🌸 “Whenever Possible” Season 5 မကြာခင် ထွက်ရှိတော့မယ့်အကြောင်း SBS ကြေညာ

.

ဇွန်၊ ၂၁

.

နာမည်ကျော် အစီအစဉ်တင်ဆက်သူ ယူဂျယ်ဆော့နဲ့ သရုပ်ဆောင် ယူယွန်းဆော့ တို့နှစ်ဦး ပါဝင်ထားတဲ့  “Whenever Possible” Season 5 ထွက်ရှိလာတော့မယ့်အကြောင်း SBS က အတည်ပြုလိုက်ပါတယ်။

.

.

ဒီအစီအစဉ်က နိုင်ငံတဝှမ်းကနေ ပါဝင်ချင်သူ ပရိသတ်တွေဆီကို ကိုယ်တိုင်သွားရောက်၊ ဂိမ်းကစားပြီး တန်ဖိုးကြီးဆုတွေ ပေးတဲ့အစီအစဉ်မို့ ပရိသတ်အကြိုက်ဆုံး အစီအစဉ်တွေထဲက တစ်ခုဖြစ်သလို SBS ရုပ်သံရဲ့ လူကြိုက်အများဆုံး Variety Show အစီအစဉ်တစ်ခုလည်း ဖြစ်နေတာပါ။

.

ဇွန်လ ၁၉ ရက်မှာ ပါဝင်လိုသူတွေလျှောက်ထားလို့ရတဲ့ ကြေညာချက်ကို SBS က ထုတ်ပြန်ခဲ့ပြီး Season အသစ် စတင်ပြီဖြစ်တဲ့အကြောင်း တရားဝင်အသိပေးခဲ့တာပါ။

.

ဒီအစီအစဉ်ရဲ့ ပရိုဂျုဆာဖြစ်တဲ့ ချွဲဘိုဖီက အရင်တုန်းက ရန်းနင်းမန်း ကို ရိုက်ကူးခဲ့တဲ့ ပရိုဂျူဆာဖြစ်ပြီး Variety Show ပရိုဂျုဆာတွေထဲမှာ နာမည်ကြီးသူပါ။

.

“Whenever Possible” က Season အသစ်မှာ ပရိသတ်တွေ၊ ကြည့်ရှုသူတွေ ပိုပြီး ရင်ခုန်ခံစားနိုင်ဖို့ ကျွန်တော်တို့ ကြိုးစားသွားမှာပါ လို့ ဘိုဖီက ပြောဆိုထားပါတယ်။

.

ဒီအစီအစဉ်ကို ၂၀၂၄ ခုနှစ် ဧပြီလမှာ စတင်ထုတ်လွှင့်ခဲ့ပြီးတဲ့နောက် ပရိသတ်တွေအကြိုက်ဆုံး Variety Show တွေထဲက တစ်ခုဖြစ်လာခဲ့ပြီး အပိုင်းတိုင်းမှာ ပါဝင်လာတဲ့ ဧည့်သည်သရုပ်ဆောင်တွေကလည်း အစီအစဉ်ရဲ့စိတ်ဝင်စားမှုကို မြင့်တက်လာစေခဲ့တာပါ။

.

“Whenever Possible” Season 5 ကို ၂၀၂၆ ခုနှစ် ဩဂုတ်လမှာ ထုတ်လွှင့်ပြသသွားနိုင်ဖို့ ရည်ရွယ်ထားပြီး အသေးစိတ်အချက်အလက်တွေကို ဆက်လက်ထုတ်ပြန်သွားမှာဖြစ်တယ်လို့ SBS က အသိပေးထား ပါသေးတယ်။

.

Source – Soompi

.

#ShanGazette #Entertainment

.