြီး၊ မတ် ၁၇

.

ရှမ်းပြည်နယ်အပါအဝင် တိုင်းဒေသကြီးနှင့် ပြည်နယ်အချို့တွင် ယနေ့ မတ်လ ၁၇ ရက်၌ မိုးရွာသွန်းခြင်း၊ လေပြင်းတိုက်ခတ်ခြင်းများ ဖြစ်ပေါ်နိုင်ကြောင်း မိုး/ဇလ က ယမန်နေ့ မတ်လ ၁၆ ရက် ညပိုင်းတွင် သတိပေး နှိုးဆော်ထားသည်။

.

.

တိုင်းဒေသကြီးနှင့် ပြည်နယ်အချို့တွင် ယနေ့ မတ်လ ၁၇ ရက်၌ မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များဖြစ်ပေါ်နိုင်သဖြင့် ကြိုတင်သတိပြုကြရန် မိုး/ဇလက ထုတ်ပြန်ထားသည်။

🌸 တောင်ကြီးမြို့တော် မဟာသင်္ကြန်ပွဲတော်ကို စည်ကားသိုက်မြိုက်စွာ ကျင်းပသွားမည်

.

တောင်ကြီး၊ မတ် ၁၆

.

ရှမ်းပြည်နယ်မြို့တော် တောင်ကြီးမြို့တွင် မြန်မာ့ရိုးရာ မဟာသင်္ကြန်ပွဲတော်ကို စည်ကားသိုက်မြိုက်စွာ ကျင်းပ ပြုလုပ်သွားမည်ဖြစ်ကြောင်း သိရသည်။

.

.

“ယိမ်းပြိုင်ပွဲတွေလုပ်မယ်။ လမ်းလျှောက်သင်္ကြန်လုပ်မယ်။ အင်းလေးရေပေါ်သင်္ကြန်လုပ်မယ်။ စတုဒိသာ ကျွေးတာတွေ လုပ်မယ်။ ရှမ်းပြည်နယ်ဝန်ကြီးဌာန မဏ္ဍပ်တွေ မိန်းလမ်းပေါ်မှာလုပ်မယ်။ အဓိက ကတော့ ရိုးရာယဉ်ကျေးမှု မပျောက်ပျက်အောင် စည်ကားသိုက်မြိူက်စွာ ကျင်းပပြုလုပ်သွားမှာပါ” ဟု တာဝန်ရှိသူ တစ်ဦးက ပြောသည်။

🌸 တက္ကသိုလ်ဝင်စာမေးပွဲ ပဉ္စမနေ့တွင် ရှမ်းပြည်နယ်အတွင်း ပျက်ကွက်သူ ၇၃၇ ဦး ရှိ

.

၂၀၂၆ ခုနှစ် ၊ မတ်လ ၁၆ ရက်

.

၂၀၂၆ ခုနှစ်၊ တက္ကသိုလ်ဝင်စာမေးပွဲ ပဉ္စမနေ့အဖြစ် သမိုင်းဘာသာရပ်နှင့် ရူပဗေဒဘာသာရပ်များကို ယနေ့ မတ်လ ၁၆ ရက်၊ နံနက်ပိုင်းက ရှမ်းပြည်နယ်အတွင်းရှိ စာဖြေဌာနအသီးသီးတွင် ဆက်လက်ဖြေဆိုခဲ့ရာ ရှမ်းပြည်နယ် တစ်ခုလုံး အတိုင်းအတာအနေဖြင့် ပျက်ကွက်သူ ၇၃၇ ဦး ရှိခဲ့ကြောင်း သိရသည်။

.

.

ရှမ်းပြည်နယ်တစ်ခုလုံးတွင် ဘာသာရပ် ၂ ခုပေါင်း စာရင်းပေးထားသူ ကျောင်းသား/သူ ၁၇၇၆၁ ဦး ရှိသည့်အနက် ကျောင်းသား/သူ ၁၇၀၂၄ ဦး လာရောက်ဖြေဆိုခဲ့ပြီး စုစုပေါင်း ဖြေဆိုသူ ရာခိုင်နှုန်း ၉၅ ဒသမ ၈၅ ရာခိုင်နှုန်းရှိကာ ပျက်ကွက်သူ စုစုပေါင်း ၇၃၇ ဦး ရှိခဲ့သည်။