🌸 တောင်ကြီး-ကျောက်တလုံးကြီးလမ်းတွင် စိတ်ကြွရူးသွပ်ဆေးပြား ၃၀၀၀၀ ဖမ်းမိ

.

တောင်ကြီး၊ ဇွန် ၂၁

.

ရှမ်းပြည်နယ်တောင်ပိုင်း၊ တောင်ကြီးမြို့၊ ကျောင်းကြီးစုရပ်ကွက်၊ ကျောက်တလုံးကြီးလမ်းမပေါ်တွင် ယနေ့ ဇွန်လ ၂၁ ရက်၊ နံနက် ပိုင်းက အမျိုးသား ၂ ဦး ထံမှ စိတ်ကြွရူးသွပ်ဆေးပြား ၃၀၀၀၀ ဖမ်းဆီးရမိခဲ့ပြီး ကွင်းဆက်တရားခံ ၂ ဦး ထပ်မံဖမ်းဆီးရမိခဲ့ကြောင်း သိရသည်။

.

.

တောင်ကြီးခရိုင်ရဲတပ်ဖွဲ့၊ မှုခင်းနှိမ်နင်းရေးတပ်ဖွဲ့ဝင်များ ပါဝင်သော ပူးပေါင်းအဖွဲ့သည် ယနေ့ ဇွန်လ ၂၁ ရက်၊ နံနက် ၁၁ နာရီခန့်က တောင်ကြီးမြို့၊ ကျောင်းကြီးစုရပ်ကွက်၊ နယ်မြေ (၁၃)၊ ကျောက်တလုံးကြီး လမ်းမကြီးပေါ်တွင် ပိတ်ဆို့စစ်ဆေးဆောင်ရွက်နေစဉ် ယင်းလမ်းအတိုင်း တောင်ဘက်မှ မြောက်ဘက်သို့ ခွန်ကျော်ဝေဖြိုး (ခ) ဖြိုးနှင့် နေမျိုးထွန်း (ခ) တက်တိုး တို့ စီးနင်းလိုက်ပါလာသည့် Honda Wave-110 ဆိုင်ကယ်အား ရပ်တန့်စစ်ဆေးရှာဖွေရာ ဆိုင်ကယ်မောင်းနှင်သူ ခွန်ကျော်ဝေဖြိုး (ခ) ဖြိုး လွယ်ထားသော အနက်ရောင်လွယ်အိတ်အတွင်းမှ စိတ်ကြွမူးယစ်ဆေးဝါးဟု ယူဆရသော WY စာတမ်းပါ လိမ္မော်ရောင် ဆေးပြား ၃၀၀၀၀ ပြား၊ စုစုပေါင်းအလေးချိန် ၂ ဒသမ ၇ ကီလိုဂရမ်ခန့်အား ဖမ်းဆီးရမိခဲ့ခြင်း ဖြစ်ကြောင်း သိရသည်။

🌸 တာချီလိတ်မြို့နယ်၊ စန်းလုကျေးရွာတွင် အထူးကုဆရာဝန်များက အခမဲ့ ကျန်းမာရေးစောင့်ရှောက်မှု ကွင်းဆင်းဆောင်ရွက်

.

တာချီလိတ်၊ ဇွန် ၂၁

.

ကျန်းမာရေးဝန်ကြီးဌာန၊ ကုသရေးဦးစီးဌာန၏ လမ်းညွှန်မှုဖြင့် တာချီလိတ်မြို့ ခုတင် ၁၀၀ ဆံ့ ခရိုင် ပြည်သူ့ဆေးရုံမှ အထူးကုဆရာဝန်များပါဝင်သည့် ဆေးကုသရေးအဖွဲ့သည် ယနေ့ ဇွန်လ ၂၁ ရက်၊ နံနက်ပိုင်းက တာချီလိတ်မြို့နယ်၊ လွယ်တော်ခမ်းကျေးရွာအုပ်စု၊ စန်းလုကျေးရွာနှင့် အနီးပတ်ဝန်းကျင်ရှိ ပြည်သူများအား အခမဲ့ကျန်းမာရေး စောင့်ရှောက်မှုလုပ်ငန်းများ ကွင်းဆင်းဆောင်ရွက်ပေးခဲ့ကြောင်း သိရသည်။

.

.

အဆိုပါ ဆေးကုသရေးအဖွဲ့တွင် ခွဲစိတ်ရောဂါအထူးကုဆရာဝန်၊ သမားတော်အထူးကုဆရာဝန်၊ သွားနှင့် ခံတွင်းအထူးကုဆရာဝန်၊ အထွေထွေရောဂါဆရာဝန်များနှင့် ကျွမ်းကျင်ကျန်းမာရေးဝန်ထမ်းများ ပါဝင်ပြီး ဒေသခံတိုင်းရင်းသားပြည်သူများ၏ ကျန်းမာရေးအခြေအနေများကို စမ်းသပ်စစ်ဆေး၍ လိုအပ်သည့် ဆေးဝါးကုသမှုများကို အခမဲ့ဆောင်ရွက်ပေးခဲ့ကြောင်း သိရသည်။

🌸 “Whenever Possible” Season 5 မကြာခင် ထွက်ရှိတော့မယ့်အကြောင်း SBS ကြေညာ

.

ဇွန်၊ ၂၁

.

နာမည်ကျော် အစီအစဉ်တင်ဆက်သူ ယူဂျယ်ဆော့နဲ့ သရုပ်ဆောင် ယူယွန်းဆော့ တို့နှစ်ဦး ပါဝင်ထားတဲ့  “Whenever Possible” Season 5 ထွက်ရှိလာတော့မယ့်အကြောင်း SBS က အတည်ပြုလိုက်ပါတယ်။

.

.

ဒီအစီအစဉ်က နိုင်ငံတဝှမ်းကနေ ပါဝင်ချင်သူ ပရိသတ်တွေဆီကို ကိုယ်တိုင်သွားရောက်၊ ဂိမ်းကစားပြီး တန်ဖိုးကြီးဆုတွေ ပေးတဲ့အစီအစဉ်မို့ ပရိသတ်အကြိုက်ဆုံး အစီအစဉ်တွေထဲက တစ်ခုဖြစ်သလို SBS ရုပ်သံရဲ့ လူကြိုက်အများဆုံး Variety Show အစီအစဉ်တစ်ခုလည်း ဖြစ်နေတာပါ။

🌸 တောင်ကြီး ကုန်တင်ယာဉ်ရပ်နားစခန်း ဆောက်လုပ်ရေးအတွက် စည်ပင်၊ ကုမ္ပဏီနှင့် ကုန်စည်ပို့ဆောင်ရေး လုပ်ငန်းရှင်များ တွေ့ဆုံ

.

တောင်ကြီး၊ ဇွန် ၂၁

.

ရှမ်းပြည်နယ်တောင်ပိုင်း၊ တောင်ကြီးမြို့နယ်၊ ထီဖောင်းကျေးရွာအုပ်စု၊ တောင်ကြီးမြို့ရှောင်လမ်းဘေးတွင် ကုန်တင်ယာဉ်ရပ်နားစခန်း ဆောက်လုပ်နိုင်ရေးအတွက် ယနေ့ ဇွန်လ ၂၁ ရက်၊ နံနက်ပိုင်းက တောင်ကြီးမြို့၊ မြို့တော်ခန်းမတွင် စည်ပင်သာယာရေးဌာန၊ မြတ်ဘုန်းသီရိကုမ္ပဏီနှင့် ကုန်စည်ပို့ဆောင်ရေး လုပ်ငန်းရှင် များ တွေ့ဆုံဆွေးနွေးခဲ့ကြောင်း သိရသည်။

.

.

တွေ့ဆုံပွဲတွင် တောင်ကြီးမြို့နယ်စည်ပင်သာယာရေးဌာန အမှုဆောင်အရာရှိက အမှာစကား ပြောကြားခဲ့ပြီး ရှမ်းပြည်နယ် ကုန်စည်ပို့ဆောင်ရေး လုပ်ငန်းရှင်များအသင်း ဥက္ကဋ္ဌနှင့် ကုမ္ပဏီမှတာဝန်ရှိသူ တစ်ဦးက စီမံကိန်း ဆောင်ရွက်မည့် အစီအမံများ ရှင်းလင်းတင်ပြရာ တက်ရောက်လာသူများမှ သိရှိလိုသည်များကို ပြန်လည်မေးမြန်း ဆွေးနွေးခဲ့ကြောင်း သိရသည်။

🌸 မအိမ့်ချစ်သူအား ‌တောင်ကြီးမြို့နယ် စာရေးဆရာအသင်း က သွားရောက်ဂုဏ်ပြုဝန်းရံ

.

တောင်ကြီး၊ ဇွန် ၂၁

.

တေရဿမအကြိမ် သုတစုံလင်ဗုဒ္ဓဝင်ပြိုင်ပွဲ အလယ်တန်းအဆင့်တွင် မြန်မာတစ်နိုင်ငံလုံး ပထမဆု ရရှိခဲ့ သည့် မအိမ့်ချစ်သူအား တောင်ကြီးမြို့နယ် စာရေးဆရာအသင်းက ယနေ့ ဇွန်လ ၂၁ ရက်၊ နံနက်ပိုင်းတွင် သွားရောက် ဂုဏ်ပြုဝန်းရံခဲ့ကြောင်း သိရသည်။

.

.

တောင်ကြီးမြို့နယ် စာရေးဆရာအသင်း နာယကနှင့် အလုပ်အမှုဆောင်များ၊ အသင်းဝင်များ၊ စာပေချစ်သူ များက တောင်ကြီးမြို့၊ ချမ်းမြသာစည်ရပါကွက်ရှိ အေးမြကရုဏာ ဓမ္မရိပ်သာကျောင်းတိုက်တွင် မအိမ့်ချစ်သူ အား သွားရောက်ဂုဏ်ပြုခဲ့ခြင်း ဖြစ်ကြောင်း သိရသည်။